Skráðu þig á www.kjosa.is - ef þú vilt kosningar

Ég var að skrá mig á vefinn www.kjosa.is

Það er sjálfsagt að efna til kosningar við breyttar aðstæður.

Geir og Solla virkuðu bara flott við framboð til öryggisráðsins, fjölgun sendiherra og sendiráða, hækkun launa sinna og annarra embættismanna og við aðra almenna óráðsíu þegar þau gátu baðað sig í erlendu lánsfé sem auðmennirnir komu með hingað inn í bankakerfið.

Sökudólgarnir eru allir fundnir, það á bara eftir að kjósa þá burtu. Það er eðlilegt að þeir vilji ekki víkja þegar búið er að ná í nýtt lánsfé sem þau geta leikið sér með áfram og látið okkur borga til mjög langrar framtíðar. Þessu fólki treysti ég ekki og vil nýjar kosningar sem allra fyrst.

Skráðu þig á www.kjosa.is - Það er ekkert rangt við að kjósa sem fyrst því sökudólgarnir eru langt frá því að vera ómissandi.

31,6% stuðningur við stjórnina

Athugasemdir

[Óskar Þorkelsson, 23.11.2008 kl. 15:49]

ég skráði mig , það er eitthvað að linknum hjá þér því ef ég klikka á linkinn til www.kjosa.is þá kemur upp stjórnborðið fyrir bloggið þitt Haukur.. 

[Haukur Nikulásson, 23.11.2008 kl. 22:10]

Takk Óskar, þetta getur komið fyrir ef maður skoðar þetta ekki eftir á. Búinn að laga þetta.

[Ingvar Valgeirsson, 23.11.2008 kl. 22:36]

Ég fékk martröð, dreymdi að Framsókn og Samfó væru með meirihluta... lengi getur vont versnað.

[Lára Stefánsdóttir, 23.11.2008 kl. 23:19]

Enginn hefur enn getað útskýrt fyrir mér hver tilgangurinn væri með kosningum núna. Þetta hljómar dálítið eins og smjörklípa eða smjörklessa fyrir mér.

[Óskar Þorkelsson, 24.11.2008 kl. 00:13]

tilgangurinn í mínum huga er sá Lára að koma spillingaröflunum frá .. lesist sjálftektarflokkur.

[Haukur Nikulásson, 24.11.2008 kl. 08:09]

Lára, þetta er einfalt: Liðið sem hefur stjórnað er með allt á hausnum. Á öllum öðrum stöðum í samfélaginu er misheppnuðum stjórnendum skipt út.

Í stjórnmálum þjóðarinnar er þetta jafnvel enn mikilvægara vegna þess að þar er fólk að meðhöndla fjármuni sem það á ekkert í og fer þess vegna verr með það.

Ef þú vilt kalla þetta smjörklípu er það í lagi mín vegna.