Þessi Davíðssýki Sjálfstæðisflokksins er orðin endalaus þjóðarógæfa

Sjálfstæðisflokkurinn á sér bara eitt markmið og það er að halda Davíð Oddssyni við völd.

Hafi ég skammast mín fyrir að hafa stutt þennan ólansflokk fram til haustsins 2006 skal ég gera betur:

Ég bið þjóðina afsökunar á því að hafa kosið Samfylkinguna í hallæri til að koma þessum íhaldsóhroða burtu úr stjórn. Sjáið hvað maður fékk í hausinn fyrir að trúa því loforði Samfylkingarinnar að vera mótvægi íhaldsins.

Detti einhverjum í hug að ég sé geðillur þessa stundina vegna endalauss fíflagangs Sjálfstæðismanna þá er það rangt. Ég er öskrandi illur út af þessu.

Mikil fundahöld í þinghúsinu

Allir sem einn fórna þeir sér fyrir Davíð

Ég er eiginlega að komast á þá skoðun að Sjálfstæðismenn geri ALLT til að halda Davíð Oddssyni við raunveruleg völd. Þeir sem eitthvað vilja vita, vita nefnilega að hann hefur ráðið öllu þótt hann hafi farið í Seðlabankann. Þó að Geir hafi orðið forsætisráðherra fer ekkert á milli mála að Davíð réði öllu áfram. Þeir sem halda öðru fram eru ekki með jarðsamband.

Völdum er ekki úthlutað, þau eru tekin og Davíð hefur aldrei sleppt neinu og það skýrir hvers vegna Sjálfstæðisflokkurinn virðist í heild sinni tilbúinn í hvaða sjálfsmorð sem er til að þóknast yfirformanninum. 

Vilja fresta seðlabankaumræðu

America - Sister Golden Hair (live)

Ein af mínum uppáhalds hljómsveitum í den, America með Sister Golden Hair sem var mjög vinsælt árið 1975. Best of platan þeirra var spiluð í gegn hjá mér á sínum tíma. Tónlist þeirra rann áreynslulaust inn í mann. Fallegur raddaður söngur og sumpart sérkennilegar lagasmíðar voru aðalsmerki þeirra.

 

 

Tími kominn á handtökur og eignakyrrsetningar auðmanna

Ég skil eiginlega ekki til hvers verið er að halda út lögregluliði og rannsóknaraðilum.

Nú þegar eru nægilegar vísbendingar og rökstuddur grunur til að fara að kyrrsetja eignir auðmanna og taka þá til yfirheyrslu.

Það stofnar enginn reikinga á Cayman eyjum, Luxembourg, Tortola og fleiri stöðum nema til að fela. Oft er það þannig að þeir sem eru að fela... eru að stela.

Hlutabréfaverði var haldið uppi

Betri er vond athygli en engin

Hver vill sitja inni fyrir það að gera Árna eitthvað til miska? Ekki ég!

Það er óhugsandi með öllu að nokkur lifandi heilvita manneskja tæki í mál að sitja í fangelsi fyrir það að byrla þessum manni eitur. Hann er einfaldlega ekki einu sinni eins dags virði á Kvíabryggju með lítið notuðum dýnum og minna notuðum flatskjáum.

Annað hvort af tvennu er þetta er hreint og klárt ofsóknaræði eða að hann er í aðdraganda kosninga að fá sér auglýsingu af ódýrari gerðinni undir merkinu betri er vond athygli en engin.

DV: Eitrað fyrir Árna Johnsen

Jón minn, hvernig datt þér þetta eiginlega í hug?

Sjálfstæðisflokkurinn er að mínu mati ónýtasta og spilltasta stjórnmálaafl síðustu ára. Þeir skilja eftir efnahagslegar brunarústir og og hafa ítrekað vanvirt kjósendur með næstum grímulausri spillingu og einkavinavæðingu sem hefur skilið okkur eftir í djúpum skít, svo vægt sé til orða tekið. Hafi einhver flokkur nánast eyðilagt Ísland þá er það minn gamli flokkur sem ég hætti stuðningi við vorið 2007.

Hverig í veröldinni datt þér í hug að ganga í þetta batterí aftur Jón?

Í Sjálfstæðisflokkinn á ný

Hversu langvarandi eru MISTÖKIN?

Annálaður kókhaus og fyllibytta kom út af pínulitlu skituklósetti á Stuðmannaballi í íþróttahúsinu á Seltjarnarnesi haustið 2002 eða 2003 ásamt öðrum minna þekktum söngvara með útlent eftirnafn. Klósettið var ekki ætlað ballgestum heldur starfsfólki að auki. Hvorugur þessara manna tengdist Stuðmönnum í þessu sambandi.

Hvað eru tveir karlmenn að gera eins og stelpur inn á örsmátt klósett saman? Skeina hvor öðrum? Passa upp á að þeir pissi ekki út fyrir? Sjúga kók í nös?

