Eru þeir heilagir þarna á RÚV?

Ekki vantar frekjuganginn í þessa yfirlýsingu.  Það er ekki nokkur leið að losna við nauðungaráskrftina að þessum ríkisfjölmiðli sem gengur erinda ríkisstjórnar sem er rúin öllu trausti.

Sjónvarpið er búið að vera undir stjórn Sjálfstæðisflokksins síðan 1991 og þeir halda að þetta sé hlutlaust batterí. Kannski eru þeir bara hlutlausir með það hvaða Sjálfstæðismenn þeir styðja?

Páll Magnússon á að sjá sóma sinn í að biðja um launalækkun niður fyrir milljón á mánuði. Það er miklu hærri upphæð en hann er verður. 

Fordæma uppsagnir á RÚV

Hefur ekki lagaforsendur til að lækka laun

Mér finnst sennilegt að kjararáð hafni beiðni Geirs, enda stríðir það gegn lögum um kjararáð og Geir hefur ekki umboð til að biðja um svona "valdníðslu". Hann getur skilað hluta af sínum launum og frúarinnar sem hann er með líka feitt á ríkisjötunni.

Hann getur ekki beðið um valdníðlslu á aðra embættismenn og trúlega vissi hann allt um það áður en hann lagði inn þessa beiðni. Ég get best trúað að beiðni Geirs sé sýndarmennskan ein. Hvernig á kjararáð að fara gegn lagafyrirmælum um ákvörðun launa?

Ef Geir meinti eitthvað í alvöru með þessu myndi hann einfaldlega láta setja enn ein ný lög á Alþingi en hann hefur engan áhuga á því. Samt mun hann áfram þiggja sín laun á þeim forsendum að hann hafi því miður ekki vald til að lækka þau. 

Niðurstaða komin hjá kjararáði

Það er meiri skítur innandyra við Austurvöll - Hreinsið hann!

Fyrst talandi er um skít utandyra má alveg minna á þau skítverk sem framin eru innandyra Alþingis við Austurvöll.

Meðal nýlegra skítverka sem mætti hreinsa upp eru neyðarlögin, gjaldeyrislögin og frumvarpið um rannsóknarnefndina.

Alþingi má líka hugleiða að þau horfa upp á að lang-óvinsælasti stjórnandi landsins nú um stundir hefur einræðisvald í útdeilingu fjármuna frá Alþjóða gjaldeyrissjóðnum. Sá hinn sami hefur verið staðinn að ítrekuðum óknyttum og skiptir fólki svo vandlega upp í vini og óvini að hann meira að segja hringir í forráðamenn ákveðinna fyrirtækja þegar hann ákveður að láta þá hafa gjaldeyri umfram aðra.

Alþingi íslendinga hefur löngum verið ónýtt. Þingmenn eru að toppa sjálfa sig margfalt núna. Þessi mannskapur hefur haft 6-7 mánaða frí frá þingstörfum á hverju ári á góðum launum og fékk sér ráðna aðstoðarmenn að auki! - Ekki veit ég hvar annars staðar í heiminum fæst önnur eins gæðavinna.

Það að Morgunblaðið geri rónaskít að sérstöku umtalsefni segir okkur að miðillinn tekur hvað sem er að sér til að búa til smjörklípur fyrir Davíð og dvergana hans. 

Gekk örna sinna í runna á Austurvelli

Klæðið ykkur vel og haldið friðinn!

Það er kalt úti og ég mæli með að mótmælendur (og kaþólikkar.. og múslimir o.fl.) klæði sig vel svo fólk þurfi ekki að halda að sér hita með slagsmálum. 

