Stefnir í stríð á milli sparifjáreigenda og skuldara?

Neyðarlögin eru mér ofarlega í huga síðustu mánuði vegna þess hversu flausturslegur og vanhugsaður gjörningur þau voru.

Það virðast fæstir gera sér grein fyrir því að með neyðarlögunum var allt sparifé tryggt að fullu. Skipti þá engu máli hvort um væri að ræða 20.000 evrur eða 2.000.000 evra. Skv. fyrri löggjöf voru aðeins tryggðar 20.000 evrur skv. EES samningi og reglum um innistæðutryggingar. Með því að stela bankakerfinu í heilu lagi með neyðarlögunum er ríkið búið að rugla allri samningsstöðu og klúðrið er sífellt að vinda upp á sig. Núverandi valdhafar, þ.e. Jógrímur, eru samábyrgir vegna þess að þau samþykktu neyðarlögin og leyfa sér þess vegna ekkert að gagnrýna þau. Til að borga sparifjáreigendum innistæður langt umfram fyrri reglur verður tryggt að ríkið mun ekkert gera til að taka skuldir almennings og lækka þær til samræmis við forsendubrest undanfarinna ára. Þessi sami forsendubrestur er nefnilega líka hluti af rétthærra sparifé þeirra sem nutu upplogins gengis gróðæristímans og falsaðrar verðbólgumælingu.

Þegar fólki verður þetta samhengi skulda og sparifjár betur ljóst mun enn magnast reiðin og óánægjan með skilningsleysi á samhengi hlutanna og því sem er réttlæti í meðferð fjármuna af hendi stjórnvalda.

Fólk má gefa sér þá einföldu staðreynd að þegar stjórnvöld setja lög og reglur um fjármálagerninga er alltaf verið að færa fjármuni frá einum aðila til annars - og fjarri því að vera réttlátt eins og nú sýnir sig!

Strandi Icesave, strandar allt

Hræðsluáróðurinn á fullu núna!

Ég óttast að IceSave ríkisábyrgðin verði samþykkt í þinginu með hótunum.

Ég er líka að spá því að þeir þingmenn VG sem ekki geta samþykkt málið verði af formanni sínum sendir í "frí" á meðan þénugri varamenn greiði atkvæði með þessu. Slíkt hefur svo sem áður verið gert. Allt til að allir haldi andlitinu.

Ég skora á þingmenn að fella frumvarpið. Ef þið samþykkið þessi ósköp eru margir sem hafa svarið að yfirgefa skerið. Það verða þá enn þyngri byrðar á þá sem eftir sitja.

Það er ekkert réttlæti fólgið í því að fólk borgi lán sem það tók ekki og það á við um meirihluta þessarar þjóðar sem sættir sig ekki við þennan skuldaklafa sem getur hæglega orðið 1200 milljarðar ef neyðarlögin verða ógilt með málaferlum.

Það hlýtur að vera flestum skuldugum íslendingum nægileg refsing að borga lán sem hafa hækkað með svindli í falsaðri verðbólgumælingu og upplognu gengi.

Umsátur um Ísland

Er heitið ,,Stöðugleikasáttmáli" auglýsingabrella?

Ég hélt að það ætti að vera komið nýtt veruleikaskyn í íslenskt samfélag í kjölfar þess raunveruleika sem blasir við okkur öllum.

Stöðugleikasáttmáli hljómar eins og argasti brandari eða í versta falli auglýsingaskrum og þá hverra?

Það eina sem er stöðugt er hrunið.

Undirritað í Þjóðmenningarhúsi

Yfirlýsing um þjóðargjaldþrot gæti verið rétta leiðin upp úr skítnum

Það er ekki séð fyrir endann á þeim erfiðleikum sem nú blasa við hinni íslensku þjóð í efnahagsmálum. Í kvöld var viðskiptaráðherra neyddur til að samþykkja þann möguleika við Sigmar í Kastljósinu að við gætum verið í allt að 1200 milljarða mínus eftir 7 ár ef neyðarlögin standast ekki áhlaup málaferla.

