Kennið Sóleyju prósentureikning

Ég er sammála því að refsingar vegna brota af þessu tagi eru til skammar.

Ég hef ekki haft mikið álit á Sóleyju Tómasdóttur og hennar málflutningi en ég skal deila með henni andúð á útgjöldum til öryggis- og varnarmála. Sem ritari stjórnmálaflokks er hún hins vegar grátlega illa að sér í prósentureikningi sbr. þessa klausu í bloggfærslu hjá sér. Þar sem hún gefur ekki kost á athugasemdum þarf að koma þessu óbeint til hennar. Þar sem málflutningur hennar gengur út á hátt hlutfall þarf hún að gæta betur að sér, því hér verður henni á að tífalda hlutina.

Sóley segir:  

"Á Íslandi eru líkurnar á stríði og hryðjuverkum hverfandi. Árið 2005* komu 283 konur í Kvennaathvarfið. Þessar 283 konur eru bara þær konur sem ekki hafa átt í önnur hús að venda þegar ástandið vegna ofbeldis af hálfu maka var orðið óbærilegt. Þessar 283 konur eru næstum 1% þjóðarinnar og 2% lifandi kvenna.

Ég velti því fyrir mér hvort ríkisstjórnin sé með á nótunum þegar svo stórt hlutfall þjóðarinnar býr við stöðuga ógn um ofbeldi af hálfu maka. Getur verið að öryggis- og varnarmál væru skilgreind með öðrum hætti ef konur hefðu greiðari aðgang að hinu þrískipta ríkisvaldi okkar Íslendinga?"

Hér er um að ræða nálega 1 promille sem er þá einn þúsundasti í stað einn hundraðasti. Stjórnmálamaður sem ætlar sér að starfa við að útdeila fé almennings mætti hafa stærðfræðina aðeins betur á hreinu. 

Skilorðsbundið fangelsi fyrir árás á eiginkonu

Athugasemdir

[Ásthildur Cesil Þórðardóttir, 4.3.2008 kl. 09:38]

Afi minn sagði einhverntíman að hjá kommúnistum helgaði tilgengurinn meðalið, hann var að tala um Alþýðubandalagið.  Mér finnst gæta þess enn þann dag í dag hjá þeim sumum, alls ekki öllum, en þeir eru til innan raða Vinstri grænna sem vilja heldur hafa það sem hljómar betur í þeirra eyrum, en að hafa sannleikann að leiðarljósi.  Synd, því að mörgu leyti eiga þeir erindi í stjórnmálaumræðuna. 

[Haukur Nikulásson, 4.3.2008 kl. 10:08]

Ég held, Cesil, að Sóleyju hafi orðið á mistök frekar en að hún sé viljandi að skreyta umræðuna sína. Við getum öll dottið í svona mistök, en þau eru vönd ef þeim er ætlað að vera grunnur umræðunnar.