Útifundur á Austurvelli

Plögg í tilefni dagsins - Fullt af lögum í spilaranum

Ég er búinn að setja inn helling af lögum með eigin upptökum og vil nota tækifærið og koma okkur félögum í hljómsveitinni HÆTTIR á framfæri. Við erum nefnilega besta litla bandið sem hægt er að fá fyrir árshátíð, afmæli, þorrablót, brúðkaup og jú neim it. Við Gunni Antons flytjum alla músík, frá samsöng, trúbador- og partýtónlist, ljúflingslög yfir matnum, standarda og hvað sem er upp í þrusu graðhestakántrý og dúndrandi rokk og ról. Með nærri 400 laga prógramm getum við spilað ansi fjölbreytta tónlist. Lítil hljómsveit með STÓRAN hljóm!

Lögin í spilaranum eru næstum öll tekinn upp beint þ.e. undirleikur, söngur og gítar er tekið allt í einu. Þau hljóma því svona á venjulegu balli. Einnig lögin sem eru á síðu hljómsveitarinnar HÆTTIR. 

Hvað með árangurstengd laun?

Miðað við frammistöðu ráðamanna á þessum síðustu og verstu tímum væri núna spurningin um það hversu mikið þau ættu að greiða til baka í ríkissjóð fyrir að setja þjóðina á hausinn eða hvað?

Laun embættismanna ákvörðuð eftir helgi

Alþingi er ítrekað að samþykkja vanhugsuð lög - Erum við á leið til fasistaríkis?

Maður fyllist hreinlega vonleysi að upplifa hversu vanhugsuð þau lög eru sem Alþingi setur þessa dagana. Mér sýnist að stjórnarandstaðan sé ítrekað blekkt til að taka þátt í þessari vitleysu á vitleysu ofan.

Frumvarpsdrögin um rannsóknarnefndina er hrein og klár fasistaaðgerð. Gefur nefndinni vald til að haga sér eins og lögregluríki fyrir ríkisstjórnina til elta uppi hugsanlega glæpamenn meðal auðmanna en á að hvítþvo hana sjálfa og fría frá eigin mistökum og dómgreindarleysi. Skv. frumvarpinu er hægt að sekta og fangelsa vitni sem er ótrúlegur afsláttur á því réttarkerfi sem hér hefur ríkt. Ýmist minnir þetta í aðra röndina á herforingjastjórnina í Chile, eða í hina, á óamerísku nefndina á McCarthy-tímanum. Þessi nefnd mun aldrei verða neitt merkilegri sem rannsóknaraðilil heldur en handónýt ríkisendurskoðun. Af hverju er hún ekki notuð áfram til svona rannsóknar? Auk þess hefur verið réttilega bent á að hæstaréttardómari sem nefndarformaður er kominn í flókna hagsmunaárekstra hins þrískipta valds og það stenst ekki mikla skoðun að mati lögfróðra manna.

Lögin um gjaldeyrisviðskiptin eru enn eitt viðbótarbullið sem mun valda því að gjaldeyrir fyrir útflutning mun bara ekkert skila sér til baka. Lögin eru að hindra frjálst fjármagnsflæði og hljóta því að brjóta í bága við EES samninginn og þá hlýtur að vera sjálfgert að skila honum til baka, eða hvað? Lagasetningin hindrar að fólk geti selt eignir hér á landi og yfirgefið það stjórnleysi sem hér ríkir. Nú er búið að koma upp rimlum til að sjá til þess að hér verði lýður til að borga óráðsíu undanfarinna ára sem og milljarðalánin frá IMF sem ekki eiga að vera í þágu þjóðarinnar heldur bara ríkisstjórnarinnar. Það blasir við að aðeins útflytjendur muni hafa einhvern aðgang að erlendum gjaldeyri því þeir munu bara geyma hann erlendis á reikningum til eigin nota.

Nánast öll lög sem sett hafa verið í framhaldi af því að Seðlabankinn knésetti Glitni hafa verið hrein og klár ólög. Þau eiga það öll sameiginlegt að víkja frá góðum og gildum réttarvenjum, góðum viðskiptaháttum, góðu siðferði og sanngirni við úrlausn mála.

