Bækurnar um Harry Potter og Biblían eru eins: Skáldskapur

Það er best að biðja hina trúuða bara strax afsökunar á þessari skoðun minni, svo heilagur er þeirra átrúnaður sem byggist samt ekki á neinu nema innrætingarbullinu sem gengið hefur mann fram af manni.

Ríkisstyrktur átrúnaður af þessum toga er tímaskekkja í íslensku samfélagi. Ekki er lengur réttlætanlegt að styðja við dekur- og dellumál með fjáraustri úr sjóðum samfélagsins og rétt að ítreka að stuðning við Þjóðkirkjuna á að leggja niður með öllu.

Það er eðlilegt að gera þá kröfu að allir trúarsöfnuðir og áhangendur þeirra reki sjálfbæra starfsemi.

Vatíkanið viðurkennir Potter

Íslendingar að sækja um aðild að stækkandi stríðsbatteríi

Þeir sem stjórna því að sækja um aðild að ESB vita ekkert hvað þeir eru að gera. ESB er nefnilega á fleygiferð að þróast í átt að eineltisbandalagi sem ætlar að vinna að því að þvinga aðrar þjóðir til hlýðni við sín mál líkt og hefur gerst í Afganistan og Írak.

Stríðshaukurinn Tony Blair verður yfirforseti Íslands! - Hvað skyldi Ólafur Ragnar segja við því?

Ég held að það sé tímabært að vakna upp úr þessu ESB rugli, ég trúi því ekki að óreyndu að þjóðin sé að sækjast eftir þessu í framhaldi af öllum þvingunaraðgerðunum í kringum Icesave. Kærleik ESB hefur ekki beinlínis verið úðað yfir okkur síðustu misseri eða hvað?

Blair forseti ESB?

Við borgum ekki það sem við tókum ekki að láni!

Það er með ólíkindum hvernig margir lærðir menn reyna að telja þjóðinni trú um það að hún eigi að borga það sem hún fékk bara alls ekki að láni.

Hvað svo sem líður lagatæknilegum málum stendur eftir að ENGIN SANNGIRNI liggur í því að takast á við þennan risavaxna skuldaklafa. Reynslan hefur líka kennt manni að ef hlutirnir líta illa út í upphafi þá lagast þeir sjaldnast með tímanum heldur versna. 

Ríkið ræður við Icesave

Mikið var að maður gat orðið sammála Davíð!

Heimurinn er ekki svart hvítur og það sýnir sig líka í því að geta verið sammála Davíð nánast í gegnum heilt viðtal þó maður telji hann aðalarkitektinn að efnahagshruninu á Íslandi.

Ég held að Davíð hafi skorað betur nú í þessu viðtali betur en nokkru sinni, laus við taugaveiklunina og grátklökkvann sem oft hefur einkennt viðtölin við hann eftir hrunið.

Ég skal fyrstur viðurkenna að hann stóð sig vel í þessu viðtali þó ég sé langt í frá sáttur við fortíð hans í hrunadansinum.

Steingrímur og Árni Páll gátu ekki selt okkur að Icesave samningurinn væri besta lausnin því Bæði Bjarni og Sigmundur jörðuðu þá og uppgjafartalið þeirra tiltölulega létt.

Ég er að vona svo innilega að tillagan um ríkisábyrgðina á Icesave samninginn verði felld í þinginu. Ef sjónvarpsviðtöl hafa einhver áhrif þá vona ég að þetta hafi fengið mikið áhorf.

Engin ríkisábyrgð á Icesave

Hvers vegna eru skoðanalausir þingmenn eiginlega kosnir?

Ég hef lengi staðið í þeirri trú að fólk væri kosið á Alþingi vegna þess að það hefði skoðanir á þjóðmálum. Ég skil þess vegna alls ekki hvernig það er mögulegt að nú skuli sitja á þingi fólks sem ekki hefur afdráttarlausa skoðun á því hvort við eigum að vara í aðildarviðræður og helst að það hefði þegar gert sér grein fyrir því hvort það vill aðild eða ekki.

