Upptaka evru þarf hvorki að þýða ESB aðild né sjálfstæðisafsal

Mér finnast það óskiljanlegar úrtölur að íslendingar geti ekki tekið upp annan gjaldmiðil en krónuna án inngöngu í ESB.

Fjöldamörg smáríki í heiminum eru ekki með eigin gjaldmiðil og halda sínu sjálfstæði þrátt fyrir það. Manni sýnist að enn séu öfl á Íslandi sem vilji halda okkur í hreinni tímaskekkju og ekki bara í sambandi við gjaldmiðilinn.

Það er líka tímabært að losa okkur út úr því ófrelsi og heimsmetsokri sem felst í dýrvitlausri landbúnaðarstyrkjastefnu, ofurtollum, vörugjöldum og öðru sem hindrar að íslendingar taki alvöru forystu í viðskiptafrelsi í heiminum.

Stærstu mistökin yrðu samt þau að ganga samhliða í ESB og tapa þar með sjálfstæðinu sem var svo torfengið eftir margra alda baráttu.

Hægfara evruvæðing skaðleg

Athugasemdir

[Guðbjörn Jónsson, 13.2.2008 kl. 21:45]

Haukur!  Mér sýnist þú vera að ætlast til að lagðar verði af flesta lífæðar Sjálfstæðisflokksins.  Þú ert ekkert að ráðast á kotbýlin, enda lítið þar að hafa.

Vandamál okkar hefur lengi verið að þjóðina vantar góða stjórnendur fyrirtækja. Ef við hefðum góða stjórnendur fyrirtækja, væri ekki svona mikil átök í sambandi við gjaldmiðilinn. 

Þegar við áttum okkur á því að það er ekki pappírnum að kenna þó manni líki ekki bréfið sem maður fær, þá erum við að nálgast skilning á því hvers vegna verðlag er eins og það er hjá okkur.

Vonandi náum við því áður en við glötum sjálfstæði okkar. 

[Ingvar Valgeirsson, 14.2.2008 kl. 14:11]

Sjá forsíðu Fréttablaðsins í dag, vhar Jürgen Stark, stjórnarmaður í Evrópska seðlabankanum, fjallar um einhliða upptöku Evru. Hann segir t.d. : "Seðlabanki Evrópu er á móti einhliða upptöku Evru og mun ekki styðja við slíkt. Þá hefur þessi afstaða líka verið staðfest af sjálfu Evrópusambandinu".

Sumsé, það er verið að reyna allt til að þvinga lönd til að ganga í sambandið.

Hinsvegar er vitað að Bandaríkin hafa ekkert á móti því að önnur lönd noti Bandaríkjadali sem gjaldmiðil. Möguleiki?

[Haukur Nikulásson, 14.2.2008 kl. 15:46]

Við vorum einmitt að ræða þetta í dag hvernig ESB reynir að þvinga okkur til fylgislags með ýmist alls kyns duldum hótunum og/eða fagurgala.

[Ingvar Valgeirsson, 16.2.2008 kl. 17:59]

Mér hefur sýnst að Norðmenn hafi það ágætt án aðildar. Annars er jú vitað mál að okkur verður troðið þarna inn á endanum - ef kosið verður um málið hérlendis og aðild hafnað verður bara kosið aftur nokkrum árum seinna þangað til aðild verður samþykkt - þá verður aldrei kosið aftur.