Hversu stór er Bubbi í íslensku tónlistarlífi?

Ég er einn þeirra sem hafa lagt því lið að setja texta og hljóma inn á söngtextasíðu Davíðs (www.midja.is/david/textar). Þetta er allt saman ólaunað sjálfboðaliðastarf hjá Davíð og okkur hinum sem fleygjum inn efni á síðuna hans.

Haldið hefur verið utan um vinsældir innsendra laga á vefnum og þá verður manni ljóst hversu gríðarleg áhrif Bubbi Morthens hefur haft í tónlistarlíf íslendinga frá árinu 1978. Af 20 mest sóttu lögum á söngtextasíðunni á Bubbi hvorki meira né minna en sjö þeirra: Listinn lítur reyndar núna svona út:

1. Rómeó og Júlía: Bubbi Morthens
2. Afgan: Bubbi Morthens
3. Ást: Ragnheiður Gröndal
4. Rangur maður: Sólstrandargæjarnir
5. Með þér: Bubbi Morthens
6. Fjöllin hafa vakað: Bubbi Morthens
7. Nína: Stefán Hilmarsson og Eyjólfur Kristjánsson
8. Hallelujah: Jeff Buckley
9. Stál og hnífur: Bubbi Morthens
10. Traustur vinur: Upplyfting
11. Barfly: Jeff who?
12. Líf: Sálin hans Jóns míns
    
13. Til hamingju Ísland: Silvía Nótt
14. Stúlkan sem starir á hafið: Bubbi Morthens
15. Hotel California: The Eagles
16. Creep: Radiohead
17. When I think of angels: KK
18. Hjálpum þeim: Landsliðið
19. Hvar sem ég fer: Á móti sól
20. Aldrei fór ég suður: Bubbi Morthens

Þetta er ekki vinsælustu lög á Íslandi. Þetta eru vinsælustu lögin sem gítarspilararnir sækja á söngtextasíðu Davíðs. Þar eru þúsundir heimsókna á hverjum degi og því er það vel marktækt hvernig smekkur glamrara er.

Athugasemdir

[Tómas Þóroddsson, 8.4.2007 kl. 22:16]

Davíð er frændi minn

[Lára Stefánsdóttir, 8.4.2007 kl. 22:20]

Aha, og eiga menn að kjósa hann til þess að setja lög í landinu af því hann semur svo góð lög til að syngja?

[Ingvar Valgeirsson, 8.4.2007 kl. 22:30]

Það er ekki við hæfi að syngja landslög...

[Sverrir Einarsson, 9.4.2007 kl. 00:21]

Ekki það að ég sé að rengja þessar tölur en er einhver samnefnari á milli heimsóknar á síðu og sóttra texta/laga?.

[Haukur Nikulásson, 9.4.2007 kl. 08:59]

Fyrirgefið en líklega er hið rétta að þetta séu hundruð heimsókna og þúsundir laga. Ég sá á teljaranum sem er neðst á síðunni að heimsóknir væru 500-600 sjálfstæðar IP-tölur á dag og fjöldi sóttra laga líklega 2500-3000 á dag. Það myndi segja að hver notandi sækti 5-6 lög á dag.

[Ásthildur Cesil Þórðardóttir, 9.4.2007 kl. 10:58]

Æ mér finnst hann frekar ofmetinn. 

[Haukur Nikulásson, 9.4.2007 kl. 11:28]

Ásthildur, það hafa ALLIR skoðun á Bubba.

[Svartinaggur, 9.4.2007 kl. 11:50]

Tja... ég hef nú sosum enga sérstaka skoðun á'onum.

[Haukur Nikulásson, 10.4.2007 kl. 12:29]

Gat nú skeð Svartinaggur að þú þyrftir að sjá til þess að ég hefði örugglega rangt fyrir mér. Ég verð víst að kyngja því hér og nú!