Sá sem ekkert vissi um óhæfuverk Davíðs og Geirs axlar ábyrgðina þeirra

Ég hef alltaf haft þá skoðun að Björgvin G. Sigurðsson hafi verið dubbaður upp í starf langt fyrir ofan getu hans og burði. Ég reyndar skil að hann hafi verið upp með sér af þeirri upphefð að hljóta ráðherradóm.

Hann var samt áhrifalaus með öllu og var sniðgenginn í sóðalegustu fjármálaákvörðun Íslandssögunnar þegar Davíð ákvað að sparka í Jón Ásgeir og Glitni ótímabært og fá Geir til að stimpla þann gjörning í gegnum ríkisstjórn og Alþingi.

Afsögn Björgvins og Fjármálaeftirlitsins friðar ekkert í þessu máli. Stærstu afglöpin voru ekki hjá honum.

Björgvin hefur komið mér fyrir sjónir sem vel meinandi maður. Það er bara ekki nóg í þetta starf sem hann var í. Það er hefur aldrei verið vænlegt til virðingar að láta teyma sig skaplaust áfram með þeim hætti sem hann gerði.

Björgvin segir af sér

Athugasemdir

[Þráinn Kristinsson (IP-tala skráð) 25.1.2009 kl. 11:11]

Akkúrat!

[Óskar Þorkelsson, 25.1.2009 kl. 11:18]

sammála þér Haukur.   svo þegar seðlabankastjórinn hann Davíð víkur eða að Baugur fer á hausinn þá lækka stýrivextir niður í 5-7 % ;)

[Sigurður Sigurðsson, 25.1.2009 kl. 11:21]

Ertu ekki með fullri meðvitund. 

Viltu ekki bara að Jón Ásgeir og Ólafur í Samskip stjórni næstu ríkisstjórn. 

Viðskiptaráðherra og Fjármálaeftirlitið bera langstærstu ábyrgðina í stjórnkerfinu.

Hins vegar eru sökudólgarnir útrásarvíkingarnir.  Þeim verður að koma á bak við lás og slá.

[Sylvía , 25.1.2009 kl. 11:22]

eflaust rétt ályktað, en skref í rétta átt. En Sjálfstæðisflokkurinn þarf að borga þetta er allt hans sull.

[Sverrir Einarsson, 25.1.2009 kl. 11:25]

Sjáum til hvað afleysingar forsætisráðherrann gerir, notar hún tækifærið og lætur stjórn seðlabanka víkja.

[Haukur Nikulásson, 25.1.2009 kl. 11:26]

Rólegur Sigurður. Það er í lagi að við séum ósammála um stærstu sökudólgana í stjórnkerfinu.

Það þarf samt að koma ríkisstjórninni frá til að hægt sé að komast að því að rannsaka hina auðmennina. Þeir eru nefnilega flestir undir verndarvængnum hennar, nema Jón Ásgeir (einkaóvinur Davíðs) og hann er alltaf í skoðun eins og þú veist.

[Ingvar Valgeirsson, 25.1.2009 kl. 23:42]

Það er nú ekki mikil fórn að segja af sér ráðherradómi en ekki þingmennsku og það örskömmu áður en ríkisstjórnin annað hvort springur ellegar gengur gegnum verulegar breytingar. Hvort heldur sem verður er nokk öruggt að Björgvin hefði ekki haldið ráðherradóminum.

Verst að mér sýnist sem svo að ég myndi ekki treysta neinum flokki til að stjórna núna. Samfó og Sjallar búnir að skíta á sig, VG vilja kosningar strax, svo ekki náist að henda fram nýju framboði og áður en fólk sér að þeir hafa engar lausnir og Frjálslyndir... æi, er það?

Það er aumt þegar Framsókn er farin að líta ekki svo illa út.