Ísland nálgast það óðfluga að vera fasistaríki í herkví stjórnmálamanna sem hafa komið öllu á hausinn með dómgreindar- og sinnuleysi í bland við aura- og valdagræðgi. Þetta fólk á að víkja áður en hætta verður á hreinni og klárri uppreisn almennings sem ekki sér lengur hvernig það á að framfleyta sér í þessu landi.

Hömlum aflétt og nýjar settar

Davíð er of upptekinn við að skipa í rannsóknarnefnd þingsins

Hvaða læti eru þetta eiginlega út í Davíð? Þið ættuð að sjá sóma ykkar í því að atast ekki í manninum á meðan hann þarf að ákveða hvaða mannskap hann skipar í rannsóknarnefndina sem á að komast að því að hann sé BLÁsaklaus af öllu sérislenska bankahruninu.

Þið hljótið að skilja að hann þarf að fá gott ráðrúm til að ákveða hvaða hæstaréttardómara hann velur í formennsku í rannsóknarnefndinni. Valið er honum nefnilega erfitt vegna þess að hann skipaði þá flesta sjálfur. Jón Steinar Gunnlaugsson er auðvitað sjálfkjörinn af hæstaréttardómurum, hann er líklega þeirra bestur við spilaborðið.

Það er nokkuð ljóst að Davíð er vandi á höndum með þriðja nefndarmanninn. Þó að annar nefndarmaðurinn, umboðsmaður Alþingis, sé skipaður undir forsæti Davíðs þá er alltaf betra að allir nefndarmenn séu sammála í niðurstöðum sínum. Líklega er enginn betri til að sitja í nefndinni sem fagmaður og þriðji maðurinn annar en Hannes Hólmsteinn, hver annar hefur jafn mikið og yfirgripsvit á öllu en hann?

Davíð verður náttúrulega að sitja með nefndinni að störfum. Ekki viljum við að starfið leysist upp vegna einhverra leiðinda og komi með einhverja fáránlega niðurstöðu? - Við hljótum að gera þá kröfu að allar milljónirnar sem þetta nefndar- og rannsóknarstarf kosti skili alvöru niðurstöðum.

Davíð frestar komu sinni

Rannsóknarnefnd er algjör óþarfi - Davíð átti fyrsta óþarfa sparkið í öllu saman!

Yfirleitt eru það sökudólgarnir sem segja að allt sé misskilningur og það þurfi að athuga, skoða, tékka á, prófa og rannsaka það sem fór til andskotans. Margir þessara sökudólga eru siðblindir. Ég tel Seðlabankastjórann bæði siðblindan og haldinn ranghugmyndum um stöðu mála. Hann er samt svo valdamikill að teyma heila ríkisstjórn á eftir villuhugmyndum sínum. Enginn þorir að blaka við honum því hann veit of mikið um leppana sína til að þeir þori yfirhöfuð að mjálma nokkuð af ótta við hefnd hans og útskúfun.

Rannsóknarnefnd á vegum þingsins er bara til þess að búa til töf á þessu máli öllu saman. Það vita allir sem hafa einhverja glætu í kollinum að Davíð kippti stoðunum undan Glitni, ótímabært og kannski óviljandi, með eineltistilburðum sínum gagnvart Jón Ásgeiri. Davíð á ekki sök á lánsfjárkreppunni, en hann á samt mestu sök á því að setja bankakerfið á Íslandi og efnahagskerfið í algjöra rúst áður en nokkurt tilefni var til þess með frekju og yfirgangsrugli mesta besservissers sem þetta land hefur alið frá upphafi. 

Víðtækar rannsóknarheimildir

Samfylking lætur þetta hverfa fljótlega líka

Þetta er hluti af ræðu Árna Páls Árnasonar á framboðsfundi Samfylkingarinnar fyrir síðustu kosningar. Þetta myndskeið er af Youtube síðu Samfylkingarinnar: Samfo2007.

Árni Páll hlýtur að vilja þetta burt með sama hætti og Björgvin G. Sigurðsson lét mærðarbull sitt um íslensku útrásina hverfa af vefnum sínum.

