Michelle - Paul McCartney (Beatles) flott útgáfa

Það er kannski í lagi að vinda sér úr pólitíska gírnum öðru hvoru. Hér er ein af perlum Bítlanna í flutningi höfundarins Paul McCartney. Hluti lagsins Michelle er á frönsku og lagið komst á toppinn í Frakklandi auk þess sem það vann Grammy verðlaun. Gítarglamrar hafa gaman af því að fást við þetta lag vegna skemmtilegrar hljómasetningar þar sem tengihljómar eru óspart notaðir. Lagið kom út á einni af bestu plötum Bítlanna Rubber Soul árið 1965.

Baráttan gegn ESB-landráðunum hófst fyrir alvöru í nótt

Ég held að alltof margir íslendingar geri sér ekki grein fyrir því hversu markvisst er unnið að því að koma Íslandi undir erlend yfirráð. Það gerist ekki með innrás og ofbeldi heldur peningum, fagurgala, loforðum og mútum.

Fólk er blekkt með því að kalla hlutina öðrum orðum en þau beinlínis þýða. Tökum dæmi: "Evrópufræðasetur" sem greidd eru með styrkjum beint eða óbeint frá ESB er áróðursmiðstöðvar. Þeir starfsmenn sem þar vinna hafa það eina hlutverk að koma því á framfæri innan háskólanna að Íslandi sé betur borgið innað ESB.

Styrkir frá ESB eru mútur. Stóru styrkirnir til íslenskra stjórnmálamanna eru af sama toga. Hvers vegna heldur fólk ennþá að peningarnir frá ESB séu ókeypis. Af hverju trúa svona margir íslendingar ennþá á jólasveina? 

Rökin fyrir því að ganga í ESB halda ekki. ESB getur ekki með neinu móti lofað lægra matarverði, meiri atvinnu, betri skólum, traustara bankakerfi eða neinu. Hins vegar er hamrað á þessu í sífellu án raka í þeirri von að þetta verði á endanum sannleikur.

Sama má segja um yfirlýsingar um að við séum búin að taka upp 65-70% af regluverki ESB nú þegar og það sé ástæða til að taka þetta allt þar með og afsala sér fullveldi. Það má alveg eins benda á að lög flestra lýðræðisríkja seu með 95% sömu lagasetningarnar þegar grannt er skoðað.

Af hverju á Ísland að einangra sig í samfélagi 28 þjóða þegar hægt er að vera í frjálsu samfélagi 172 annarra þjóða? Af hverju eigum við að taka upp Evru frekar en dollar sem er stærsti gjaldmiðill heims? ESB er eineltisklúbbur þar sem stjórnendur láta sig dreyma um að ESB verði sambærilegt ríki og Bandaríkin. Sagan segir okkur að samþjöppun valds með þessum hætti sé hættuleg heimsfriði. Maðurinn hefur ekki þroskast eða vitkast það mikið að þessi hætta sé ekki alveg jafn raunveruleg og áður. Ísland á að láta sér duga að vera í klúbbi allra þjóða heims á vegum Sameinuðu þjóðanna. Það er endalaust hægt að búa til litla þjóðaklúbba sem gera ekkert annað en að rýra lifibrauðið okkar vegna útgjalda þeirra vegna.

Í kjölfar þess að leiðtogar Samfylkingarinnar hafa fengið 30% atkvæða er því nú blákalt haldið fram að þjóðin vilji aðild að ESB. Tal um "aðildarviðræður" og "sjá hvað við getum fengið" er hluti af blekkingunni. Ísland er þjóð með því sem henni tilheyrir ekki hóra fyrir hæstbjóðendur í ESB.

Það þarf enginn að efast um löngun ESB til að ná völdum yfir Íslandi og auðlindum þess. Hér eru aðeins 320.000 manns sem þarf að kaffæra. Það má einhver, sem ennþá trúir á jólasveina, reyna að telja mér trú um að ESB sé að sækjast eftir Íslandi af kærleiksástæðum.

Nýtt Alþingi Íslendinga

Borgarahreyfingin líklega með yfir 10% atkvæða

Ég er kominn á þá skoðun að Borgarahreyfingin nái yfir 10% atkvæða þrátt fyrir almennt stefnuleysi sitt í flestum alvöru málum. 3 atkvæði til þeirra skiluðu sér héðan án nokkurs þrýstings.

Ég lít á það sem kosningasigur ef Borgarahreyfingin nær yfir 10% og íhaldið verði undir 20%.

Kjörsókn áfram góð

Elskar neikvæða athygli

Ástþór er engum líkur. Allt sem kemur út úr honum af viti núllar hann út með öðru óviti.

