Er geðrannsókn orðin tímabær?

Það er ekki eðlilegt að láta svona eins og Davíð Oddsson. Ég legg til að maðurinn fái tíma hjá geðlækni. Ég ætla mér ekki að tjá mig um líklegar niðurstöður en myndi byrja að leita eftir mikilmennskubjrálæði.

Það er með ólíkindum að ekkert skuli geta haft áhrif á dómgreind þessa manns á sjálfum sér. En það er nú samt líklegt að skýringa megi leita í þeim sem ennþá umgangast hann. Þeir eru þar vegna þess að Davíð losar sig alltaf við þá sem andmæla honum, ALLTAF!

	Davíð segir ekki af sér
Ábyrgðarmaður færslu Tenging við þessa frétt hefur verið rofin vegna kvartana.

Kynlíf hjá 92 ára karlmanni

Virðulegur 92 ára karlmaður hefur sest í skriftastólinn og byrjar játningu sína:

Sá gamli: Ég er 92 ára gamall og á yndislega konu sem ég hef verið kvæntur í 70 ár. Ég á mörg börn, glás af barnabörnum og heilan helling af barnabarnabörnum. - Í gær tók ég upp puttaferðalanga, tvær menntaskólastúlkur. Við fórum á mótel og ég tók þær báðar þrisvar sinnum.

Presturinn: Iðrastu synda þinna?

Sá gamli: Hvað er "synd"?

Presturinn: Hvers konar kaþólikki ertu eiginlega?

Sá gamli: Ég er gyðingur!

Presturinn: Af hverju er að segja mér þetta?!

Sá gamli: Ég er 92 ára. Ég segi ÖLLUM þetta!

Veruleikafirring á hæsta stigi

Sá sem hér kvartar sáran undan pólitískum hreinsunum og ofsóknum bókstaflega grét yfir því að vera kallaður óráðsíumaður af manninum sem er ábyrgur fyrir verstu efnahagsmistökum Íslandssögunnar.

Sumir eru bara hreint út sagt stórkostlega bilaðir og veruleikafirrtir og ég segi ekki hverjir. Það get ég því miður ekki upplýst vegna bankaleyndar. 

Pólitískar hreinsanir og ofsóknir

Mega þakka fyrir að verða ekki fangelsaðir fyrir marga glæpi

Mín skoðun er sú að Davíð Oddsson hafi leitt meiri efnahagsógæfu yfir þessa þjóð en hægt er að ímynda sér. Það er ennfremur með ólíkindum að enn skuli þessi ólánssami maður fá að sitja sem bankastjóri Seðlabankans rúin öllu trausti í rúma 4 mánuði sem er staðreynd sem sýnir hversu erfitt er að koma óhæfu fólki úr mikilvægum stjórnunarstöðum.

Valdníðsla og vanhæfni eru fyrstu orðin. Landráð vegna stórkostlegs gáleysis og heimsku er líka uppi á borðinu. Hafi einhverjum þótt að leiða ætti menn út í handjárnum vegna hins séríslenska hálfvitagangs í fjármálum, þá er þarna fyrsti maðurinn sem ætti að fá slíka meðferð.

Ég er löngu hættur að vorkenna honum fyrir þetta mál. Þúsundir manna fá miklu stærri skell í kreppunni en þurfti vegna afglapa þessa manns og hann er ábyrgur fyrir ótrúlegri niðurlægingu heillar þjóðar.

Það að halda einum manni á stól Seðlabankastjóra með þessum ótrúlega þráa lýsir því hversu ónýtur Sjálfstæðisflokkurinn var orðinn og meðvirkur í sjúkri foringjadýrkun á manni sem löngu er kominn fram yfir síðasta söludag svo vægt sé til orða tekið.

Yfirlýsingar jaðra við einelti

Niðurfærsla skulda heimila og fyrirtækja mikilvægust nú

Stundum þarf hugrekki til að gera rétta hluti. Stundum þarf líka að vera vondur til að vera góður. Slíkar aðstæður er einmitt núna.

Til að eitthvað fari að ganga upp þarf að fara í skipulega niðurfærslu skulda í þessu samfélagi. Það er ekkert eðlilegt við það að launin lækki, fasteignir lækki en skuldir rjúki upp stjórnlaust. Hækkun skulda er að stærstum hluta vegna óstjórnar í peningamálum og spákaupmennsku með sviknum verðbreytingum og vísitölum og það þarf því að leiðrétta upphæðir skuldanna.

Hér er um allar skuldir að ræða, mynkörfulán og verðtryggð lán. Það gerist ekkert hjá þessari nýju ríkisstjórn nema hún taki á þessu máli fyrst. Það er ekki hægt að slá hausnum við steininn lengur með þetta mál.

