Hin íslenska þjóð verður brátt afDavíðuð

Það hefur verið ótrúlegt að fylgjast með ferli þessa síðasta einræðisherra Íslands. Hann hefur ráðið meira og minna öllu frá árinu 1991 og er nú blásaklaus af því að hér er allt í kalda koli, brunnið og ónýtt.

Ég undrast jafnvel enn meira fyrrverandi félaga mína í Sjálfstæðisflokknum sem hafa verið í ótrúlegri dýrkun á þennan mann og tekið þátt í sjúklegri afneitun og meðvirkni. Nú er kominn tími fyrir þá að fara að afDavíðast og taka nýtt jarðsamband.

Reisa þarf Ísland úr þeim efnahagslegum rústum sem örfáir pótintátar einræðisins skópu okkur með bankastjórann, brátt fyrrverandi, í fararbroddi.

Best væri að hefnigirni og langrækni Davíðs gerði það að verkum að hann færi að leka helst öllum upplýsingum úr svörtu bókinni sinni. Liðsmönnum hans hefur nú endanlega mistekist að halda honum við völd og honum því óhætt að hefna sín á vanmætti þeirra.

Seðlabankafrumvarp afgreitt

Athugasemdir

[Ásthildur Cesil Þórðardóttir, 26.2.2009 kl. 09:50]

Vonandi losnum við við hann sem allra fyrst.  Þá verður þungu fargi létt af mörgum. 

[Stefán (IP-tala skráð) 26.2.2009 kl. 10:43]

Davíðs verður ekki sárt saknað þó að hann láti aldrei sjá sig framar í pólitík - tími Davíð er einfaldlega ( löngu ) liðinn og sagan mun fara ófögrum um hans pólitíska valdatíma, pólitísku afglöp og öll hagfræðimistökin sem hann gerði sem Seðlabankastjóri. Enginn ætti að fagna meira en Geir Haarde sem Davíð greinilega elskar að gera lítið úr.

[Ingvar Valgeirsson, 27.2.2009 kl. 10:00]

Ég held að sagan muni fara betur með Davíð en þá sem nú eru búnir að setja hann af. Þvílíkur vandræðagangur og barnalæti kringum eitt lagafrumvarp. Bara til þess að fulltrúar IMF fengju ekki að hitta hann, eina manninn sem þeir höfðu sagt eitthvað fallegt um í íslenskri stjórnsýslu...

[Haukur Nikulásson, 27.2.2009 kl. 17:03]

Ingvar, þetta er nú ástæðan fyrir því að ég tel þig með glerhörðu íhaldinu. Davíð á enga fylgismenn utan þess flokks