Það er þolinmæðisverk að stela ríkisfyrirtækjum

Það er augljóst þegar menn ljúga þá virðast þeir byrja á því að fyrra bragði að afneita næsta skrefi í fyrirætlunum sínum, jafnvel án þess að vera spurðir um það!

Ég þreytist seint á því að vara við sölu svona þjónustufyrirtækis sem á að sinna grunnþörfum í okkar samfélagi þ.e. að sjá okkur fyrir rafmagni, vatni og frárennsli. Það er í mínum huga landráðatal og þjófnaður að vera með fyrirætlanir um einkavæðingu þessarar samfélagsþjónustu. Þeir hafa þegar seilst of langt í þessum fyrirætlunum og á að stoppa.

Ef íslendingar vilja hasla sér völl erlendis geta þeir gert það með því að stofna ný fyrirtæki og láta þennan sameiginlega grunn okkar óhreyfðan.

Ég verð reiður í huga þegar ég hugsa um andskotans græðgina sem liggur þarna að baki. 

Stefnt að því að breyta OR í hlutafélag

Athugasemdir

[Haraldur Haraldsson, 31.8.2007 kl. 00:19]

Mæltu manna heilastur Haukur,sammála þessu algjörlega/Halli gamli

[Ævar Rafn Kjartansson, 31.8.2007 kl. 00:33]

Þetta er partur af þeirri glæpamennsku sem hefur verið látin átalalaust þegar ríkisjarðir eru seldar kosningastjórum ákveðinna flokka og jafnvel þingmönnum þeirra á afkáralegu undirverði. Fiskurinn í sjónum er núna eign fjárfestingaraðila og barnabarna útgerðarmanna leikandi sér í útlöndum. Vatnið, loftið, hálendið, mengunarkvótinn og þjónustufyrirtæki almennings eru næstu blóðmjólkurkýr íslensks aðals enda hefur enginn burði til að standa í hárinu á þeim sem eiga Ísland. Og ef þú dirfist er hætt við að bankafyrirgreiðslan, lóðaumsóknin þín og fleira fái aðra afgreiðslu en ella. Þú tekur ekki stórt upp í þig með að kalla þetta landráð enda er græðgisvæðing lénsherra Íslands að sliga almenning nú þegar með okri sínu og verðsamráði.

[Ingi Geir Hreinsson, 31.8.2007 kl. 08:25]

Þetta er ósköp einfalt gott fólk, við hverju öðru er að búast þegar við lifum í þriðja heims bananalýðveldi? Ísland er ekki lýðræðisríki!!! Er enginn annar búinn að fatta þetta? Lítið á vægi atkvæða, niðurstöður kosninga vs ráðamenn á eftir. Bankana, einokunina, okrið, sukkið, svindlið og svínaríið. Er einhver ennþá svo barnalegur að halda að við búum í lýðræðisríki???