Efnahagsviðreisn er langt utan getusviðs þeirra með þessu hugarfari - því miður

Ég hafði væntingar til Jóhönnu og Steingríms. Þær væntingar dóu endanlega með þessum orðum þeirra. Þau skilja ekki hversu róttækra aðgerða er þörf til að rétta við það óréttlætli sem fólst í lánveitingum undanfarin ár.

Það er stórkostleg einfeldni hjá viðskiptaráðherra, Gylfa Magnússyni, að halda því fram að verið sé að rétta þeim hjálparhönd sem ekki þurfa á þvi að halda. Staðreyndin er sú að lánveitingar urðu að stórkostlegum vörusvikum með margföldum forsendubresti og þess vegna þarf að leiðrétta skuldastöðu allra skuldara, ekki bara þeirra sem þurfa hjálp.

Jóhanna er greinilega ekki meðal skuldara þegar hún kallar hugmyndir um leiðréttingu skulda "arfavitlausar". Með þessu afhjúpaði hún skilningsleysi sitt á því hvers vegna 20-30% þjóðarinnar er í svo erfiðum málum að hún sjái ekki fram á annað en gjaldþrot og eignamissi til ríkisins og bankanna sem eru hinir seku í hruninu. Þeir sem bera mesta ábyrgð á efnahagshruninu ætla að hirða eignir skuldugra landsmanna og sölsa undir sig. Þetta er gert með neyðarlögunum sem eru ekkert annað en kennitöluflakk og sóðalegur þjófnaður sem þjóðin virðist ekki enn farin að átta sig á.

Steingrímur bætti síðan enn um betur með því að að vega ómaklega að Tryggva Þór vegna þátttöku hans í atvinnurekstri sem þó er ennþá gangandi ólíkt bönkunum sem hann átti sinn þátt í að stela með samþykki sínu og þátttöku í setningu neyðarlaganna.

Þegar þjóðin áttar sig á því með hversu óbilgjörnum og subbulegum hætti ríkið ætlar að sölsa undir sig, óverðskuldað, eigur stórs hluta þjóðarinnar þá verður önnur búsáhaldabylting. Þið kannski trúið því ekki núna, en það gæti farið svo að tveimur til þremur mánuðum eftir kosningar verður farið að krefjast afsagnar Jóhönnu og Steingríms með ennþá stórkostlegra búsáhaldaglamri.

Fram yfir kosningar verður ekki mikið blakað við skuldurum, en um leið og þær eru afstaðnar verður fjandinn laus, vegna þess að þingmennirnir verða þá sjálfir komnir í öruggt skjól.

Húsráð Tryggva Þórs þykja vond

Hvar er myndin af sigurvegaranum?

Þessi frétt er að sjálfsögðu skilgetið afkvæmi ráðandi afla á Mogganum. Þeirra maður er á myndinni með fréttinni en ekki sigurvegari kosninganna.

Segið mér svo að þessi miðill sé óhlutdrægur og málefnalegur á ritstjórninni.

Ragnheiður Elín sigraði

Illugi betra formannsefni en Bjarni Ben

Það er ekki nokkur vafi í mínum huga að Illugi er íhaldinu betra formannsefni heldur en Bjarni Ben. þrátt fyrir hugsanlegt fikt hans í fjármunum vegna sjóðs 9 hjá Glitni.

Hitt formannsefnið, fætt með silfurskeið Engeyjarættarinnar í munninum erfir nefnilega milljarðadæmi úr olíusukkinu þar sem stór hluti auðsins er illa fengið fé skv. dómi. Enginn hefur samt axlað ábyrgð úr því dæmi nema Þórólfur Árnason, sem var þó ekki neitt nema launaður starfsmaður á þeim tíma.

Líklegra er þó að Bjarni verði formaður og yfir því geta andstæðingar íhaldsins glaðst yfir. Ungir pabbadrengir ráði nú brátt ríkjum yfir tveimur mestu spillingarflokkum síðustu ára og enn er eitthvað til af fólki sem heldur að þetta sé endurnýjun. Dream on!

