Þar fór hugsanlega atkvæðið mitt á VG

Ég hef undanfarna daga spáð í það hverjum maður greiðir atkvæði sitt á laugardag. Reyndar hef ég sagt hverjum sem heyra vill að VG eða Borgarahreyfingin væri líklegust að þessu sinni.

Það er hins vegar dapurlegt að heyra þessa yfirlýsingu gömlu bekkjarsystur minnar úr Versló, hún ætlar að gulltryggja að ég kjósi ekki VG þrátt fyrir spillingu og ógeðið í kringum hina flokkanna. Ég ætlaði meira að segja að fyrirgefa þeim umhverfishelgislepju og femínisma. Nú er það fyrir bí. Ég kýs ekki flokk sem vinnur svo stórkostlega gegn þjóðarhag að vilja ekki olíuvinnslu á Drekasvæðinu. Það er mér óhugsandi. Hvers konar hálfvitaútspil er þetta hjá Kollu svona rétt fyrir kosningarnar?

Miðað við þessa stöðu er ég orðinn tilneyddur að kjósa Borgarahreyfinguna sem ég tel þó vera einnota batterí og nánast skoðanalausa í öllum málum.

Ég geri allt annað en að skila auðu, þar með segir maður að manni sé sama.

Mér er ekki sama.

VG gegn olíuleit á Drekasvæði

Athugasemdir

[Gunnar (IP-tala skráð) 22.4.2009 kl. 19:17]

Já þetta er nú ekki gáfulegt að segja rétt fyrir kostningar. Reyndar breytist atkvæði mitt ekki mikið nema hún var að fá krass yfir nafnið sitt frá mér. Vonandi bara heldur VG aftur af öfgum Samfylkingarinnar og öfugt, því þetta er bara fávitaskapur.

[Karl Löve, 22.4.2009 kl. 19:23]

Þið getið gleymt því sem blessuð konan er að segja. Hún verður ekki ráðherra eða ráðandi í næstu ríkisstjórn miðað við hroðalega útkomu hennar í prókjöru þeirra síðast.

[ThoR-E, 22.4.2009 kl. 19:51]

Kjósum ekki spillinguna hjá fjórflokkunum yfir okkur aftur.

Setjum x við F á laugardaginn!!!

[Sóley Björk Stefánsdóttir, 22.4.2009 kl. 19:54]

Ég held nú sem betur fer að viðhorf Kolbrúnar séu ekki í samræmi við viðhorf flestra innan VG því mér sýnist að þau nýju andlit sem hafa verið þar mest áberandi t.d. Katrín Jakobs, Svandís Svavars og Guðfríður Lilja séu mun sveigjanlegri og ekki jafn "fasísk" og Kolbrún Halldórs.

[Þór Jóhannesson, 22.4.2009 kl. 20:11]

Hafðu ekki áhyggjur af bulludollunni hún hefur ekkert fyrir sér og sameinumst um að strika hana út:

http://thj41.blog.is/blog/thj41/entry/860809/

[Sigurjón, 23.4.2009 kl. 03:07]

Ég hef sagt þér áður Haukur að ég kýs O vegna þess að ég tel fullvíst að það fólk hafi engin tengsl í atvinnu- eða fjármálalíf landsins og hafi þar með engra hagsmuna að gæta.  Ég skora á þig að gefa O tækifæri, en ætla ekki að neyða þig til neins elsku vinur.

Við heyrumst vonandi fljótlega...