Lofum engum kraftaverkum

Davíð ER þekktur af hatri og einelti

Allir sem fylgst hafa með stjórnmálum undanfarin ár þekkja mikið til starfa Davíðs og persónu hans. Hann hefur sjálfur ekkert dregið undan með eiginleika persónu sinnar.

Nánir samstarfsmenn andmæla honum aldrei og Geir líklega heldur ekki því hann setur slíkt fólk miskunnarlaust á ísinn. Talar jafnvel aldrei við viðkomandi aftur og lætur sem það sé ekki til.

Það að Sjálfstæðisflokkurinn hafi þurft að fórna öllu vegna Davíðs er með ólíkindum hjá einum stjórnmálaflokki. Davíð veit of mikið um spillingu og ósóma til að hægt sé að reka hann. Þetta veit alþjóð og Geir þarf ekkert að reyna að fela þessa staðreynd. Úr því Davíð fór ekki af sjálfsdáðum lýsir óhemju valdhroka og síngirni. Geir vissi að hann fengi engu breytt í þessu efni.

Það að Geir reyni þennan málflutning ber því vitni að hann heldur þjóðina vera í einfaldari kantinum.

Geir: Stjórnuðust af hatri

Fjárhagsleg björgun er ekki möguleg með 18% stýrivöxtum áfram

Þessi ákvörðun IMF er algjör fábjánaháttur gagnvart íslenskri þjóð.

Hverja er verið að vernda með 18% stýrivöxtum? Skuldara þessa lands sem hafa til margra ára greitt spákaupmennsku útlendra krónubréfaeigenda og hafa fyrir löngu verið píndir meira en hægt er. Það er ekki meira til i þeirra vösum.

Þessi hálfvitapeningastjórn er beinlínis að segja fólki að það hafi eiginlega engan tilgang að borga skuldir lengur því það stendur enginn undir þessu.

Það er skýlaus krafa að það verði farið í skipulagða niðurfærslu skulda, hvort sem er myntkörfulána og verðtryggðra lána. Hvað þarf marga til að koma stjórnvöldum í skilning að engin önnur leið er fær ef þessi þjóð á að geta lifað?

Það skiptir ekki máli hvort skipt er um ríkisstjórn ef það þýðir ekki að til komi nýjar og raunhæfari björgunaraðgerðir. Ef IMF er ósátt við alvöru aðgerðir þá á bara að skila IMF allri aðstoðinni og hefja sjálfsþurftarbúskap undir hugsuninni að það sé betra að vera fátækur á núlli en skuldugur upp á annan tug milljóna hvert mannsbarn.

Það gengur ekki að halda lántökuvitleysu áfram ef það er bara viðbót á heildarskuldir og áframhaldandi botnlaust vaxtaokur á skuldaranna.

IMF: Munu ræða mögulega vaxtalækkun

Fyrir alla muni geymið IceSave fráganginn

Groddaleg staða kallar á groddaleg viðbrögð. Það ætti flestum að vera ljóst núna. Af þeim sökum mæli ég sérstaklega með því að ekki verði farið í neinar skuldbindingar varðandi IceSave með neinu hraði. Það liggur ekkert á því.

Þetta mál þarf að skoða út frá því sjónarmiði að hér sé um hamfarir að ræða út frá bankahruni í kjölfar hryðjuverkalaga og meðfylgjandi bótakröfu á Breta. Við þurfum að skoða vandlega hvort við ætlum að hafa þennan fjárhagsklafa í 10 ár eða meira og hafandi enga hugmynd um endanlega fjárhæð á hverju einasta mannsbarni þessa lands, 5, 10 eða jafnvel 15 milljónir.

Flýtum okkur hægt í IceSave málinu. Hafi ég einhvern tíma viljað draga lappirnar þá er það nákvæmlega hér.

Opnast Icesave-málið að nýju?

Siðlaus ákvörðun um leið og labbað er út úr ráðuneytinu

Ég tek afstöðu með því að við eigum að veiða hvali ef okkur sýnist svo.

Ég er hins vegar alveg á móti því að Einar K. Guðfinnsson taki svona stóra ákvörðun "í dyrinni". þetta er dæmigerð hagsmunagæsla fyrir Jón Loftsson, siðlaus síðustu forvöð að gera manninum pólitískan einkavinargreiða.

Næsti sjávarútvegsráðherra á ekki að fá svona teiknibólu í stólinn frá honum. 

Það var ekki eftir neinu að bíða

Mogganum alls ekki sjálfrátt með dálæti sitt á Birni

Það er alveg sama hvað út úr Birni kemur, allt skal þetta vera fréttatilefni hjá Morgunblaðinu eins og um stórfréttir sé að ræða. Maður fær á tilfinninguna að alla hugdettur hans séu efni í frétt hjá mbl.is

Ég held að það sé orðið tímabært að minna blaðamenn og ritstjóra á það að þetta er orðinn ríkisfjölmiðill og í aðdraganda kosninga beri þessum miðli að gæta einhvers meðalhófs.

