Á að koma Davíðssyni vel fyrir áður en þeir verða áhrifalausir?

Völva Vikunnar spáði því um síðustu áramót að gerð yrði tilraun til að koma Þorsteini Davíðssyni (Oddssonar) að sem dómara við hæstarétt. Nú sýnist manni að Björn Bjarnason ætli að klára það mál áður en hann hættir sem ráðherra. Flestir telja að Björn fái bara tvö ár í ráðherrastólnum. Björn er náttúrulega skuldbundinn sínum gamla leiðtoga og nú verður fróðlegt að fylgjast með málunum. Ég reyndar trúi því varla að Björn reyni þessa vitleysu.

Það hefur ekki vafist fyrir sumum mönnum hingað til að vísa vinum og vandamönnum í betri sæti þjóðfelagsins.

Ég var að lesa Völvuspána fyrir árið 2007 og hef ekki mikið álit á því kjaftæði. Í öllum málum er hún með 50% líkur og mjög augljóst að þarna er um hreinar ágiskanir að ræða. Hvernig getur fólk ennþá lagt trúnað á þetta bull?

Hæstaréttardómari óskar lausnar frá embætti

Athugasemdir

[Friðjón R. Friðjónsson, 3.7.2007 kl. 14:16]

Haukur Nikulásson
Þetta er eitthvað svo ömurlegt komment hjá þér að það nær varla nokkurri átt. Hvað rekur þig til að draga Þorstein inn í þetta þegar þú sjálfur segir að völvuspár eru kjaftæði og ágiskanir?

Þorsteinn Davíðsson er mjög vel gefinn lögfræðingur sem þarf ekki láta koma sér fyrir, hann gæti vel endað í hæstarétti og það væri vel, en ég held að við verðum að bíða í nokkur ár eftir því.

1. 
   

[Friðjón R. Friðjónsson, 3.7.2007 kl. 15:26]

Við þyrftum einmitt að koma okkur upp sama kerfi og er í Svíþjóð, engar umsóknir, engar umsagnir, bara skipun. Dómsmálaráðherrann bendir á þann sem honum þykir bestur og fær hann. ef viðkomandi vill verða hæstaréttardómari á annað borð.

Í þessu máli vil ég endilega fara "sænsku leiðina".

[Brynjar (IP-tala skráð) 3.7.2007 kl. 16:36]

Friðjón, ég myndi nú halda að sænska aðferðin væri akkúrat til að ýta undir að vinum og pólitískum félögum sé skellt í sona stöður. Finnst það eiginlega bara blasa við.

[halkatla, 3.7.2007 kl. 16:55]

Haukur, alltaf flottur

[Haukur Nikulásson, 3.7.2007 kl. 18:12]

Friðjón, ég þarf ekki að minna þig á að núverandi flokksmenn þínir og fyrrverandi mínir hafa gert margt ýmist ömurlegt og fáranlegt. Það má kannski segja að með þessu "ömurlega" kommenti mínu sé ég að reyna af veikum mætti að reyna að koma í veg fyrir að Björn láti sér detta þessa vitleysu í hug. Björn á það hins vegar til að forherðast í vitleysum eins og við hin gerum líka þegar svo ber undir.

Ég veit ekkert hversu gamall Þorsteinn er. Hefði ég talið verulega hættu á þessu hefði ég verið búinn að tékka á því