Ég get viðurkennt að þetta eigi að vera einkamál og hefði ekki sagt orð um þetta nema af því að viðkomandi gefur tilefni sjálfur til að halda umræðunni áfram með lygi til að líta betur út. Það er rangt að koma fram fyrir alþjóð og láta eins og þetta sé einangrað tilvik ("mistök") og ljúga þannig upp í opið geðið á manni þegar maður veit betur. Þetta er afneitun til margra ára. Sumir eiga bara að leita sér hjálpar.

Þið sem berið blak af þessu eruð að hjálpa til við að viðhalda afneituninni og ættuð að skammast ykkar. Þið eruð vita gagnslaus og hjálpið honum einungis að viðhalda ruglinu í sér með vanhugsaðri hvatningu. 

Björn Jörundur viðurkennir mistök

Hver eru pólitísk afrek Ingibjargar?

Ég hef stundum velt fyrir mér hverju sumir okkar stjórnmálamanna hafa áorkað sem stjórnmálamenn og hvort maður myndi vera stoltur af þeim verkum?

Ég satt að segja hnýt ekki um neitt sem kalla mætti afrek hjá Ingibjörgu annað en að komast með sjálfa sig í efstu tröppu Kvennalistans og Samfylkingarinnar sem formaður.

Ég tel það engin afrek í sjálfu sér að skipa vinkonur sínar í helst allar stöður t.d. Sigríði Dúnu sem sendiherra í Suður-Afríku eða að halda áfram bröltinu við að koma Íslandi í Öryggisráð SÞ með pönnukökuveislu. Einnig þykir mér lítt til borgarstjórnartíma hennar koma. Hver voru eiginlega pólitísku afrekin hennar? Mér er helst í minni öfga kvennapólítík í formi misréttis þeim til handa.

Ég sé ekkert athugavert við að fólk bjóði sig fram á móti manneskju sem var stýrimaður í brúnni þegar öllu var siglt í strand. Hvað gengur að íslendingum þegar ekki má lengur skipta út óhæfu fólki?

Jóni frjálst að láta reyna á fylgið

Er afneitunin líka í nýju ríkisstjórninni?

Mér er eiginlega orðið sama um þessa gjaldmiðlaspurningu. Hún er seinni tíma mál. Það er líka fyrir síðari tíma að skoða aðild að ESB hvað svo sem hver segir.

Það sem skiptir máli núna er hreinlega að komast að því hvort Ísland sé gjaldþrota sem þjóð og eigi að gera ráðstafanir frá þeirri staðreynd núna eða strax!

Það eru lágmarksupplýsingar að fá að vita á hvaða þúsund milljörðum skuld okkar við umheiminn stendur. Eru þetta 3.000, 10.000 eða 20.000 milljarðar sem okkur er ætlað að borga?

Hvernig væri að allir þeir hagfræðingar og viðskiptafræðingar og bankafólk á himinháum launum hjá ríkinu færi að andskotast til að koma einhverjum vitrænum upplýsingum á framfæri!

Ég er ennþá sannfærðari en nokkurn tíma fyrr að enn er verið að voma yfir málunum, dansa við smámál þegar stóra málið er látið ósnert vegna hræðslu og vanþekkingar.

Við bætist svo að kosningahamur er kominn á suma þingmenn og þeir hætta bara að hugsa um stærri vandamál en eigið endurkjör. Hinir þykjast sjá að þingmennska verði ekkert annað en leiðindi miðað við fyrri gósen- og lántökusukktíma og hafa ákveðið að hætta þessu starfi.

Ísland ætti að taka upp breska pundið

Var valinn flytjandi frekar en lag?

Ég átti frekar von á þessum úrslitum.

Ég hef ekkert sérstakt dálæti á laginu sem vann í kvöld. Ég held aftur á móti að Jóhanna Guðrún sé eitthvert mesta söngkonuefni Íslands í mörg ár. Hún hefur hreina og fallega rödd, góða söngtækni og bara nokkuð öruggt pitch þótt hún sé ung. Ekki spillir heldur að hún er bráðfalleg og geðug og hingað til hefur það ekki spillt fyrir heldur.

Ég held að margir hafi að þessu sinni kosið flytjanda fremur en lag. Og það kæmi mér heldur ekkert á óvart ef ferill hennar kæmist á flug eftir Eurovision keppnina í Rússlandi.

(Ég setti texta og hljóma lagsins inn á Söngtextasíðu Davíðs sem er aftur komin í gagnið mörgum til ánægju.)

Lagið Is it true til Moskvu

Dollar er rökréttari leið

Heimurinn okkar er ein jörð. Ekki bara Evrópusambandið. Bæði það að ætla að ganga í ESB sem og að taka upp Evru er skammsýni þar sem fljótlega mun reyna á vilja okkar til að eiga algerlega frjáls viðskipti við fleiri þjóðir en þær 27 sem eru í ESB. Það eru 200 þjóðir í heiminum þar fyrir utan.

Dollarinn er meira notaður á heimsvísu og ég get t.a.m. upplýst að langstærsti hluti af þeim innflutningi sem ég hef staðið fyrir á nærri 27 ára viðskiptaferli hefur verið í dollurum og skipti þá engu hvort ég væri að eiga viðskipti við Evrópuþjóðir líka.