Ég hef löngum haldið því fram að setning neyðarlaganna var vanhugsaður verknaður unninn í taugaveiklun og meira að segja núverandi valdhafar voru plataðir til að samþykkja. Svo brátt bar þá lagasetningu að að fjöldi þingmanna viðurkenndi að hafa ekki lesið lögin áður en þeir samþykktu þau.

Nú stöndum við frammi fyrir því að setja okkur á hausinn með 650-1200 milljarða klafa sem við losnum aldrei við eða lýsa yfir þjóðargjaldþroti (sovereign default) og þurfa að búa við nokkurra ára vanþóknun sem ég tel að verði skammvinn vegna almennrar kreppu í heiminum. Flestir eru svo uppteknir af eigin vandamálum að Ísland verður ekki ofarlega í hugum manna jafnvel bara að ári liðnu. Lesið hér hvernig málum háttaði hjá Argentínumönnum árin 1999-2002.

Kosturinn við þjóðargjaldrot er að þá erum við á núlli núna og vitum þá hver botninn er: Hann er hér og nú.

Vandræðin við að koma þessu í kring er þjóðarstolt sem er að þvælast fyrir okkur. Þessu þjóðarstolti má líkja við krabbameinssjúkling sem vill ekki viðeigandi meðferð vegna lyfjaskalla!

Með þjóðargjaldþroti getum við líka ótrufluð hafið leiðréttingu á efnahagskerfi þjóðarinnar, notað útflutningsgreinar til að kaupa helstu nauðþurftir erlendis á meðan við erum að byggja okkur upp. Leiðrétting skulda heimila og fyrirtækja verður þá óumdeilanlega fær leið.

Hvernig réttlæti ég þessa subbulegu leið: Hamfarir kalla á aðgerðir til sjálfsbjargar. Það er hægt að sjá það fyrir sér að taka þátt í uppbyggingu sem byrjar á botninum en ekki allt að 1200 miljarða í mínus sem við eigum flest enga sök á!

Eva Joly: Botninum ekki náð

Þú átt að borga ALLAR skuldir - Hvort sem þú fékkst lán eða ekki!

Ég held stundum að fólk sé ekki alveg að gera sér grein fyrir þeir köldu en einföldu staðreynd að hver einasti borgari þessa lands er að fá 6 milljóna króna skuld vegna IceSave í hausinn.

Það skiptir engu máli hvort þú tókst lán eða ekki. Sex milljónirnar eru bara þinn bónus frá bankahruninu. Þeir sem eru ábyrgir fyrir því eru ekki á landinu og hafa fæstir verið yfirheyrðir. Þeirra bónus var öðruvísi en þinn... jákvæður!

Miðað við að 400 manns mættu á Austurvöll á laugardaginn mætti ætla að þorri þjóðarinnar teldi sig bara sleppa vel frá mesta "gróðæristímanum" í sögu þessarar þjóðar.

Ísland fær helming eigna Landsbankans

Það stefnir í stjórnarkreppu

Ráðaleysi bæði fyrri stjórnar og núverandi er grátleg staðreynd. Hvorug stjórnanna hefur sýnt sig færa  um að taka á málum með jafn stórtækum hætti og þörf er á í jafn stórtæku hruni og raun ber vitni.

Eins og maður hefur tuðað hér margoft þá er minnsti samnefnari það eina sem hægt er að koma sér saman um og það er bara allt of lítið. Það vantar allt þor til alvöru verka.

Leiðrétting skulda heimila og fyrirtækja er enn sem fyrr brýnast en það mega þau Jógrímur ekki til hugsa vegna þess að eitthvað af útrásarvíkingunum gætu hugsanlega notið góðs af því, auk þess sem sumir  eru ennþá færir um að borga!

Með svona röksemdum gegn einu nothæfu tillögunum er ekki annað en hægt að vorkenna núverandi stjórn og það stefnir því í að það komi stjórnarkreppa ofan í efnahagskreppuna og ég sé þá ekki hver á eiginlega að vinna með öðrum að stjórn þessa blessaða lands. Að minnsta kosti er orðið ljóst núna að það verður fljótlega kosið aftur.

