Angi af þeim gunguhætti sem einkennir stjórnvöld

Baldur Guðlaugsson er besti vinur íhaldsins og hefur alla tíð verið nátengdur þeim öflum í stjórnkerfi landsins sem einkavinavæddu ríkisfyrirtækin og bankana og komu Íslandi með því á hausinn.

Vafasöm viðskipti hans með hlutabréf í Landsbankanum með innherjaupplýsingar eru næg ástæða til að láta hann fara

Þessi frágangur á stöðu manna í stjórnkerfinu sem á að vera búið að skipta út er dæmigerður fyrir þann allsherjar gunguhátt sem ríkir enn meðal þeirra sem þykjast vera að lagfæra eitthvað.

Neituðu að hætta störfum fyrir ríkið

Eruð þið að grínast? Eru LANDRÁÐ orðin að keppnisgrein?

Alveg fær maður upp í kok af fólki sem vill koma Íslandi inn í Evrópusambandið sem yrði þar með útnáranýlenda vegna dösunar og uppgjafar í eigin málum. Það er svo sem skiljanlegt að fólk sé uppgefið því ennþá stjórnar hér liðið bankakerfinu sem setti efnahagslífið í rúst og ennþá er ekki búið að handtaka neinn af þeim ca. 30 sem stálu Íslandi.

Það vekur líka furðu mína að fólk skuli hafa í síðustu kosningum kosið fólk sem getur ekki beðið eftir því að færa vald sitt og fullveldi til Brussel. Með þessa minnimáttarkennd má þetta lið mín vegna flytja til Evrópu og láta okkur hin eftir að leysa málin.

Benedikt útnefndur Evrópumaður ársins

Gunnar á Krossinum?

Mér dettur í hug að hin sóðalega pólitíska krossfesting bæjarstjórans sé ekki bara gott tilefni til að gefa honum nýtt og viðeigandi viðurnefni.

Kópavogsbúar geta þá stoltir hampað sínum helstu stjörnum: Gunnar í Krossinum, Gunnar á Krossinum, og Geira putta.

Gunnar segir lög ekki brotin

Leyfið manninum að hvíla sig

Það orð fer af Gunnari Birgissyni að hann hafi stjórnað Kópavogsbæ af röggsemi undanfarin ár og haft væna hirð í kringum sig. Hann hefur skammtað gæðum og gögnum bæjarins í allar áttir og innheimt greiða að sama skapi ómælt. Vel hefur verið haldið utan um debet og kredit í þessum efnum.

Nú virðist sem bókhaldið hafi opnast og þá þá gýs upp eitthvað minna en viðfelldin lykt af öllum gjörningunum.

Ég held að Kópavogsbúar og þokkalega heiðarlegir sjálfstæðismenn þurfi að yfirvinna þá blindu að sjá ekki að Gunnar Birgisson þarf nú á langri hvíld að halda frá pólitísku og þéttriðnu viðskiptaneti sínu.

Telja að Gunnar eigi að víkja

Ef þetta stæðist tækju bretar og hollendingar þetta upp í skuldina.

Málfutningur þeirra sem eru að reyna að keyra þetta samkomulag í gegnum þingið er ekki trúverðugur að því leyti að ef þetta væru svona tryggar eignir ættu skuldareigendurnir í Englandi og Hollandi að taka þetta yfir og málið er þá uppgert og dautt.

En þeir einfaldlega treysta þessu ekki og það geri ég heldur ekki.

Það má alls ekki gerast að þingið samþykki þessa ríkisábyrgð á 650 milljörðum. Sá eini gjörningur dugir til að eyðileggja alla efnahagslega framtíð Íslands og íslendinga næstu 20 árin.

Nú reynir á að þjóðin verði það dugleg að mótmæla þessu kröftuglega að þingið vogi sér ekki að samþykkja þessa vitleysu.

