Við hin eigum að skammast okkar fyrir skapleysið

Margir eru fullir vandlætingar yfir því að þessi skríll sé með ólæti við þinghúsið og ráðherrabústaðinn. Ég skal sjálfur játa að hafa ekki mætt á mótmælafundi og skammast mín fyrir það. Ég hins vegar styð málstaðinn heilshugar eins og ég tel að þorri þjóðarinnar geri það óhikað þó við drullumst ekki til að mæta á staðinn og mótmæla eins og fólk með skap og skoðun.

Mótmælin undanfarið eru smámál miðað við tilefnið sem er líklega stærsta einstaka skemmdarverk Íslandssögunnar. Byltingar hafa verið framkvæmdar af minna tilefni í sögunni.

Vilja ríkisstjórnina burt

Athugasemdir

[Atli Freyr Friðbjörnsson (IP-tala skráð) 9.12.2008 kl. 12:14]

Þarna er ég þér hjartanlega sammála. Það er sorglegt með sögu Íslands að í raun hafa þeir sem hér stjórna aldrei þurft að óttast það að fólkinu í landinu hreinlega ofbjóði ástandið og steypi þeim af stóli.

Ég mætti því miður ekki í morgun. Hef ekki notið þeirrar lukku að missa vinnuna enn sem komið er og þar af leiðandi er ég enn fastur í þeim tímafjötrum.

Síðan er kominn tími á að fólk átti sig á því að ekkert er neikvætt við orðið skríll. Í raun þýðir skríll það sama og lýður, og þessvegna getum við alveg kallað lýðræði skrílræði.

[Játvarður, 9.12.2008 kl. 12:17]

Er svo innilega sammála. Enda eru ungt fólk og háskólanemar

hvar sem er í heiminum, hið hreyfandi pólitíska afl. Skarpt og

ástríðufullt fólk sem enn er tilbúið að berjast fyrir hugsjónum. Við sem

heima sitjum mættum skammast til að standa upp frá sjónvarpinu

og tölvunni.

[Ásthildur Cesil Þórðardóttir, 9.12.2008 kl. 12:27]

Sammála ykkur öllum.  Við verðum að standa saman um að sýna þessu liði að við ERUM þjóðin.

[SM, 9.12.2008 kl. 12:52]

flott hjá mótmælendum

[Diesel, 9.12.2008 kl. 14:25]

sammála þér

[Óskar Þorkelsson, 9.12.2008 kl. 17:03]

sammála Haukur