Dettur einhverjum í hug að milljarðaerfingjar Framsóknarflokksins og íhaldsins séu eitthvað annað en fjarstýrð skilgetin afkvæmi feðra sinna?

Já, þeir eiga að gjalda þess að vera ríkra manna synir. Auðurinn er nefnilega að stórum hluta fenginn í gegnum siðspillt stjórnmál og þeir vita það manna best sjálfir.

Illugi öruggur á toppnum með 3600 atkvæði

Tommy Emmanuel - Day Tripper, Lady Madonna, Saturday, Classical Gas

Ég mátti til með að koma þessu á framfæri.

Hér er Tommy Emmanuel að spila lög Bítlanna, Day Tripper  og Lady Madonna á sinn einstaka hátt.

 

Hér kemur svo væn útgáfa af Classical Gas

 

Framboðstitringur íhaldsins: Lygi, hálfsannleikur og bellibrögð

Því hefur lengi verið haldið fram að allt sé leyfilegt í ástum og viðskiptum. Stjórnmál eru sér á parti. Þar tíðkast samt víða að beitt er öllum brögðum. Frambjóðendur Sjálfstæðisflokksins eru nú hver sem óðast að reyna koma sér á framfæri og eru að gera allt vitlaust í þinginu í þeim tvenna tilgangi að vera bara að þvælast fyrir þjóðþrifamálum með málþófi og eru auk þess að skora með því að gera sig eins breiða í umræðunni og hægt er.

Manni kemur samt ekkert á óvart að Mogginn hampi sínum mönnum en samt er þessi umræða undan rifjum Birgis Ármannssonar með þeim ómerkilegri. Þessi pólitíski fylgifiskur Björns Bjarnasonar hefur aldrei gert mikið meira en að endursegja BB eins og framlengingarlúður.

Nýjustu málin er nú um stundir að einn frambjóðandinn í Reykjavík er að ljúga um sjómennskureynslu sína (sem hann getur auðveldlega sannað með lögskráningarvottorði ef það finndist hjá Tollstjóra!), annar fyrirsjáanlega misnotaði stöðu sína sem formaður íþróttafélags og þykist svo leið yfir "mistökum" sínum. Þessu til viðbótar eru svo notðu flest önnur þekkt pólitísk brögð eins og veitingastarfsemi og smámútur.

Auglýsingakostnaður margra frambjóðenda hleypur á það mörgum milljónum að það er stundum hærra en væntanleg laun þeirra sem þingmanna að það hlýtur því að vera sérstakt áhugaefni að skoða hvernig þeir launa slíka "vinagreiða".

Getur verið að úthlutanir Guðlaugs Þórs sem ráðherra þoli litla skoðun? Mér kæmi ekki á óvart að hann endaði sem útgjaldahæsti frambjóðandinn eins og síðast.

Segir ummæli forsætisráðherra misvísandi

You ain't seen nothing yet!

Þessi setning er fyrst og fremst fræg fyrir að vera tónverk með Bachman-Turner Overdrive og síðan því að bæði Össur Skarphéðinsson og Ólafur Ragnar Grímsson hafa báðir notað þessa setningu og orðið sér til háðungar með notkun hennar síðar vegna framvindu mála.

Nú ætla ég að gera hana að minni og vonast til að hún verði mér til hinnar mestu háðungar því ég trúi því að við séum ekki byrjuð að upplifa raunverulega erfiðleika í þessu þjóðfélagi. Það eru ekki margir farnir að svelta ennþá. Ég á von á miklu erfiðari tímum en nú eru. Ástæðan er aðallega sú að enn eru eignir að falla í verði og það er heldur ekki verið að grípa til þeirra stórtæku aðgerða sem þörf er að vinna undir þessum kringumstæðum. Sá stóri misskilningur er ennþá í gangi hjá ráðamönnum þjóðarinnar að hægt sé að gera eitthvað smálegt til að laga þetta ógurlega hrun.