Útlánin eiga að greiða Icesave

Lausn málsins er að kyngja stoltinu og fleygja heimskunni

Hver getur ábyrgst að fá hús bætt ef helmingur þeirra myndi hrynja í jarðskjálfta. Tryggingafélög eru flest með hamfaraklausur í tryggingum hjá sér og það þýðir að þau segja sig frá bótaskyldu ef um hamfarir er að ræða.

Efnahagshrunið flokkast undir hamfarir. Með réttu er því hægt að grípa til neyðarráðstafana í ljósi þess. Þó má undanskilja að neyðarlögin voru hreinn og klár óheiðarlegur óþverraverknaður sem gerði hér allt illt verra.

Það er í sjálfu sér ekki óeðlilegt að Landsbankinn greiði IceSave dæmið með eignum sínum og einnig að tryggingasjóður innistæðutrygginga sé notaður til fulls. Það er hins vegar fullkominn glæpur að veita ríkisábyrgð á 650 milljörðunum.

Engin veit hversu mikið af "traustu eignasafni" Landsbankans er upp í þetta og sumir taka svo sterkt til orða að kalla það skafmiða, svo áreiðanlegar séu þessar eignir sem engin fær að vita hverjar eru.

Lausnin á þessu máli er að lýsa yfir þjóðargjaldþroti með tilheyrandi þjáningum í einhver ár. Þessa stundina lítur það mun betur út en skuldaklafi næstu kynslóða til næstu 15-20 ára. Hvert einasta mannsbarn þessa lands verður skuldbundið fyrir næstum 6 milljónum sem er klárlega óbærilegur baggi þrátt fyrir að Jógrímur kalli þetta "ásættanlega niðurstöðu".

Ofan á þjóðargjaldþrotið má bæta því við að ná í þessa 30 auðmenn og bankakalla sem eru í raun ábyrgir og láta þá sæta gæsluvarðhaldi strax. Hvers vegna ganga þessir menn ennþá lausir?

Íslendingar ná sér fyrr upp úr hruninu (sem er nú ekki einu sinni allt komið!) ef farið verður að mestu í sjálfsþurftarbúskap næstu árin. Með honum er kannski ekki loku fyrir það skotið að með því verði hægt að upphefja að nýju heiðarlegri lífsgildi en græðgisvæðingu síðustu ára.

Lántaka vegna IceSave er ekkert annað en frestun á hinum óhjákvæmilega. Núverandi stjórnvöld ætla í sjálfselsku sinni að velta þessu á komandi kynslóðir en eiga bara alls ekki þann siðlausa rétt.

Minnisblaðinu stöðugt veifað

ALLS EKKI MÆTA á Austurvöll kl. 14.50 í dag!

Nú þegar þingmenn okkar standa frammi gullnu tækifæri til að selja þjóðina inn í ESB er alveg gráupplagt að mæta alls ekki á Austurvöll svo þeir fái frið til að fremja landráðaverkið til fulls. Íslendingar kunna hvort eð er ekki að stjórna sér sjálfir og það er þess vegna best að viðurkenna það bara strax og láta Brussel fá stjórn allra mála.

Börnum ríkustu þjóðar heims (var það ekki annars?) munar ekkert um að borga þetta lítilræði 650 milljarða sem verða svo orðnir 960 milljarðar eftir 7 ár.

Nú er tækifærið til að auka skuldirnar okkar svo um munar þannig að engin vafi leiki lengur á því að við séum sameiginlega gjörsamlega gjaldþrota þjóð. Loksins er hægt að eyða óvissunni.

Látum þingmennina hafa frið til að kæfa samvisku sína og leyfum þeim að kvitta upp á stærsta skuldaklafa Íslandssögunnar í næði og ekkert kjaftæði!

3,6% samdráttur

Og hverjar eru eignir Landsbankans upp í þessa hít?

Mér finnst lítið fara fyrir umræðunni um það hversu "heilbrigt" útlánasafn Landsbankans er í raun og veru.

Hvernig væri að upplýsa okkur um það?

Þegar fyrirtæki fara á hausinn er hætt við því að eignir rýrni mjög hratt. Einnig er ekkert í umræðunni um að hugsanlega er þetta "heilbrigða útlánasafn" Landsbankans skuldabréf hjá fyrirtækjum sem eru kannski að fara á hausinn í kreppunni?

