Háir stýrivextir og krónubréfin rústuðu krónunni

Ég er kominn á þá skoðun að hávaxtastefna Seðlabankans hafi valdið hruni krónunnar meira en annað.

Útgáfa erlendra fjármálastofnana á krónubréfum í skjóli hárra stýrivaxta hafi gert krónuna óeðlilega sterka á meðan allt lék í lyndi en valdi hruni þegar almenn tiltrú á efnahagslífið gufar upp. Þjóðnýting Glitnis bætir síðan enn í vegna þess að það fór nákvæmlega engum sögum af erfiðleikum á þeim bæ og það gerir okkur ótrúverðug í framhaldinu með hina bankana og fjármál ríkisins.

Þetta styður enn frekar þá skoðun að Seðlabankinn og stefna hans í stýrivaxtamálum sé hér mjög stór þáttur í gengishruninu. Ef ekki hefðu verið himinháir stýrivextir og þar af leiðandi svona svakaleg eftirspurn eftir krónum í spákaupmennsku útlendinga, hefði gengi krónunnar trúlega verið mun lægra og ekki komið svona þungur og illbær skellur í einu lagi eins og nú er raunin. 

Rætt við norræna seðlabanka

Athugasemdir

[Einar Vilhjálmsson, 5.10.2008 kl. 01:20]

Seðlabankinn gerði það sem honum bar að gera til að stemma sigu við meintri verðbólgu eins og hún er skilgreind með neysluvísitölunni. Sú verðbólgumæling inniheldur m.a. íbúðarverð sem á síðustu misserum var ekki í takt við annað verðlag í landinu. Þannig mældisr verðbólgan mun hærri og eðlileg viðbrögð Seðlabanka því að hækka stýrivexti og/eða auka bindiskyldu viðskiptabankana í seðlabankanum. Þannig lyggur næringarrík rót í pitt vitlausrar vísitölu neysluverð - íbúðir eru ekki neysluvara. Eftirleikurinn er síðan sá sem þú lýsir vel. Góða helgi - ev

[Haukur Nikulásson, 5.10.2008 kl. 01:38]

Þetta er rétt Einar. Undanfarinn var að sjálfsögðu offramboð á lánum sem umfram allt annað ýttu húsnæðisverðinu upp í tóma vitleysu og komu inn í verðbólgumælinguna eins og þú lýsir. Viðbrögð Seðlabankans voru allan tímann röng.

[Björn Heiðdal, 5.10.2008 kl. 04:29]

Til hamingju Ísland og muna svo, X-D.

[Sigurður Þórðarson, 5.10.2008 kl. 09:05]

Nokkuð til í þessu