Það hallast sífellt fleiri að því að Dollarinn sé rétti gjaldmiðillinn ef einhliða leið verður farin.

Rökrétt að taka upp evru

Aðgerðarleysi og geðleysi Geirs er með ólíkindum

Það er varla til nægilega sterkt skammaryrði um það geðleysi sem Geir hefur sýnt í okkar séríslensku vandamálum sem hann og Davíð sköpuðu áður en heimskreppan kom þar til viðbótar.

Það að kvarta ekki hátt og mikið við Gordon Brown undan hryðjuverkalögum breta er þvílíkt geðleysi að það má líkja því við að láta sér fátt um finnast þegar nánasti ættingi manns er drepinn!

Ég hætti mér ekki dýpra í þessa umræðu. Hefði fólk vitað þetta áður en hann hætti hefði hávaðinn í búsáhöldunum orðið ennþá hærri.

Jóhanna hringi í Gordon Brown

Niðurlag fréttarinnar er bull - Hvar er ritstjórnin á þessu?

"Af hverju er hálfsextugur maðurinn einn íslenskra tónlistarmanna að berjast fyrir umbótum í samfélaginu?"

Mér finnst sjálfsagt að menn hrósi Bubba fyrir hans framtak. Mér finnst hins vegar Hörður Torfason og margir fleiri fá hér kaldar kveðjur fyrir sína margra vikna baráttu á Austurvelli með þúsundum annarra.

Ég skil ekki lengur hvernig sumir blaðamenn skrifa. Þeir eru orðnir alltof margir sem sjá ekki upp úr tunnunni þegar þeir fjalla um málin.

Alltaf má treysta á Bubba Morthens

Þetta er einfalt: Groddalegt efnahagshrun kallar á groddalegar lausnir

Ef þú lendir í því að skulda mikla peninga segir sig sjálft að þú þarft að greiða mikla peninga.

Eftir allt efnahagshrunið sem dunið hefur yfir okkur eru stjórnvöld ennþá í einhverju smá klappi í málunum. Það þarf stórvirk ráð til að eiga minnstu von um að komast út úr kreppunni.

Það er ekkert neikvætt við að álíta að það taki þjóðina a.m.k. tíu ára leiðindi að komast út úr því sem hér hefur gerst. Það þarf ekki annað en að líta á tölurnar til að sjá það. Neikvætt viðhorf? Nei, bara raunsætt.

Fólk skyldi almennt hafa það í huga að það sé best að læra strax að hafa gaman af litlu hlutunum í tilverunni í stað fyrra lífs í efnishyggjunni. Þannig er auðveldast að halda geðheilsunni.

Ennþá sé ég engin merki um það hugrekki sam þarf til að koma hlutunum í einhvern framsýnan farveg. Boltanum er bara rúllað á undan sér og hann vindur sig upp eins og ofvaxinn snjóbolti.

Það er ljótt að segja það, en samt hluti af jarðsambandi að viðurkenna að gjaldþrotayfirlýsing er jafnvel í kortunum, þjóðinni muni ekki takast að greiða þær þúsundir milljarða sem ætlast er til að við borgum. En til þess að hægt sé að meta það þurfa að fara birtast upplýsingar um hvað það er sem við raunverulega skuldum. Í dag veit það enginn, það er ekki einu sinni til nálgun í því efni þrátt fyrir alla þessa háttlaunuðu talnaspekinga okkar.

Veðjuðu á endurlífgun hagkerfisins

Leiðrétting skulda er ekki í sjónmáli - hvað ætlar stjórnin að gera?

Það er deginum ljósara að það er ekki hægt að velta á undan sér þeim skuldapakka sem fjölskyldur og fyrirtæki þurfa að bera. Það sjá allir nú þegar og líka ríkisstjórnin.

Vandamálið er að fæstir þingmenn og ráðherrar eru meðal skuldara og eru þar af leiðandi eiginlega stikkfrí frá þessum leiðindamálum þegar á reynir.

Leiðrétta þarf skuldastöðuna vegna þess að hún hefur verið fölsuð í þá óviðráðanlegu stöðu sem hún er í núna. Fölsunin felst í stýrivaxtadellu Davíðs Oddssonar og afleiðingar þess sem var röng verðbólgumæling og tilheyrandi verðbótaálag og vaxtaokur.

Lánastarfsemi á Íslandi hefur í nokkur ár verið stórfelld vörusvik sem fólki gengur erfiðlega að átta sig á. Það trúa því nefnilega fæstir að hægt sé að stela svona skipulega og stórkostlega af fólki og fyrirtækjum sem skulda peninga. Ykkur er óhætt að vakna til þess raunveruleika.

Þó að ég sé ánægður með að Jóhanna leiði nýja ríkisstjórn óttast ég samt að stjórnin muni ekki hafa það hugrekki sem þarf til að taka á þessu máli af viti. Það að velta málunum á undan sér er engin lausn. Lengri hengingarsnúra er ekki það sem við viljum.

Erfiður vetur á Íslandi