Hvernig væri að upplýsa okkur um það?

Hækkar um 37 milljarða árlega

IceSave klúðrið er skilgetið afkvæmi neyðarlaganna í haust

Það er sorgleg sú staðreynd að 700 milljarða króna greiðsla íslensku þjóðarinnar vegna IceSave er beint og skilgetið afkvæmi vanhugsuðu neyðarlaganna.

Skv. neyðarlögunum datt ríkið í þann fúla pitt að ábyrgjast allt sparifé landsmanna, en hefði einungis borið að ábyrgjast tæpar 3 milljónir á hvern reikning. Vegna þessa loforðs gera allir aðrir erlendu sparifjáreigendurnir sem bankarnir ginntu í spariviðskipti sömu kröfur vegna þess að það er ekki hægt að mismuna reikningseigendum eftir búsetu.

Til að ríkið geti staðið við þetta stálu þeir öllum innlendum skuldakröfum gömlu bankanna á hendur íslenskum skuldurum og láta þá borga upp í topp. Auk þess láta þeir þá líka taka á sig auknar byrðar vegna IceSave.

Vont þætti mér ef skrifað yrði undir skuldbindingar vegna IceSave áður en hægt er að sannreyna hversu mikið af eignasafni bankanna dugir til upp í þetta.

Ef neyðarlögin hefðu ekki verið samþykkt þá hefði ríkið aldrei þurft að ábyrgjast nema þessa tilteknu tæpra 3ja milljóna króna greiðslu per reikning. Ég er viss um að mismunurinn er upp á hundruð milljarða sem íslenskir skuldarar eiga bara að taka á sig líka. Til þess að þetta geti gengið eftir er stýrivöxtum haldið uppi að undirlagi AGS til að hratt gangi að safna þessum blóðpeningum út úr blönkum íslendingum.

Það er líka löngu ljóst að Jóhanna og Steingrímur taka ekki sinn persónulega þátt í að borga þetta!

Mótmæla Icesave samningi

Ef velja þarf á milli þá fari bankarnir frekar á hausinn en almenningur

Jóhanna er alls ekki að skilja samhengið í fjarmálum ríkis og þjóðar.

Hún skilur það ekki enn þann dag í dag að ríkið eignaðist bankana með þjófnaði neyðarlaga. Í leiðinni er hent skuldum bankanna og eftir situr að aðaleignir "nýju" ríkisbankana eru kröfur á heimilin og fyrirtækin í landinu og þar er hvergi slakað í innheimtu nema hjá vildarfyrirtækjum eins og Árvakri (Mogganum) sem fékk þrjá milljarða niðurfellda. Ríkið getur ekki "tapað" því sem þeir eignuðust hvort eð er ekki með réttmætum hætti

Jóhanna skilur heldur ekki að það verður að vera réttlæti í niðurfellingu skulda og það skipti þá ekki máli hverjir voru sviknir með forsendubresti lánanna. Hér skiptir engu máli hvort einhverjir séu svo lánsamir að geta ennþá borgað þrátt fyrir að hafa verið teknir í görnina þeir eiga samt sama rétt á réttlátri niðurfellingu skulda.

Skv. vinnubrögðum Jóhönnu og Steingríms ætlar ríkið að vera stikkfrí. Þeir sem stýrðu hruninu þ.e. bankar og ríkið taka ekki á sig neinar byrðar. Þessu er öllu velt á almenning og fyrirtæki sem ekki stjórnuðu þessari dómadags vegferð í efnahags- og fjármálum þjóðarinnar.

Með skilningsleysi sínu bíða þau þess að þau verði sett af næst með látum.

 

Niðurfelling þýðir kollsteypu

Aðeins tvennt sem vantar: Meira vit og hugrekki!

Viku eftir viku og mánuð eftir mánuð eru þau að uppgötva sama sannleikann í smáskömmtum: Meiri erfiðleikar en þau bjuggust við. Þetta hafa flestir vitað síðan haustið 2008.