Hann er eiginlega þess vegna bæði auður og ógildur.

Ég ætla að fá mér göngutúr og kjósa Borgarahreyfinguna. Góða veðrið ætti alla vega ekki að spilla fyrir!

Ástþór illur út í RÚV

Atkvæði greitt Samfylkingunni er stuðningur við landráð

Samfylkingin er að gera ESB aðild að kosningamáli á síðustu dögum þessarar kosningabaráttu.

ESB leggur til tugi milljóna á hverju ári í áróðursstarfsemi hér á landi og fjöldi manns tekur þátt í þeim landráðum að koma Íslandi undir stjórn erlends ríkis. ESB er nefnilega orðið ríki en ekki ríkjasamband. Þeir ætla sér alveg hliðastæða stöðu og Bandaríkin.

Því er blákalt logið að lífskjörf verði hér betri. Matarverð lækki, vextir lækki og hvað eina. Það eru samt engin rök færð fyrir þessu annað en að endurtaka sömu lygina í þeirri von að hún verði á endanum sannleikur. Við erum sjálf einfær um að bæta okkar lífskjör og réttlæti. Við gerum það hins vegar ekki með því að gerast útnáranýlenda Evrópu. Það hefur aldrei gagnast nokkurri þjóð að vera nýlenda Evrópuþjóða. Það er alveg óhætt að taka mið af sögunni.

Stór hluti þeirra ESB sinna og Samfylkingarfólks sem ég tala við segja að við íslendingar getum ekki ráðið okkur sjálf og þess vegna eigum við að ganga í ESb. Við þetta fólk segi ég: Farið þið bara til Evrópu og njótið lystisemdanna þar. Leyfið okkur sem ennþá höfum dug og hjarta í að vera sjálfstæð þjóð að vera það áfram.

Atkvæði greitt Samfylkingunni er beinn stuðningur við landráð.

Ykkur að segja þá ætla ég að kjósa Borgarahreyfinguna að þessu sinni.

VG stoppaði ESB-lögin

Stefnir í spillt uppgjör og mismunun einstaklinga og fyrirtækja

Mér sýnist að það sé ekki nokkur vilji meðal stjórnvalda að láta jafnt yfir alla ganga í sambandi við forsendubrest á lánum.

Ráðamenn vilja fá að handvelja þá sem eiga að fá lausn sinna mála og refsa þeim sem þótt hafa of gráðugir á lánsfé. Það er á vissan hátt skiljanlegt en bara alls ekki réttlátt. Þeir sem tóku of stór lán munu hvort eð er ekki ná sér þrátt fyrir hlutfallslega leiðréttingu þannig að ljóst er að eitthvað af þessu fer óhjákvæmilega í gjaldþrot.

Það er hins vegar algerlega óhæft ef ekki á að standa að endurreisn með fullkomnu gegnsæi og heiðarleika.

Afskrifa 75% fyrirtækjalána

Borgarahreyfingin efst á blaði hjá mér núna

Mér sýnist að þessa daga í kringum kosningarnar séu hvert spillingar- og hneykslismálið á fætur öðru að koma upp á yfirborðið. Við erum rétt búin að fá að sjá örlítið brot af styrkjum og mútum til íhaldsins, fáum smjörþefinn af styrkjum til Samfylkingarinnar en eigum þó eftir að sjá hvað ESB hefur látið þá hafa beint og óbeint fyrir landráðatilraunina. Þeir eru með marga íslendinga á fullum launum í áróðursstarfi eins og t.d. Eirík Bergmann sem hafa það markmið að koma Íslandi undir erlend yfirráð.

VG áttu séns hjá mér þangað til þeir leyfðu sér það að hafa efasemdir um að reyna olíuvinnslu á Drekasvæðinu. Þú getur ekki kosið flokk sem þú efast um að hafir þjóðarhag að leiðarljósi. Öfgafemínisma og umhverfishelgislepju var mögulegt að fyrirgefa en ekki árás á eina af fáum vonum okkar til bættra kjara.

Það liggur fyrir að íhaldið, Samfylkingin og Framsóknarflokkurinn verða að bera sína ábyrgð á hruninu og fá hvíld frá landsstjórninni enda að mestu ráðalaus frammi fyrir okkar stórkostlegu vandamálum.

Ég mun því líklega drattast á morgun til að kjósa Borgarahreyfinguna þó ég hafi í raun megnustu óbeit af því að kjósa fólk á þing sem lítur á sig sem einnota stjórnmálamenn.

