Verður Icesave samþykkt í tómri vitleysu vegna þingmannaþreytu?

Sú kjaftasaga hefur gengið (sönn eða login) að Svavar Gestsson hafi keyrt Icesave samninginn í gegn vegna þess að "hann hafi ekki nennt að hafa þetta helvíti hangandi yfir sér lengur".

Önnur kjaftasaga segir að bresku samningamönnunum hafi líkað sérlega vel við "that jolly fellow mr. Gestsson". Það væri þá ekki skýringin að okkar menn hafi verið sérlega "liprir" í samningagerðinni vegna þreytu?

Nú virðist blasa við að þingmenn verði bara þreyttir eins og laxar til að láta þá gefast upp fyrir Icesave þrýstingi Jógríms og það hugnast manni ekki. 

Það er ófyrirgefanlegt að kasta til höndum í þessu máli vegna þess að nokkrir einstaklingar séu orðnir þreyttir. Sérlega þeir sem máttu vita löngu fyrirfram að mjög erfið verkefni biðu þeirra.

Sátt að nást um Icesave

Athugasemdir

[Haraldur Hansson, 14.8.2009 kl. 10:29]

Ég man ekki betur en að það hafi verið Svavar sjálfur sem sagði að hann "nennti þessu ekki lengur" í blaðaviðtali. Svo ekki er það kjaftasaga.

Annars er sorglegt hvernig margir stilla þessu upp eins og keppni á milli stjórnar og stjórnarandstöðu. Þess vegna passar samlíking þín við að þreyta laxinn, því miður.

[Ingvar Valgeirsson, 19.8.2009 kl. 15:44]

Þeir voru bara æstir að komast í sumarfrí - þessvegna á að leggja endanlega af sumarfrí þingmanna, þeir annaðhvort samþykkja Icesave eða henda út af borðinu frumvarpi um að selja áfengi í kjörbúðum þegar þeir vilja komast í frí.