Icesave gæti fellt stjórnina

Upptaka frá 1959 - Jólasveinar einn og átta

Pabbi keypti flottan Telefunken radíófón líkast til 1958 eða 1959 hjá Georg Ámundasyni. Í þessu tæki var útvarp, segulband, plötuspilari og margir góðir hátalarar. Ég átti margar góðar stundir fyrir framan þessa stórkostlegu græju.

Eins og önnur börn lærði ég eitthvað af lögum og þá gjarnan af vinylplötum. Ein þeirra var skemmd og ég lærði lagið á henni með skemmdinni. Hún fór að spila sama hringinn í sífellu...

Samkvæmt þessu á ég núna 50 ára hljóðupptökuafmæli sem "tónlistarmaður".

Upptakan er efst í spilaranum hér til vinstri.

 

 

Bankasýsla ríkisins er mark um vanhæfi ríkisstjórnarinnar

Þetta er hrein og klár örvænting. Steingrímur og Jóhanna eru búin að sjá að þau ráða ekkert við að koma upp bankakerfinu aftur. Þá þarf að fá hjálp til að fela vanhæfið.

Bankarnir eru ekkert að gera fyrir fólk eða atvinnulíf. Þeir draga lappirnar í öllum málum þar sem ég þekki til. Í verstu tilvikum eru þeir að setja þá verst settu á hausinn og hirða eignirnar.

Í öðrum málum eins og t.d. með Moggann eru milljarðarnir afskrifaðir til að halda þessu batteríi úti. Ef bankarnir eru nú ríkisbankar eiga þeir að gæta jafnræðis. Mogginn fékk 3 milljarða af þeim 4 sem þeir voru sagðir skulda afskrifaða. Það þýðir að öll önnur fyrirtæki og almenningur eiga heimtingu á að njóta hlutfallslega sömu kjara ef aðstæður eru svipaðar. - Haldið þið að það geti gerst? - Hvar er jafnaðarmaðurinn þinn núna, Jóhanna Sigurðardóttir?

Ríkisstjórnin veit að það er verið að handvelja skuldara, þá sem á að bjarga og þá sem á að fella. Ef eitthvað er þá er spillingin í fjármálakerfinu verri núna en nokkru sinni fyrr. Það sem er líka morgunljóst er að það eru ennþá sama fólkið í bönkunum sem sér um þetta á lítið lægri launum en fyrrum.

Bankakerfið, sem fór á hausinn með þjóðina, er núna að láta viðskiptavinina bera allt uppi þó það sé til blóðs tekið. Allt með velþóknun og/eða skilningsleysi núverandi valdhafa.

Stofna Bankasýslu ríkisins

Loksins kemur aðgerð af viti - Til hamingju!

Það er ekki mikið um það að maður sjái jákvæðar fréttir þessa dagana.

Það verður að teljast mjög jákvætt að leggja niður stofnun sem getur ekki annað en nærst á einhverju ofsóknaræði. Hverjum þurfa íslendingar að verjast?

Eins og sjá má á höfundarboxi mínu hér á vinstri hlið er þetta eitt þeirra mála sem ég hef haft áhuga á að fá breytt. Ég get því ekki annað en glaðst við þessa frétt.

Ég leyfi mér að óska Jóhönnu og Steingrími til hamingju með þetta framtak til sparnaðar í ríkisrekstri.

Vonandi er þetta bara byrjunin á því að ná utan um dekur- og dellumál á vegum ríkisins.

Varnarmálastofnun lögð niður

Samþykki þessa samnings er geðveila, geðleysi og landráð

Við lestur þessa samnings skríður að manni eitthvert mesta ógeð sem maður hefur upplifað.

Það er alveg morgunljóst að gersamlega óhæfir, skap- og getulausir aðilar hafa sest niður og skrifað undir þetta dómadags fullveldisafsal fyrir hönd íslenska ríkisins í þeim tilgangi að láta íslenskan almenning greiða að fullu glæpagjörning útvalinna útrásarvíkinga, spilltra og ónýtra stjórnmálamanna (lesist: Davíð og Halldór og fleiri) og enn ónýtari eftirlitsaðila á himin háum launum.

Það er líka augljóst að þessi samningur er landráðaleiðin sem á að nota til að þröngva okkur undir stjórn ESB með stríðshaukinn Tony Blair sem væntanlegan yfirforseta.

