Lántökusukkið verður lagað með meira lántökusukki

Það kemur sífellt betur í ljós hvað hangir á spýtunni hjá ríkisstjórninni. Til að redda málunum á að taka bara meiri lán. Til að þau fáist þarf að samþykkja að borga Icesave... eftir sjö ár!

Ég held að það séu fáir íslendingar eftir sem ekki eru meðvitaðir um að lántökur og tilheyrandi sukk er ástæðan fyrir hinni ólánlegu stöðu okkar og efnahagshruni.

Það er ástæða til að staldra við. Sleppa því að ábyrgjast Icesave umfram núverandi lagaheimildir þó að það þýði að við fáum ekki lán. Það er nefnilega líka ljóst að frekari lántökum er ekki ætlað að bæta lífskjör í landinu heldur viðhalda ríkiskerfinu og bönkunum fyrst og fremst.

Því meira sem maður skoðar þetta er orðið vænlegra að lýsa yfir þjóðargjaldþroti og byrja bara á núlli. Það þýðir vanþóknun umheimsins í einhvern tíma, en fólk er fljótt að gleyma. Við eigum enga von um endurreisn með kærleiksríkri hjálp AGS og ESB það átti okkur að vera ljóst strax.

Það er engin viðbótargeta á landinu fjárhagslega til að borga lán sem við tókum ekki. Punktur!

Við borgum ekki Icesave!

Norðurlönd settu skilyrðin

Athugasemdir

[Sigurður Þórðarson, 2.7.2009 kl. 08:15]

Það er illa haldið á málum okkar.

Stjórnvöld skýrðu ekki málstað Íslands fyrir Norðurlöndunum.

[Sigurjón, 2.7.2009 kl. 10:58]

Sammála þessari færzlu í hvívetna...

[Friðrik Hansen Guðmundsson, 2.7.2009 kl. 12:20]

Í fréttinni segir:

"Íslensk stjórnvöld lögðu áherslu á, skömmu eftir að bankarnir féllu, að aðstoð IMF væri ekki háð því skilyrði að Ísland tæki ábyrgð á lágmarksinnstæðutryggingu vegna Icesave"

Nú er staðfest að þáverandi stjórnvöld sögðu okkur ekki rétt og satt frá varðandi þetta mikilvæga atriði. Þetta fólk sem sat þá í stjórn og helmingur þess situr enn í stjórn, "laug" að þjóðinni og samþykkti þann grunn sem núverandi nauðarsamningar við Breta og Hollendinga byggjast á.

Sagt er að þjóðir eigi skilið þá stjórnmálamenn sem hún kýs yfir sig. En áttum við virkilega allt þetta skilið?

Og nú eru menn suður með sjó að selja útlendingum hlut í Hitaveitu Suðurnesja ásamt gríðarlegum jarðhitaréttindum með 90% afslætti miðað við verðið fyrir 2 árum, mælt í evrum.

Áttum við þessa stjórnmálamenn virkilega skilið?

[Jakobína Ingunn Ólafsdóttir, 5.7.2009 kl. 06:10]

1000 manns flýja land í hverjum mánuði.

Og Friðrik Hansen afkomendur okkar eiga þessa stjórnmálamenn örugglega ekki skilið