Nú fer blátt í grátt. Nýi formaðurinn er eiginlega litlaus.

Aldrei hefur neitt gustað af Bjarna Ben. Hann á engin umtalsverð afrek úr pólitík önnur en að ljúga fyrir Jónínu Bjartmars og Stjörnuna ríkisborgararétti til handa fólki sem var aftarlega í biðröðinni og átti bara að vera þar áfram.

Það væri kannski ágætt ef einhver góður og gegn íhaldsmaður gæti sagt mér hvað hann hafi afrekað. Það hefur farið eitthvað svo innilega framhjá mér.

Nýrri kynslóð treyst til verks

Athugasemdir

[hilmar jónsson, 30.3.2009 kl. 00:26]

segðu. það er þá helst nafnið Bjarni Ben

[Sigurjón, 30.3.2009 kl. 00:30]

Satt er það.  Óskaplega litlaus karakter þarna á ferðinni.  Kristján er skömminni skárri...

[Jens Guð, 30.3.2009 kl. 00:34]

  Ég man helst eftir Bjarna fyrir að hafa barist á hæl og hnakka gegn því að fyrningu yrði aflétt af barnaníðingum.  Ég ætla ekki að gera honum upp neitt annarlegt en af því að systir mín er formaður Aflsins,  systursamtaka Stígamóta á Norðurlandi (www.aflidak.is),  gef ég þessum málaflokki sérstakan gaum.  Og undraðist hamagang Bjarna gegn fórnarlömbum barnaníðs og umhyggja hans fyrir barnaníðingum.

[Sigurjón, 30.3.2009 kl. 00:39]

Meinarðu að hann hafi barist með því að fyrningu yrði aflétt af barnaníðingsskap?

[Jóhann (IP-tala skráð) 30.3.2009 kl. 00:51]

Kynnið ykkur bara málefni kappans á www.bjarniben.is áður en þið talið um hann.

Og lesið sérstaklega viðtalið við hann í Fréttablaðinu. Þar er honum ítrekað hrósað af vinstri mönnum og stjórnarandstæðingnum fyrir að vera ákaflega málefnalegur og virtur maður. Stór sig afbragðsvel í fjölmiðlafrumvarpinu sem allir voru svo á móti (greyið baugsmenn).

Kynna sér málin áður en maður talar. Það er hollt að venja sig á það...

[Jens Guð, 30.3.2009 kl. 01:02]

  Sigurjón,  nei,  það var lagt fram frumvarp á alþingi um að fyrningalög gagnvart afbrotum ætti ekki við um barnaníð.  Rökin voru þau að fórnarlömb barnaníðs væru í mörgum tilfellum það ung þegar brotið er á þeim að þau hafi ekki tök á að kæra ofbeldismanninn fyrr en þessi fórnarlömb væru komin á fullorðinsaldur.

  Bjarni brást hinn versti við og barðist af hörku gegn frumvarpinu.  Hann fann barnaníðingum allt til málsbóta og vildi að brot þeirra myndu fyrnast á sama árafjölda og afbrot annarra glæpamanna.

[Valsól (IP-tala skráð) 30.3.2009 kl. 10:21]

Umhyggjan fyrir barnaníðingum er almenn í Sjálfstæðisflokknum, því það er ekki bara Bjarni sem er að berjast hjálpa til að að þessir aumingjar sleppi við dóm, heldur er frægur hæstaréttardómari á því að herða sönnunarbyrði þolendans og að ekki verði tekið mark á röksemdum sálfræðinga og félagsráðgjafa. Þessa fræðimenn eiga að vera marklausir samkvæmt frjálshyggjudindlunum í fasistaflokknum. Þeir vilja meina að þetta fagfólk geti ekki lesið í einkenni áfallastreyturöskunar. Alveg hreint með ólíkindum að fólk skuli kjósa þetta lið, þetta lið sem elskar frelsið og frjálshyggjuna svo mikið að þeir berjast meira að segja fyrir barnaníðinga.

[Sigurjón, 30.3.2009 kl. 20:40]

Ok, ég skil þetta betur núna Jens...