Verði þessi samningur samþykktur verður gripið til örþrifaráða, þetta mun íslenska þjóðin aldrei kaupa án ófriðar. Þetta ranglæti verður ekki látið ganga yfir þessa þjóð án friðlausrar mótspyrnu. Ef einhver vill lesa hótun úr þessum orðum, þá er það rétt skilið!

Ég mæli með því að þingheimur taki ekki þá áhættu að hér verði blóðug uppreisn!

Icesave-samningar birtir

Tímabært að taka auðmennina til stífra yfirheyrslna

Ég skil ekki hvernig stendur á því auðmennirnir 30 séu ekki fyrir löngu komnir hið minnsta í stífar yfirheyrslur hjá yfirvöldum. Enron pakkið fór út í handjárnum um leið og þarlendum yfirvöldum datt í hug að þeir væru sekir um eitthvað.

Okkar glæpamenn fá marga mánuði til að hylja slóð sína, koma milljörðum undan og láta svo vanhæfa stjórnmálamenn um að senda okkur aumingjunum reikninginn fyrir öllu saman.

Hvenær springur þjóðin á þessu óréttlæti? Hvað eiga margir eftir að grafa hús sín og bíla í örvæntingu yfir því hróplega ranglæti sem gengur yfir stóran hluta þjóðarinnar?

Allar eignir ríkisins lagðar að veði?

Bjöllusauður í hlutverki forseta þingsins gerir sig að fífli!

Það þarf ekki að segja meira um það. Hún tafði þingstörfin meira með yfirgangi sínum heldur en Sigmundur Davíð og varð sér og starfi sínu til skammar.

Samfylkingin ætti að hafa vit á því að skipa einhvern annan þingmann í starf forseta með einhverja samskiptahæfileika heldur en svona bjöllusauð!

Einleikur forseta á bjöllu

Í hvaða veruleika býr þetta fólk?

Áfram heldur firringin og vitleysan. Það eru varla til lýsingarorð til að lýsa þeim undirlægjuhætti og ræfilgangi sem á sér stað í sambandi við IceSave.

Það að láta sér detta í hug að hægt sé að samþykkja óséða samninga er ótrúlegt dómgreindarleysi. Því miður er það sama dómgreindarleysið og skóp neyðarlögin illræmdu sem eiga eftir að verða okkur fótakefli til margra ára.

Hafi ég verið óánægður með stjórn íhalds og frammara þá batnar það ekkert með samfó og VG. Það er ekkert hugsað í lausnum, bara undanhaldi og frestunum á vandamálunum.

Enn leynd yfir Icesave-samningi

Hvorki hægt að reka né fangelsa spillingarliðið!

Það virðist alveg sama hvar borið er niður í því glæpasamfélagi auðmanna og stjórnmálamanna sem Ísland er í dag. Enda eru þessir menn oftar ekki þeir nákvæmlega sömu eða jafnvel mjög náin skyldmenni.

Hvort sem um er að ræða auðmennina eða spilltu stjórnmálamennina virðist ekki nokkur andskotans leið að koma lögum og rétti yfir þetta lið. Alls staðar er því logið upp í geðið á almenningi að lögin heimili ekki að þessir menn séu teknir til bæna.

Síðast er það bankaliðið sem falsaði upp gengi bréfa í bönkunum. Nú er ekki hægt að gera liðið ábyrgt fyrir fölsun á hlutabréfaverði og gerspilltum innherjaviðskiptum. Þetta svikapakk sammæltist um að ljúga sig frá persónulegu ábyrgðunum korteri fyrir hrun!

Það er stutt í brjálið í manni þegar maður horfir upp á þetta ógeð í stjórnkerfi landsins.

Sjálfstæðismenn enn á fundi

Uriah Heep - Stealin'

Kannski er þetta lag Uriah Heep að einhverju leyti táknrænt fyrir þá tíma sem við lifum núna.

Lagið Stealin' var gefið út 1973 og átti heima í flotta Sony Auto-Reverse kassettutækinu í gamla '59 Voffanum mínum sem þá var nýuppgerður og flottur. Ásamt öðru Heep-stöffi var þetta alveg spilað til blóðs!