Ég hélt að Solla væri búin að leysa vandamálin þarna

Ég veit ekki betur en að Solla sé búin að finna lausnina á vandamálunum fyrir botni miðjarðarhafs. Var hún ekki í heimsókn þarna um daginn til að kynna sér málin og leggja til lausnirnar?

Eftir mikla frægðarför til ísraels og Palestínu um daginn finnst mér að hún eigi að skjótast til Íraks og leysa málin þar og taka síðan kjarnorkuvopnadraumana ráðamanna í Íran og eyða þeim bara sem aukanúmeri. Það er fátt sem Solla ræður ekki við ef hún leggur sig fram.

Það er gott til þess að vita að utanríkisráðuneytið fari vel með þessa örfáu milljarða sem þau fá til að leysa þessi smámál annarsstaðar í heiminum.

Ingibjörg Sólrún ræddi málefni Mið-Austurlanda við Solana

Athugasemdir

[Fossvoxari (IP-tala skráð) 19.9.2007 kl. 13:38]

Ekki gleyma að hún er komin með nýjan Special Envoy for Global Health þarna á Rauðarárstíginn. Skil samt ekki alveg af hverju hún sýnir engan áhuga á að leysa þetta hvirfilbyljavandamál þarna suður í Karíbahafi.

[Hans (IP-tala skráð) 19.9.2007 kl. 14:02]

Ég skil nú ekki hvað Ingibjörg að eyða tíma og peningum skattborgara í mál Ísraela og Palestínumanna. Hvað veit hún um þau mál eða þá fólk innan utanríkisþjónustunnar? Eru t.d. einhverjir sérfræðingar í málefnum þessa heimshluta í vinnu hjá utanríkisþjónustunni? Héld að hún ætti að sjá að sér og eyða tíma sínum og orku í mál sem snerta hag íslensku þjóðarinnar. Þetta er í sjáflu sér algjör brandari - er viss um að Ísraelar og palestínumenn liggja í krampakasti af hlátri. Ingibjörg að leysa þeirra mál.  Ykkur getur ekki verið alvara!!!

Hans