Sögulegar kosningar

Stjórnin ekki búinn að gera fjórðung af því sem þarf

Ég þreytist ekki á að halda því fram að við erum ekki byrjuð að sjá nema brot af þeim erfiðleikum sem hrunið olli. Fólk fær ennþá að borða og býr enn í íbúðum sínum. Þetta breytist eftir kosningarnar. Þá fara bankarnir á fullt að leysa til sín fasteignir fólks á skítlegu uppboðsverði vegna þess að það er enginn kaupgeta. Fólk má hugsa sig um núna, fyrir kosningar, hvað það er að kalla yfir sig.

Í augnablikinu er orðið líklegast að ég kjósi Borgarahreyfinguna og þá ekki síst til að koma fram þeirri skoðun að þeirra ráðaleysi og skoðanaleysi sé a.m.k. heiðarlegra en þeirra sem hafa ekki bara haft áskrift að launum heldur líka verið þátttakendur í spillingunni.

Allir núverandi þingflokkar hafa tekið fé úr sameiginlegum sjóðum til að viðhalda sér. Ég held að það sé kominn tími á að senda sterkari skilaboð strax. Gamla liðið verður líkast til áfram við völd, með sama ráðleysið og áður.

Eftir kosningarnar spái ég því að brátt hefjist ný búsáhaldabylting og hún verður ljótari en sú fyrri.

Bölsýni? - Nei, réttsýni án þunglyndis.

Stjórnin heldur enn

Það voru margir búnir að spá öðru áfalli á undan Sigmundi Davíð

Ég er til dæmis einn þeirra. Ástæðan er m.a. sú að stjórnvöld hafa ekkert gert af viti frá því að Davíð felldi Glitnisbankann ótímabært og með offorsi.

Núverandi stjórn hefur reynt ýmislegt en virðist þó ekki í það heila tekið átta sig á því samhengi að allir lántakendur hafa verið teknir jafnt í görnina er varðar vexti, verðbætur og gengislánin. Leiðrétting á skuldastöðu heimila og fyrirtækja verður að vera gegnsæ og hlutfallsleg til að vera réttlát. 

Það er ótrúlegt að sumt fólk heldur því fram að sumir eigi ekki skilið að fá skuldaniðurfellingu vegna óhófs og bruðls í lántökum og eyðslu. Þau eiga samt sama hlutfallslega réttinn til niðurfellingar og aðrir. Öðruvísi verður ekkert réttlæti í því að koma þessari þjóð aftur á réttan kjöl.

Þótt það sé afar ólíklegt að ég kjósi Framsóknarflokkinn að þessu sinni er ég ánægður með áherslu þeirra á leiðréttingu skulda og var m.a. einn þeirra sem lagði þetta til við þá og aðra þingmenn s.l. haust.

Það er eiginlega þvert á samúð mína með Framsóknarflokknum að verða að viðurkenna að þeir eru með einu vitlegu tillöguna á þá veru að koma heimilum og fyrirtækjum raunverulega til hjálpar.

Það er hins vegar morgunljóst að það verða fljótlega aðrar kosningar vegna þess að það er eiginlega allt óuppgert ennþá. Ekki bara efnahagsmálin heldur líka spillingarmál þingmannsefnanna sem nú sækjast eftir kjöri. Það er fyrirsjáanlegur ófriður bæði utan og innan þingsins og það jafnvel strax í sumar.

Sigmundur Davíð spáir öðru hruni

Hver kýs Guðlaug? - Réttið upp hönd!

Guðlaugur Þór Þórðarson er bara rétt búinn að opna gættina í stóra mútupokann sinn. Hann á eftir að opna hann allan. Ef ekki með góðu þá með aðstoð lögreglu.

Hvað fékk hann frá IAV? - Hvernig fjármagnaði hann líkamsræktarstöðina í Glæsibæ sem hann byggði með konunni sinni?  Hversu góðir voru verktakarnir við hann? - Hver leyfði þeim að byggja þarna á svæði sem var fullbyggt? - Fyrir hvað fékk hann besta bitann úr þessari húsbyggingu?

Nei, það er langt í frá að hann sé búinn að gera hreint fyrir sínum dyrum. Sé tekið mið af svörum hanns á borgarafundinum þá er hann grunaður um mútuþægni og það er bara næsti bær við að vera grunaður um þjófnað.

Mig langar að vita hver getur eiginlega kosið þennan mann á þing? - Er það sama liðið og kýs dæmda þjófinn úr Vestmannaeyjum?