Þeir mega svo sannarlega hugsa sinn gang betur í þeim efnum!

Skuldir þjóðarbúsins meiri en áður var talið

Minnimáttarkennd íslendinga dúkkar upp eftir stærilæti dauðans

Mér finnst aulagangurinn í rannsókn okkar séríslensku vandamála með endemum. Allt frá því að Glitni var sparkað niður og til dagsins í dag hefur ekkert verið gert af viti til að ráðast að vandamálunum eða rannsaka rökstuddan grun um efnahagsglæpi.

Á einhvern undarlegan hátt virðist miðaldra norsk kona búsett í Noregi allt í einu verða að einhverjum allsherjar bjargvætti í þessum málum þótt hundruð íslendinga hafi haft hátt um þessi mál í marga mánuði. Þessu má hiklaust kenna fjölmiðlunum um. Ennþá tekst þeim að upphefja fólk og gera að dýrlingum og goðsögnum út á eitt viðtal í sjónvarpi. Er ykkur sjálfrátt með þetta?

Ég er ennþá að jafna mig á ráðningu norska seðlabankastjórans, sem ekki talar íslensku og þá á að bæta um betur og ráða annan norðmann í kvenmannslíki til rannsóknarstarfa.

Yfir þetta er bara eitt orð: Minnimáttarkennd!

Eva Joly ráðleggur ríkisstjórn

Einkavinavæðingin er öll að ganga til baka

Þetta virðist hafa verið stutt gaman og ekki skemmtilegt framtak hjá Halldóri og Davíð þegar þeir einkavinavæddu ríkisfyrirtækin og bankana.

Þetta er allt meira og minna að ganga til baka núna. En því lýkur ekki þar. Að auki er ríkið að taka til sín alla sem eitthvað hafa skuldað á þessu tímabili og lent í vörusvikum lántakenda. Það á enn eftir að leiðrétta.

ÍAV verður yfirtekið

Black Night - Deep Purple

Árið er 1970 ég verð bráðum 15 ára. Staðurinn er Tónabær í Skaftahlíð (v/Miklubraut). Þetta lag átti svæðið á þessum tíma. 1972 var þetta lagið sem dó í rafmagnsleysi hallarinnar þegar Deep Purple spiluðu þar. Við fengum aldrei að heyra það á þeim tónleikum. Samt höfðu tónleikarnir verið svo magnaðir að það gerði eiginlega ekkert til, við vorum fyrir löngu búin að fá fyrir peningana okkar. Hér spila þeir félagar Black Night árið 1990 í fínu formi.

Tími svona dellumála er liðinn - Hvenær skildi það verða betur skiljanlegt?

Ég hélt satt að segja að það hefði verið ákveðið að draga úr milljónakostnaði við svona dellumál. Hverjum er eiginlega verið að verjast?

Hver hefur lengur efni á því að fljúga hingað í kreppunni?

Það er kannski ekkert skrýtið að íslenskt efnahagslíf sé ónýtt þegar ráðamenn haga sér svona. Það er hins vegar ennþá verra að þeir hafi ekki lært neitt af þessari bitru reynslu.

Það er kominn tími til að skipta út óábyrgum brennuvörgum í stjórnkerfinu.

Dönsku orrustuþoturnar mættar til eftirlits

Svona var gert upp við Stalín

Sagan endurtekur sig í sífellu. Eftir dauða Stalíns fékk hann, þótt steindauður væri, aldeilis orð í eyra.

Nú virðist sem heilbrigð sjálfsgagnrýni sé loksins að birtast í þessum flokki sem ég gafst upp á haustið 2006 vegna spillingarmála.

Meðvirkni og afneitun hefur einkennt þennan flokk undanfarið. Það hlýtur því að vera jákvætt þegar menn loksins vakna upp í brunarústunum og komast að því að það þarf að fara að huga að nýju húsi, því það sé bæði vont og ónotalegt að það ýmist snjói eða rigni í bælið hjá manni.