Aðspurður um óskaríkisstjórn sína segir Árni þessi ótrúlegu gullkorn:

"...ég sé ekki fyrir mér að við nýtum okkar afl í ríkisstjórn til að halda fram málstað vinstri grænna, hjálpa þeim að halda áfram sínu langdregna væli um vonsku heimsins. Hjálpa þeim að segja upp EES samningnum eða hrekja bankana úr landi. Það er alveg ljóst!"  - Líklega veit Árni Páll betur nú að hann hefði átt að hjálpa vinstri grænum, bankarnir hefðu þá a.m.k. ekki komið í hausinn á íslenskri þjóð og valdið þjóðargjaldþroti.

Og áfram hélt Árni Páll: 

"Ég sé ekki heldur fyrir mér að við eyðum okkar afli til að taka við af Framsóknarflokknum sem hjálpardekk íhaldsins og vinna áfram skemmdarverk á íslensku samfélagi, auka misskiptingu og grafa undan velferðarkerfinu."  - Árni Páll, ef einhver annar ætti í hlut værir þú búinn að krefjast þess að einhver segði af sér vegna slælegrar orðheldni, ekki satt? Þið genguð lengra: Þið settuð ísland hreinlega á hausinn með íhaldinu. Þessi málflutningur Árna Páls er eiginlega Íslandsmet í lítilli framsýni svo vægt sé til orða tekið.

Ég kaus Samfylkinguna síðast til að losa mig frá íhaldinu sem ég hafði kosið alltaf fram að því. Miðað við orð Árna mátti ég vera í góðri trú eða hvað?

Þetta myndskeið er viljandi vistað undir flokknum Spaugilegt en ætti að vera undir Bjánahrollur.

 

Austurvöllur fyrr og nú

Geðstirður fýlupúki opinberaður

Það þarf ekki að segja mér neitt um að Páll Magnússon sé að atast í Pétri Matthíassyni sín vegna. Hann er skikkaður eins og hver annar rakki Geirs og Þorgerðar í þessu máli.

Þjóðin má alveg vita að Geir sé geðstirður fýlupúki þegar á reynir. Hann má líta á það sem jákvæða kynningu því hingað til höfum við alltaf litið á hann sem geðlausa lurðu í bandi Davíðs Oddssonar.

Páll Magnússon opinberar þá þrælslund sem embættismenn hafa gagnvart ráðherrum. Það þarf ekki frekari vitnanna við að RÚV er ekkert annað en fjölmiðlabatterí íhaldsins og alveg undir þeirra stjórn. Það er löngu tímabært að almenningur losni við að þurfa borga fyrir þetta áróðusbatterí ríkisstjórnarinnar sem er þrátt fyrir allt rúin öllu trausti.

Pétur Matthíasson ætti í stráksskap sínum að láta Pál standa við lögfræðingshótanir, Það er ágætt að leyfa stjórnvöldum að sína sitt rétta andlit um það hverjir bera raunverulega ábyrgð. Núna er það fréttamaðurinn sem breytti geðlausri lurðu í einu vetfangi í geðstirðan fýlupúka.

Krafa um að viðtali við Geir verði skilað

Misnotkun óheiðarlegra neyðarlaga heldur áfram

Það þarf engum að velkjast í vafa um að greiðslustöðvun er misnotuð til að halda eignum bankanna í herkví og mismuna kröfuhöfum.

Undir eðlilegum kringumstæðum hefur greiðslustöðvun það markmið að gera lögaðilum kost á að endurskipuleggja fjármál sín til að verða bjargálna á ný. Í þessu tilviki er engin von til þess að bankarnir verði annað en gjaldþrota og því hefði héraðsdómur ekki mátt veita neina greiðslustöðvun og gjaldþrot væri óumflýjanlegt. Neyðarlögin eru hins vegar svo víðtæk að þau leyfa yfirvöldum að snúa öllu eðlilegu réttarfari á hvolf og það er ótrúlegt að upplifa að svona biluð löggjöf hafi verið leidd í gegnum Alþingi.