Aðildarviðræður munu nefnilega ekki leiða neitt nýtt í ljós. Fólkið sem býður eftir því "að sjá hvað okkur býðst" fær ekkert nýtt eftir aðildarviðræður. Mér er t.d. það alveg ljóst að ESB á eftir að lofa meiru en þeir munu standa við vegna þess að þeir ætla sér að innlima Ísland. Það er því ekkert flókið við þetta dæmi og verður ekki í fyrsta skipti sem stjórnmálamenn halda ekki orð sín.

Hver er ennþá í vafa um að ESB ætli sér að verða ríki með svipuð eða meiri áhrif en Bandaríkin? Áhrifin sem sóst er eftir eru til að þvinga aðrar þjóðir frekar en að styðja hvern annan innan bandalagsins.

Það er engin kærleikur fólginn í því að mynda bandalög gegn hinum fátækari þjóðum í heiminum. Það er þessi grundvallarhugsun sem gerir mig andsnúinn aðild að ESB. Evrópusambandið er þess vegna bara til þess fallið að tefja fyrir löngu tímabærri heimsvæðingu þar sem öll ríki hafa jafna stöðu.

Hjáseta kann að ráða úrslitum

Eignir Landsbankans upp í Icesave reikninginn að hverfa

Það er ljóst af þessari síðustu þróun mála að það er alveg með öllu óljóst hversu langt eignir Landsbankans munu duga upp í að borga Icesave reikninginn.

Það er ekki annað hægt en að lýsa því hreinlega yfir að það sé hrein illmennska hjá Steingrími og Jóhönnu að ætla demba 600-1200 milljarða skuldaklafa á þjóðina svo Jóhanna geti smyglað okkur inn í ESB og Steingrímur komist í frí. Ég satt að segja skil ekki dómgreind þeirra að horfa upp á eignir bankans brenna og ætla samt að trúa því að þær dugi. Það er að verða djöfull stutt í brjálið í manni við svona vinnu æðstu valdamanna.

Það er alveg sama hvernig horft er á hin lagalegu rök fyrir því hvað eigi að borga að þá stendur það eftir að þjóðin tók ekki þessi innlán og á því ekki borga þau. Það eru réttlætisrök sem ekki verður hnikað með neinu bulli.

Erlendir dómstólar, eins og þessi spænski. búa til falsrök til að gera okkur málin eins erfið og mögulegt er.

ESB er EKKI kærleiksbandalag, hafi einhver haldið það. Það hefur aldrei gagnast nokkurri þjóð að vera nýlenda og það er beinlínis óhugnanlegt að hér sé fólk við völd sem vill ekki stjórna og getur alls ekki beðið eftir því að selja okkur með landráðasamningi undir Evrópusambandið.

Bankinn fær ekki eignirnar

Ekki nægileg vitneskja til að samþykkja Icesave

Svona játningar segja mér að ekki sé stætt á því að afgreiða Icesave.

Aukinheldur hlýtur að fara um venjulegt fólk ef þingmönnum liggur svo á að komast í frí að þeir "rusli" af smámálum eins og það að samþykkja Icesave ríkisábyrgðina og þar með allt að 1200 milljarða króna skuldaklafa á þjóðina og bæta svo við lítilræði við eins og fullveldisafsali með ósk um aðild að ESB.

Mikilvægi þessara mála eru bæði stærri en svo að þingmenn geti kastað til höndum og farið í frí.

Þeim, sem sóttust eftir kosningu á Alþingi, mátti vera ljóst að erfið mál væru framundan en ekki bara mjög þokkaleg laun og 7 mánaða frí eins og verið hefur.

Svarar ekki fræðilegum spurningum

Lausnin verður auðvitað "nýtt" kúlulán

Enn eru tengingar með þeim hætti að ekki virðist vera hart sótt að þeim bankaeigendum sem eru ábyrgir fyrir hruninu. Enda eru þeir allir vel tengdir í pólitíkina ennþá.

