Birtið lögfræðiálitið í heild sinni

Varðandi jafn stórt mál og raun ber vitni finnst mér eðlilegt að gera þá kröfu að lögfræðiálitið verði birt svo við getum sannreynt að Geir ljúgi ekki eina ferðina enn.

Hvað gæti verið svona mikið leyndarmál ef ekki stendur til að höfða málið? 

Athugasemdir

[Jón Valur Jensson, 6.1.2009 kl. 15:55]

Ætli leyndarmálið að mati skilanefndar Landsbankans sé ekki það, að svo stórfelldir fjármagnsflutningar hafi átt sér stað frá Icesave-herbúðunum í Bretlandi síðasta mánuðinn fyrir hrunið, meðan bankinn var þó í afar hæpinni stöðu, að brezk yfirvöld hafi talið þetta beinlínis glæpsamlegt undanskot og því talið rétt að skella á hann ákvæðum hryðjuverkalaganna? – Endilega komið með betri skýringu, ef hún fyrirfinnst.

[Haraldur Haraldsson, 6.1.2009 kl. 16:26]

Maður er sammál Jóni þarna,þetta er skíringin/Halli gamli

[Haukur Nikulásson, 6.1.2009 kl. 17:27]

Hin skýringin er sú sem ég hef hallast að Jón og það er að neyðarlögin hafi kallað á hryðjuverkalögin vegna þess að ríkið stal eignum bankanna og afneitaði skuldunum þeirra. Það er ekkert smá mál þegar ríki ákveður með lögum að stela með svo stórfelldum og siðlausum hætti.

Hitt er rétt að þeir kvörtuðu líka undan fjármagnsflutningum og það er svo sem ekkert ósennileg skýring heldur. 

[Jón Valur Jensson, 6.1.2009 kl. 20:32]

Já, vel má vera, að hvort tveggja eigi við, Haukur. Ég bloggaði áfrekar umm málið HÉR Á VÍSISBLOGGI MÍNU (kl. 17.47) og reyndist þar sannspár, hygg ég, því að Björg Thorarensen lögfræðiprófessor talaði svo í kvöldfréttum um, að ólíklegt sé (eins og ég hafði líka getið mér til), að Mannréttindadómstóllinn vilji fjalla um þetta mál.