Er heitið ,,Stöðugleikasáttmáli" auglýsingabrella?

Ég hélt að það ætti að vera komið nýtt veruleikaskyn í íslenskt samfélag í kjölfar þess raunveruleika sem blasir við okkur öllum.

Stöðugleikasáttmáli hljómar eins og argasti brandari eða í versta falli auglýsingaskrum og þá hverra?

Það eina sem er stöðugt er hrunið.

Undirritað í Þjóðmenningarhúsi

Athugasemdir

[Guðni Karl Harðarson, 25.6.2009 kl. 12:25]

Hárrétt! Það eina sem er víst stöðugt er hrunið.

Stöðugleikasáttmáli er í mínum augum ekkert nema að auglýsingabrella og til að slá ryki í augu fólks. Já brandari!

[Haraldur Hansson, 25.6.2009 kl. 12:59]

Eitt af stóru málunum þegar ríkisstjórnin var mynduð var "þjóðarsátt um stöðugleikasáttmála". Það skildu fáir hvað það þýddi þá. Stóra spurningin núna er kannski: Hvernig kemur IceSave inn í dæmið?

Er miðað við það í þessari "þjóðarsátt" að komandi kynslóðir taki á sig drápsklyfjar eða er miðað við að á Alþingi sé fólk með bein í nefinu?

[Guðni Karl Harðarson, 25.6.2009 kl. 13:31]

Já. Ég var einmitt að velta þessu fyrir mér. Ef í stjórninni sé fólk með bein í nefinu þá skulum við gefa okkur þetta:

>Hvernig kemur IceSave inn í dæmið?

Ef Icesave er inni í sáttmálanum þá er ríkisstjórnin með kolranga forgangsröðun. Vegna þess að til að geta verið með Icesave þar inni þarf stjórnin að klára það á þinginu áður! 

Sem segir kannski að það sem Jakobína var að skrifa gæti verið rétt: ríkisstjórnin ætli með Icesave inn í næsta ár vegna hræðslu.......

Nema að þau séu svona algjörlega vanhugsuð?

skoðaðu: kreppan.blog.is