Sífellt erfiðara verður að vinda ofan af því rugli í ákvörðunum sem ríkisstjórnin hefur tekið og eiga eftir að verða þessari þjóð verulega dýrkeyptar. 

Glitnir fær greiðslustöðvun

Skráðu þig á www.kjosa.is - ef þú vilt kosningar

Ég var að skrá mig á vefinn www.kjosa.is

Það er sjálfsagt að efna til kosningar við breyttar aðstæður.

Geir og Solla virkuðu bara flott við framboð til öryggisráðsins, fjölgun sendiherra og sendiráða, hækkun launa sinna og annarra embættismanna og við aðra almenna óráðsíu þegar þau gátu baðað sig í erlendu lánsfé sem auðmennirnir komu með hingað inn í bankakerfið.

Sökudólgarnir eru allir fundnir, það á bara eftir að kjósa þá burtu. Það er eðlilegt að þeir vilji ekki víkja þegar búið er að ná í nýtt lánsfé sem þau geta leikið sér með áfram og látið okkur borga til mjög langrar framtíðar. Þessu fólki treysti ég ekki og vil nýjar kosningar sem allra fyrst.

Skráðu þig á www.kjosa.is - Það er ekkert rangt við að kjósa sem fyrst því sökudólgarnir eru langt frá því að vera ómissandi.

31,6% stuðningur við stjórnina

Samfylkingin stóð að stórþjófnaði á Alþingi

Það ætlar seint að takast að sannfæra sumt fólk (lesist: Þingmenn og ríkisstjórn) um að það gerðist sekt um stórþjófnað þegar neyrðarlögin voru sett á Alþingi.

Mér sýnist sem þjóðin sé almennt að verða meðvituð um að það gengur ekki að ríkisstjórn og Alþingi sýni það dæmalausa fordæmi í sögunni að stela öllum bitastæðum eignum bankanna og starfsemi þeirra og fleygja erlendu skuldunum.

Ríkisstjórnin ætlar að samt að láta almenning greiða allar skuldir sínar til nýju bankanna eins og ekkert hafi breyst.

Eftir að Davíð Oddsson teymdi stjórnina í að fella Glitni hafa allar aðrar ákvarðanir þessarar stjórnar verið tóm vitleysa. Allar siðmenntaðar þjóðir í kringum okkur hafa vitað þetta og sett okkur stólinn fyrir dyrnar. Ísland varð að heimsatlægi og er nú smáð um allan heim.

"Björgunarleiðangur" Geirs og Sollu er bara brandari. Samfylkingarfólk á fyrir löngu að vera búið að sjá í gegnum þetta og koma því til leiðar að skipt verði um stjórn án nokkurrar tafar. 

Stjórnarsáttmáli heyrir sögunni til

Það eru fleiri en ég hættir að kjósa þig Björn!

Fyrir síðustu kosningar hætti ég að kjósa íhaldið sem ég hafði stutt með ráðum og dáð í rúm 30 ár. Ég var uppalinn í íhaldstrúnni en gafst upp þegar Björn Bjarnason, Geir Haarde, Sólveig Pétursdóttir og Gunnlaugur Claessen misnotuðu vald forseta Íslands til að gefa þjófdæmdum fyrrum þingmanni Sjálfstæðisflokksins tækifæri til að komast aftur á þing.

Björn Bjarnason, þig kýs ég aldrei aftur. Þinn vitjunartími er kominn og þú átt enga möguleika á opinberu embætti aftur. Þér er óhætt að setja eins mikið lím í ráðherrastólinn þinn og þú hefur tök á að klessa í hann. Njóttu þessara fáu stunda sem þú átt eftir í honum, því fljótlega mun þjóðin koma þér í ruslatunnu sögunnar með Davíð Oddssyni og fleirum sem eru búnir að eyðileggja efnahagslega stöðu þessa lands um lengri framtíð en nokkurt okkar kærir sig um að vita af. 

Telur vantrauststillögu efla samstarf ríkisstjórnarinnar