Mega þakka fyrir að verða ekki fangelsaðir fyrir marga glæpi

Mín skoðun er sú að Davíð Oddsson hafi leitt meiri efnahagsógæfu yfir þessa þjóð en hægt er að ímynda sér. Það er ennfremur með ólíkindum að enn skuli þessi ólánssami maður fá að sitja sem bankastjóri Seðlabankans rúin öllu trausti í rúma 4 mánuði sem er staðreynd sem sýnir hversu erfitt er að koma óhæfu fólki úr mikilvægum stjórnunarstöðum.

Valdníðsla og vanhæfni eru fyrstu orðin. Landráð vegna stórkostlegs gáleysis og heimsku er líka uppi á borðinu. Hafi einhverjum þótt að leiða ætti menn út í handjárnum vegna hins séríslenska hálfvitagangs í fjármálum, þá er þarna fyrsti maðurinn sem ætti að fá slíka meðferð.

Ég er löngu hættur að vorkenna honum fyrir þetta mál. Þúsundir manna fá miklu stærri skell í kreppunni en þurfti vegna afglapa þessa manns og hann er ábyrgur fyrir ótrúlegri niðurlægingu heillar þjóðar.

Það að halda einum manni á stól Seðlabankastjóra með þessum ótrúlega þráa lýsir því hversu ónýtur Sjálfstæðisflokkurinn var orðinn og meðvirkur í sjúkri foringjadýrkun á manni sem löngu er kominn fram yfir síðasta söludag svo vægt sé til orða tekið.

Yfirlýsingar jaðra við einelti

Athugasemdir

[Hafsteinn Viðar Ásgeirsson, 3.2.2009 kl. 08:10]

Hér þarf engu við að bæta. þetta er eins mikill sannleikur, í fáum orðum, eins og hægt er að koma fyrir.

[Stefán (IP-tala skráð) 3.2.2009 kl. 08:37]

Davíð Oddsson og Halldór Blöndal eru báðir jafn veruleikafyrrtir og eru núna í bullandi afneitun eins og gamlir alkar.

[Rakel Kristinsdóttir (IP-tala skráð) 3.2.2009 kl. 09:27]

Þótt ótrúlegt sé þá er þetta sannleikanum líkast... því miður fyrir Davíð og allar fjölskyldurnar sem eru að lenda á götunni í dag.

[Ásthildur Cesil Þórðardóttir, 3.2.2009 kl. 09:30]

Sammála þér.

[Haraldur Haraldsson, 3.2.2009 kl. 11:42]

Það leinist mikil sannleikur i þessum hörðu!!! orðum/Kveðja Halli gamli

[Smjerjarmur, 3.2.2009 kl. 16:23]

Þetta er mjög djúpt og viturlegt hjá þér.  Spurning hvort þú sért ekki rétti maðurinn til þess að fara með dómsmálin á "Nýja Íslandi"?  Með allt á hreinu og fljótur að afgreiða málin.  Engar tafir í "kerfinu"!

[Óskar Þorkelsson, 3.2.2009 kl. 17:36]

góður Haukur

[Haukur Nikulásson, 3.2.2009 kl. 17:38]

Smjerjarmur, svo ótrúlegt sem það kann að hljóma er ég tiltölulega umburðarlyndur og tilbúinn að fyrirgefa. Það eru hins vegar takmörk fyrir því hversu mikla og langvarandi dellu við eigum að þurfa að þola. Sérstaklega þegar afleiðingarnar eru jafn ótrúlegar og raun ber vitni.

[Rakel Sigurgeirsdóttir, 7.2.2009 kl. 03:41]

Góð greining! Sérstaklega þó lokin.