Getur verið að nöldur og tuð virki þegar allt kemur til alls?

Hún átti enga leið út úr þessu dæmi. Fréttastofa Stöðvar 2 hefur beitt hana svo miklum þrýstingi að hún verður að leysa þetta mál fyrir þinglok annars missir hún gjörsamlega allan trúverðugleika sem stjórnmálamaður.

Pirringur hennar yfir hinum sífelldu áminningum Stöðvar 2 var ljós öllum, ég veit satt að segja ekki hver hefði átt að geta staðið gegn svona stöðugu einelti vegna málsins.

Ég vildi að fréttastofur landsins gætu leiðrétt fleiri óréttismál með sams konar hætti: Þjófnaðinn á varnarsvæðinu, rugluðum fjárveitingum til utanríkis- og varnarmála, kirkjunnar, landbúnaðar..... ok ok ég farinn að tuða aftur. 

En þegar allt er á botninn hvolft þá er líklegt að síendurtekið tuð og nöldur veki fólk á endanum til að samþykkja breytingar á tímaskekkjum í rekstri samfélagsins.

Eftirlaunalög Alþingis verða felld úr gildi

Athugasemdir

[Þorsteinn Valur Baldvinsson, 11.5.2008 kl. 22:55]

Efast stórlega um að Alþingi samþykki þetta

[Sverrir Einarsson, 12.5.2008 kl. 08:17]

Sérðu ekki hvað þetta er opið (til að þurfa ekki að standa við það) "víðtæk sátt"

"jafnvel fyrir vorið".

Þetta er allt til að friða landann (og stöð2).

Farinn að kaupa mér hatt til að geta étið hatt minn ef þetta verður samþykkt fyrr en rétt fyrir lok kjörtímabilsins.

Eigið svo góðann eftirlaunadag. 

[Ásthildur Cesil Þórðardóttir, 12.5.2008 kl. 09:19]

Jæja þá verður bara byrjað að tuða aftur.  En við skulum vona það besta.

[Haraldur Haraldsson, 14.5.2008 kl. 16:35]

Við eigum öll að tuða,þetta er réttlætismál,allir við sama borð ,með lífeyrir!!!!/ Kveðja /Halli gamli