Lausnin blasir við okkur: Þetta verður þaggað niður og þeim verður veitt nýtt kúlulán til 95 ára.

Dýrt fyrir ríkið að selja banka

Enn eitt andskotans kennitöluflakkið á vegum ríkisins

Þeim sem stjórna fjármálakerfi landsins, bæði fjármálamönnum og stjórnmálamönnum, er algerlega fyrirmunað að fara að lögum í sambandi við gjaldþrot og slit á félögum.

Með því að fara með allan rekstur Sjóvá í nýja kennitölu er enn einn þjófnaðurinn framinn með kennitöluflakki og það eru réttindi sem einstaklingum bjóðast ekki.

Ósvífnin sem í þessu felst er sú að nýju kennitölur bankanna eru, í umboði ríkisins, að eignast allar eigur skuldugs fólks og fyrirtækja án þess að hafa til þess unnið eða að það sé réttlátt á nokkurn hátt.

Það hlýtur að verða gerð uppreisn fljótlega. Hvernig er hægt að ætlast til að borgararnir séu löghlýðnir og þægir þegar ríkið hagar sér eins og stærsti og ljótasti þjófurinn af öllum?

Ég trúi því varla að fólk ætli að taka þessu rugli þegjandi mikið lengur. Eru íslendingar upp til hópa hugsunarlausir fávitar sem hægt er að taka í rassgatið á endalaust?

Ég mæli með því að fólk sleppi því að lesa þennan pistil, svo orðljótur er hann og ætti eiginlega að vera bannaður innan 16 ára.

Og við eigum heldur ekki að borga IceSave í þeirri mynd sem ætlast er til.

16 milljarðar inn í Sjóvá

Sagan mun fara vel með Gorbachev

Ég hef alltaf haft á tilfinningunni að Gorbi væri alvöru sómamaður, vandaður og góðgjarn. Slíkir menn sitja oft ekki lengi í valdastóli. Hliðstæða hans í Ameríku er t.d. Jimmy Carter, sem var líka eiginlega alltof góður til að vera forseti Bandaríkjanna.

Reagan fær trúlega líka mjög góðan dóm í sögunni. Hann var hins vegar svolítð seinn og treysti undirmönnum sínum um of og þar með full áhrifagjarn til að ná toppárangri sem forseti.

Alltof margir leiðtogar fara í ruslatunnu sögunnar sökum valdagræðgi, ofsóknaræðis, mannvonsku og auragræðgi. Meira að segja íslenskir valdamenn, þar með taldir sumir sem hafa tjáð sig nýlega, fara á botn þessarar stórmerku tunnu ásamt sumum liðónýtum skjólstæðingum sinum sem erfðu hann... að nafninu til.

Gorbachev talar enn fyrir eyðingu kjarnorkuvopna

Óheiðarleiki neyðarlaganna verður nú sannreyndur með málaferlum

Mér hefur gengið treglega í gegnum tíðina að fá menn til að samþykkja að neyðarlögin voru vanhugsaður gjörningur gerður í taugaveiklunarkasti og með öllu ósæmilegur gagnvart öllum heiðarlegum viðskiptavenjum og gekk þvert á fjölda laga sem við höfum talið eðlileg og sanngjörn hingað til.

Neyðarlögin t.d. mismunuðu sparifjáreigendum og þar með er kominn grunnurinn að málshöfðun hollendinganna.

Minn skilningur og ýmissa annarra er sá að við þetta muni bætast einhver hundruð milljarða við Icesave skuldbindingarnar og þá geti þannig farið að við verðum hugsanlega að gera upp 1200 milljarða í stað 700 eins og nú er talið.

Það er hreint með ólíkindum að fylgjast með fólki á alþingi sem fæst hefur komið nálægt viðskiptum á sínum ferli taka hverja vitlausa ákvörðunina á fætur annarri.

