Ingibjörg Sólrún hefur misst raunveruleikaskyn í tómum pirringi

Mér finnst eiginlega sorglegt hvað mér finnst Solla ítrekað vera í vörn vegna mála sem ættu að vera sjálfsögð og auðveld úrlausnarefni.

Þetta hugsunarleysi utanríkisráðherrans gagnvart kínverjum er fleirum en Jóni Gunnarssyni skiljanlega mikið undrunarefni. En þetta er ekki eina dæmið um vandræðagang hennar.

Hún skælir mikinn vegna þess að rekið sé á eftir henni með afnám eftirlaunafrumvarpsins illræmda, sem næstum allir nema Birgir Ármannsson viðurkenna að er holdgervingur græðgisvæðingar hjá þingmönnum. Solla er pirruð vegna málsins bæði í fjölmiðlum og á þinginu. Ég leyfi mér að segja að Samfylkingin (óverðskuldað) fékk atkvæði mitt í síðustu kosningum, ekki síst, vegna þess loforðs að færa þetta sannkallaða skítamál í eðlilegra horf.

Þær röksemdir að afnám eftirlaunafrumvarpsins sé brot á eignaréttarákvæði stjórnarskrárinnar er algjört yfirklór og auðhrekjanlegt. Lög sem sett eru með svona ákvæðum eru siðferðilega réttlaus og það á því að láta þá sem ætla krefjast þessara eftirlauna gera það fyrir dómstólum. Dómarar geta hiklaust vísað til þess að þessar eftirlaunakröfur stangist á við jafnréttisákvæði stjórnarskrárinnar. Hvað svo sem Solla vill gera í málinu þá er það dautt á þessu þingi, íhaldið mun sjá til þess. 

Solla getur því haldið áfram uppteknum hætti að eyða tíma sínum í að tryggja áframhaldandi milljarðasukk í utanríkis-, varnar- og NATOmálum.

Ísland velji ekki hernaðarverkefni

Athugasemdir

[Þorsteinn Valur Baldvinsson, 16.5.2008 kl. 09:06]

Sé ekki betur en Solla sé fallin gyðja af stalli

[Skaz, 16.5.2008 kl. 09:25]

Hvað með peningasvartholið sem Ríkislögreglustjóri er? Ætli Varnamálin hefðu verið betur komin hjá Birni "Rambó" heldur en Sollu?

Samt sammála um eftirlaunin, bara drífa þetta af. Rífa þenna plástur hratt og ákveðið af.