Enn einn sendiboðinn tekinn úr snörunni - Gott!

Svei mér þá ef Skúli Eggert hafi ekki bara vaxið í áliti hjá mér sem var svo sem ágætt fyrir. Það eru ekki margir opinberir embættismenn sem kunna að biðja fólk afsökunar. Öll eigum við rétt á gera mistök og þess vegna er mjög gott að geta beðist afsökunar.

Ég gleðst líka fyrir hönd Jóns Jósefs að þurfa ekki að hanga í snörunni með þetta mál. Hann er að vinna þarft verk því vöndlarnir sem auðmennirnir eru búnir að vinda upp eru mjög flóknir að rekja til baka.

Vonandi fara menn að taka upp handjárnin fyrir þá sem raunverulega eiga þau skilið og ekki mikið seinna en strax. Ég hef þó enga trú á því að það verði gert í tíð þessarar ríkisstjórnar. Vinsamlegast afsannið mig í því efni sem fyrst! 

Ríkisskattstjóri biðst afsökunar

Athugasemdir

[Gísli Gunnlaugsson (IP-tala skráð) 20.9.2009 kl. 11:02]

Ég óttast að þeir sem eru með handjárnin í vasanum, eigi að vera með þau á höndunum.

[Reinhard Reynisson (IP-tala skráð) 20.9.2009 kl. 11:06]

Já þetta er hið besta mál og vonandi bara hluti af því ferli að tekið verði á þeim sem ábyrgð bera á þeim ósköpum sem hér gengu á. Sú ríkisstjórn sem nú situr er okkar eina von í því. Komist hrunaflokkarnir að stjórn landsins á ný getum við endanlega gleymt því að málin verði upplýst.

[Jakobína Ingunn Ólafsdóttir, 20.9.2009 kl. 11:49]

Ágæt niðurstaða í þessu máli.

[Ásthildur Cesil Þórðardóttir, 21.9.2009 kl. 09:27]

Já vissulega er það gott mál að skattstjórinn baðst afsökunar.  En spáið í hvort hann hefði gert það ef hann hefði ekki fundið það, að svona þöggun er ekki liðin af fólkinu í landinu.  Ennþá einusinni er vörðuð braut fyrir okkur um að standa saman um að láta óánægju okkar í ljós.  Því eins og einn ágætur maður sagði hér á blogginu, hvað sem segja má um núverandi stjórnvöld, þá hafa þau það samt sem áður framyfir fyrrverandi að þau hlusta á almenning.  Það er gott að vita að ef við höfum nógu hátt, þá heyra stjórnvöld og kippa í spotta, því mér dettur ekki í hug annað en hér hafi verið kippt í spotta.