Segir 40 aðila hafa styrkt sig

Flokkarnir á þingi allir sekir um sjálftöku almannafjár

Hvernig getur fólk búist við því að hægt sé að losna við spillta og mútuþægna stjórnmálamenn þegar flokkarnir sjálfir afgreiða sig með 370 milljóna framlagi úr vösum almennings?

Hvernig er hægt að búast við nýliðun í stjórnmálum þegar gefið er 370 milljóna króna framlag í forgjöf?

Hvernig er hægt að búast við að stjórnmálamenn í þingflokkunum séu heiðarlegir ef flokkarnir eru það alls ekki?

Ofangreindar spurningar ættu að nægja mörgum til að kjósa alls ekki þá flokka sem eru nú á þingi og hafa sammælst um svona sjálftöku.

Mér er skapi næst að kjósa Borgarahreyfinguna núna þrátt fyrir stefnuleysi þeirra.

Vill endurskoðun á lögum

Þar fór hugsanlega atkvæðið mitt á VG

Ég hef undanfarna daga spáð í það hverjum maður greiðir atkvæði sitt á laugardag. Reyndar hef ég sagt hverjum sem heyra vill að VG eða Borgarahreyfingin væri líklegust að þessu sinni.

Það er hins vegar dapurlegt að heyra þessa yfirlýsingu gömlu bekkjarsystur minnar úr Versló, hún ætlar að gulltryggja að ég kjósi ekki VG þrátt fyrir spillingu og ógeðið í kringum hina flokkanna. Ég ætlaði meira að segja að fyrirgefa þeim umhverfishelgislepju og femínisma. Nú er það fyrir bí. Ég kýs ekki flokk sem vinnur svo stórkostlega gegn þjóðarhag að vilja ekki olíuvinnslu á Drekasvæðinu. Það er mér óhugsandi. Hvers konar hálfvitaútspil er þetta hjá Kollu svona rétt fyrir kosningarnar?

Miðað við þessa stöðu er ég orðinn tilneyddur að kjósa Borgarahreyfinguna sem ég tel þó vera einnota batterí og nánast skoðanalausa í öllum málum.

Ég geri allt annað en að skila auðu, þar með segir maður að manni sé sama.

Mér er ekki sama.

VG gegn olíuleit á Drekasvæði

Öfgatrúfélagið Sjálfstæðisflokkurinn

Ég undrast alltaf sífellt meir hversu mikið flokkarnir líkjast trúfélögum fremur en alvöru stjórnmálaflokkum. Ég hélt í einfeldni minni að ef flokkar stæðu sig ekki ætti að refsa þeim með þeim einfalda hætti að velja sér nýjan stað fyrir atkvæðið sitt.

Sem ævilangur stuðningsmaður Sjálfstæðisflokksins til haustsins 2006 skal ég uppýsa að því fylgir gríðarlegur léttir að tengja sig ekki lengur við öfgatrúflokk sem er sem sekur um spillingu, lygi, mútuþægni, einkavinavæðingu, yfirhylmingu, sértæka hagsmunagæslu og grímulausa upphafningu á þjófum til þingstarfa.

Hvers vegna geta sumir Sjálfstæðismenn ekki kosið neitt annað? - Jú, þeir halda að þeir séu að sýna staðfestu og tryggð. Þeim er óhætt að vakna því að það er ekkert göfugt eða mannbætandi við það að halda tryggð við uppsafnaða óknytti og grímulaust eiginhagsmunapot fárra einstaklinga.

Það hefur enginn flokkur í sögunni farið jafn langt frá tiltölulega saklausri og ágætri stjórnmálastefnu og Sjálfstæðisflokkurinn. Þess vegna á að gefa honum gott frí að þessu sinni. Sendið honum skilaboðin með því að kjósa VG eða Borgarahreyfinguna. Þessi flokkur þarf á duglegri flengingu að halda.

Margir ætla að skila auðu

ESB leysir engin vandamál - Bara flótti

Það er eiginlega synd að stjórnin skuli jafn ráðalaus og raun ber vitni. Umræðan um aðild að ESB er flótti frá raunverulegum vandamálum. Hér er verið að undirbúa flótta og því verður það verkefni okkar hinna að þurfa að hefja sjálfstæðisbaráttu á nýjan leik aðeins 65 árum eftir að við fengum það.

Ég trúi ekki að óreyndu að meirihluti íslendinga muni styðja ESB í að ná yfirráðum hér. Tæknilega séð er þetta bara landráð.

Til Evrópu með VG

Og hvar er svo viðtalið við Ástþór?

Ég finn hvergi þetta viðtal við Ástþór.

Er látið hjá líða að birta það vegna þess að hann kalli gagghænuna "gagghænu"?

Ástþór í Zetunni