„Flokkurinn þoli stór orð"

Solla gerir út á vorkunsemi kjósenda og stuðningsmanna

Í flestum mikilvægum störfum er gert ráð fyrir að fólk sé líkamlega og andlega fært til verka. Nú blasir við öllum sem vilja vita að Solla er með öllu ófær um að starfa sem formaður Samfylkingarinnar og enn síður að vera þingmaður og ráðherra sökum veikinda.

Það virðist sem stór hluti Samfylkingarinnar sé í sömu stöðu og stuðningsmenn Davíðs í Sjálfstæðisflokknum að það skipti engu máli í hvaða standi þessir stjórnmálamenn eru að þeir skuli halda stöðu sinni vegna fyrri afreka óháð því hvort þau geti yfirhöfuð sinnt störfum sínum af einhverju viti.

Þau hafa í mínum huga líka verið andlega skyld: Með óhóflegt mat á eigin mikilvægi svo vægt sé til orða tekið.

Ingibjörg býður sig fram

Hin íslenska þjóð verður brátt afDavíðuð

Það hefur verið ótrúlegt að fylgjast með ferli þessa síðasta einræðisherra Íslands. Hann hefur ráðið meira og minna öllu frá árinu 1991 og er nú blásaklaus af því að hér er allt í kalda koli, brunnið og ónýtt.

Ég undrast jafnvel enn meira fyrrverandi félaga mína í Sjálfstæðisflokknum sem hafa verið í ótrúlegri dýrkun á þennan mann og tekið þátt í sjúklegri afneitun og meðvirkni. Nú er kominn tími fyrir þá að fara að afDavíðast og taka nýtt jarðsamband.

Reisa þarf Ísland úr þeim efnahagslegum rústum sem örfáir pótintátar einræðisins skópu okkur með bankastjórann, brátt fyrrverandi, í fararbroddi.

Best væri að hefnigirni og langrækni Davíðs gerði það að verkum að hann færi að leka helst öllum upplýsingum úr svörtu bókinni sinni. Liðsmönnum hans hefur nú endanlega mistekist að halda honum við völd og honum því óhætt að hefna sín á vanmætti þeirra.

Seðlabankafrumvarp afgreitt

Björn Ingi einn þeirra stjórnmálamanna sem er samsekur auðmönnunum?

Í febrúar 2007 fjallaði Fréttablaðið um Björn Inga og boðsferð sem hann þáði frá Kaupþingi. Björn Ingi taldi ekkert óeðlilegt við þá boðsferð enda væri hann viðskiptavinur bankans. Bingi gaf það í skyn að hann væri réttur og sléttur sem slíkur en nú er annað að koma á daginn. 60 milljóna lán til hlutabréfakaupa fékk hann hjá Kaupþingi sem aðstoðarmaður Halldórs Ásgrímssonar sem þá var forsætisráðherra.

Mér fannst þessi frétt Fréttablaðsins ekki fá sérstaka athygli og skrifaði þessa færslu 9. febrúar 2007.

Fólki má löngu vera ljóst að skúrkarnir eru ekki allir i líki illa talandi ófríðra boxara. Þeir geta líka verið myndarlegir, sannfærandi og vel talandi.

Ég deili þeirri skoðun með mörgum að það sé komið fullt tilefni til að setja auðmenn í yfirheyrslur og frysta eigur þeirra. Þessu til viðbótar blasir við að helsta ástæða þess að það er ekki gert er vegna þess að alltof margir stjórnmálamenn voru meðsekir og þeir viðhalda saman ógnarjafnvægi söngsins.

Gæti talist mútuþægni

Er ESB þegar farið að stjórna verðandi nýlendu sinni?

Ég held að það sé tímabært að minna þingmenn á að þeir eiga stjórna hér en ekki Evrópusambandið.

Auk þess er orðið tímabært að fara koma ESB landráðaþingmönnunum burtu sem fyrst.

Lausn ekki fundin