Það að samþykkja ríkisábyrgð á Icesave jafngildir fjárhagslegu sjálfsmorði heillar þjóðar. Þjóðin á ekki að vera látin borga það sem hún tók ekki að láni.

Undirbúa lögsókn gegn Íslandi

Lántökusukkið verður lagað með meira lántökusukki

Það kemur sífellt betur í ljós hvað hangir á spýtunni hjá ríkisstjórninni. Til að redda málunum á að taka bara meiri lán. Til að þau fáist þarf að samþykkja að borga Icesave... eftir sjö ár!

Ég held að það séu fáir íslendingar eftir sem ekki eru meðvitaðir um að lántökur og tilheyrandi sukk er ástæðan fyrir hinni ólánlegu stöðu okkar og efnahagshruni.

Það er ástæða til að staldra við. Sleppa því að ábyrgjast Icesave umfram núverandi lagaheimildir þó að það þýði að við fáum ekki lán. Það er nefnilega líka ljóst að frekari lántökum er ekki ætlað að bæta lífskjör í landinu heldur viðhalda ríkiskerfinu og bönkunum fyrst og fremst.

Því meira sem maður skoðar þetta er orðið vænlegra að lýsa yfir þjóðargjaldþroti og byrja bara á núlli. Það þýðir vanþóknun umheimsins í einhvern tíma, en fólk er fljótt að gleyma. Við eigum enga von um endurreisn með kærleiksríkri hjálp AGS og ESB það átti okkur að vera ljóst strax.

Það er engin viðbótargeta á landinu fjárhagslega til að borga lán sem við tókum ekki. Punktur!

Við borgum ekki Icesave!

Norðurlönd settu skilyrðin

Upp á borðið með ÖLL skilyrði fyrir þessum lánveitingum.

Þegar allt áð vera upp á borðinu skv. yfirlýsingum stjórnarinnar þá skal birta þessa samninga líka og leyfa okkur að sjá hvað verið er að skrifa upp á fyrir okkar hönd.

Megnið af þeim lánum sem verið er að taka er til að bera uppi ónýtt og spillt bankakerfi og halda ríkinu á lífi í vellystingum. Almenningur og fyrirtæki virðast lítið hressast þessa daga þrátt fyrir allar þær aðgerðir sem stjórnin segist vera að gera.

Enn er verið að handvelja þá sem eiga að þrífast og láta aðra falla í skítinn. Samt eiga allir að taka þátt í að borga þetta.

Norrænu ríkin lána Íslendingum

New York Times veit allt um íslenskt efnahagslíf - Yeah right!

Þetta er nú meiri þvættingurinn. Ég veit satt að segja ekki hvort maður á að hafa fleiri orð um það af hverju Mogginn lepji þessa vitleysu upp úr útlendum blaðamanni.

Helst dettur manni í hug að blaðamaður Moggans sé "starstruck" af því að þetta er New York Times þ.e. aðalblaðið í henni Ameríku!

Ættu að líta til Íslands

Það er ekki fallegt að ljúga úr ræðustól Alþingis

Svona fullyrðingar eru lygi. Hann hefur ekki nokkra hugmynd um það hvort hægt verði að standa við þessar skuldbindingar en verður í ljósi stöðu sinnar að halda því fram.

Hann veit líka sem er að það verður eiginlega ekkert hægt að sannreyna hann næstu sjö árin vegna þess að það er verið að rúlla þessum vanda yfir á börnin okkar. - SVEI!

Það veit enginn hvort eignir Landsbankans duga eitthvað eða hrynji enn frekar í verði.

Það veit enginn hvort neyðarlögin standist málaferli og áhlaup kröfuhafa. Ég efast um það stórlega.

Það veit enginn hvernig og hvenær islendingar ná sér á strik efnahagslega.

Það veit enginn hvort hér verður nægur fjöldi fólks sem VILL standa undir IceSave reikningnum.

Vegna allra þessara ósvöruðu spurninga er hægt að fullyrða að Gylfi ljúgi úr ræðustól Alþingis.

Getum staðið við Icesave