Tillögur til úrbóta hafa þau fengið sem eru margra mánaða gamlar en þau hlusta ekki, hafa takmarkað vit á viðfangsefninu og skortir alveg hugrekki til að taka hraustlega á málunum eins og þarf í ljósi þess hversu stórkostlegt hrunið var.

Hér dugir ekkert káf.

Forsætisráðherra: Erfiðleikarnir eru meiri en búist var við

Alltaf vitað að þeir gátu aldrei endurgreitt, bara gorgeir!

Í miðri kosningabaráttu var íhaldið með þann gorgeir að þetta yrði bara endurgreitt. Þessi loforð voru þvert á alla betri vitund allra þeirra sem starfa í svona flokki. Bláköld lygi.

Þeir mega mín vegna dragnast með þá smán að ætla að halda eftir rúmlega hálfri raunupphæðinni af þessum styrkjum. Raunin er sú að fleiri mál eiga eftir að koma upp á yfirborðið hjá FLokknum og það verður bara viðbót við þetta sem er í raun bara byrjunin á fjármálalegri spillingu þeirra. Enn á eftir að upplýsa hvað fjölmiðlar gáfu þeim eftir af auglýsingakostnaði og öðrum gæðum sem ekki eru reikningsfærð.

Styrkir borgaðir til baka

Heimsliðið í tónlist saman á sviði?

Þetta er líklega einhver mesti samanlagði frægðargrautur í tónlist sem hægt er að finna á einu sviði: Paul McCartney, Mark Knopfler, Eric Clapton, Phil Collins, Elton John, Tina Turner, Rick Parfitt, Frank Rossi, Paul Young, Bryan Adams, Midge Ure, Mark King, John Illsley og fleiri.

Þessari svaðalegu naglasúpu tekst að sjálfsögðu að ná upp brjáluðu stuði á þessum konsert sem er líklega frá árinu 1990 eða um það bil.

Þjóðin hefur engin efni á svona hálfvitaskap

Þetta er ein af ástæðum þess að ég tel að ríkið eigi ekki að styrkja listir fullorðinna. Ef fólk vill ekki borga fyrir það að njóta þeirra eru þær einskis virði. Tal um annað er yfirlætiskjaftæði, menningarhroki og sýndarmennska og þá yfirleitt á kostnað samfélags sem hefur allt önnur og meiri not fyrir þessa fjármuni.

Þetta hlýtur að vera aprílgabb og hafi ég rangt fyrir mér má gjarnan vísa þessu rugli á ábyrgð Jóhönnu, Steingríms og ekki síst nýja menntamálaráðherrans, Katrínar Jakobsdóttur.

Ég hreinlega trúi ekki þessu bulli. Þess er að sjálfsögðu krafist að þessum kaupum verði rift hið snarasta og að fulltrúi kaupanda verði sendur í geðrannsókn og/eða rannsakaður fyrir brot í opinberu starfi. 

Dýrasta verkið

Sami afgreiðsluhraði og neyðarlögin - Sama vanhugsaða ruglið

Manni heyrist að sumir þingmenn gumi dátt af því að hafa sett Íslandsmet í hraðafgreiðslu laga í gegnum þingið með þessari afgreiðslu. Enda haft í felum fram á síðustu stund vegna ótta við að fólk myndi hamstra.

Ég held að það sé núna bara tímaspursmál hvenær það fer allt í bál og brand vegna algers ráðleysis í stjórn landsins.

Þeir sem stjórnuðu hruninu stjórna ennþá hruninu!

Þeir sem bera ábyrgð á allri vitleysunni ganga ennþá lausir til að bjarga nokkrum milljörðum af þeim hundruða sem þeir víluðu og díluðu með svo þeir eigi salt í grautinn fram á elliárin. Þeir eru látnir afskiptalausir á meðan þeir moka afrakstrinum í holurnar sínar.

Hvar eru helvítis handjárnin!

Áfengi og eldsneyti hækka