Þær eru orðnar hreint og klárt pirrandi þessar endalausu tilvitnanir í Björn.  Mogginn á ekkert eftir nema að biðja Björn um að blogga um draumana sína svo ómerkileg eru þessi fréttatilefni.

Björn: Forsetinn gekk á svig við hlutleysi sitt

Gátu ekki komið sér saman með neinu móti

Það er ljóst af viðtölum við Ólaf að foringjar flokkanna eru bara sammála um að vera ósammála um allt.  Annars væri forsetinn ekki að tala við alla foringjana bæði í kvöld og hugsanlega á morgun.

Við gætum því séð aðra stjórn en við erum vön t.d. utanþingsstjórn úr því foringjarnir gátu ekki komið sér saman um að leggja strax fyrir forsetann hugmynd um t.d. þjóðstjórn eða aðra meirihlutastjórn.

Nú verður spennandi sjá framvindu mála. 

Skapa þarf samfélagslegan frið

Verður Solla að fá að vera AÐAL áður en hún hættir?

Það er að koma betur og betur í ljós að völd, vegtyllur og peningar ráða för hjá ráðamönnum þessarar þjóðar ekkert síður en auðmönnunum. Þetta er líka ástæðan fyrir því að engin alvöru rannsókn á afglöpum mun fara fram þegar á reynir. Þetta fólk tengist of illilega.

Það kemur fram að ákörðunum hefur verið slegið á frest vegna veikinda Sollu og það getur heil þjóð ekki sætt sig við. Við sættum okkur enn síður að veikindi Sollu nú þýði að hún eigi í einhverju ímynduðu virðingarskyni að fá að vera forsætisráðherra í einhverjar vikur áður en hún hættir í pólitík. Það er einsýnt að svo verður því miður.

Vegtyllan er sýnilega aðalatriðið, fólkið og þjóðarhagur aukaatriðið.

Vilja taka að sér verkstjórnina

Hvílið ykkur - Það hafa fleiri bílpróf

Það er að verða átakanlegt að fylgjast með dauðastríði þessarar ríkisstjórnar. Álagið á Sollu og Geir er að ræna þau heilsunni og ónæmiskerfi þeirra er greinilega að láta undan. Veikindin taka völdin á alla lund og spillir áreiðanlega dómgreindinni líka.

Það er löngu tímabært að þau taki sér hvíld. Það er fullt af fólki reiðubúið að taka við og það verður ekkert meira stjórnleysi en nú er. Annað er afneitun, ímyndun, sjúk valdagræðgi eða bara blanda af þessu öllu. 

Ingibjörg Sólrún: Afsögn Björgvins kom á óvart

Sá sem ekkert vissi um óhæfuverk Davíðs og Geirs axlar ábyrgðina þeirra

Ég hef alltaf haft þá skoðun að Björgvin G. Sigurðsson hafi verið dubbaður upp í starf langt fyrir ofan getu hans og burði. Ég reyndar skil að hann hafi verið upp með sér af þeirri upphefð að hljóta ráðherradóm.

Hann var samt áhrifalaus með öllu og var sniðgenginn í sóðalegustu fjármálaákvörðun Íslandssögunnar þegar Davíð ákvað að sparka í Jón Ásgeir og Glitni ótímabært og fá Geir til að stimpla þann gjörning í gegnum ríkisstjórn og Alþingi.

Afsögn Björgvins og Fjármálaeftirlitsins friðar ekkert í þessu máli. Stærstu afglöpin voru ekki hjá honum.

Björgvin hefur komið mér fyrir sjónir sem vel meinandi maður. Það er bara ekki nóg í þetta starf sem hann var í. Það er hefur aldrei verið vænlegt til virðingar að láta teyma sig skaplaust áfram með þeim hætti sem hann gerði.

Björgvin segir af sér

Lorrie Morgan og Beach Boys með Don't Worry Baby

Don't worry baby (1964) er gamalt og væmið Beach Boys lag. Mér finnst laglínan og hljómagangurinn sérlega hrífandi og nú fékk ég alvöru gæsahúð af því að hlusta á söngkonu sem ég hef aldrei séð eða heyrt fyrr: Lorrie Morgan. Þetta er flott og sjarmerandi kona með þessa íðilfögru kántrýrödd og alveg eðal raddbeitingu. Þetta er besta útgáfa sem til er af þessu lagi og það er söngkonan sem skilar því og hefur einhverja frægustu raddsveit sögunnar á bak við sig. Þetta er tekið upp 1996.