Óheiðarleiki neyðarlaganna mun endalaust bíta í afturenda íslendinga

Neyðarlögin voru taugaveikluð og flaustursleg mistök foringja stjórnarflokkanna og studd með vanþekkingu stjornarandstöðunnar á þingi sem blekkt var til hlýðni í nafni þjóðarnauðsynjar í hruninu.

Neyðarlögin afnámu alla góða viðskiptahætti og farið var með bankana í kennitöluflakk eins og löngum var þekkt meðal veitingahúsa í vandræðum þ.e. hirða eignirnar og fleygja skuldunum og halda áfram eins og ekkert hefði í skorist. Þessi verknaður er fyrst og fremst orsökin fyrir vantrausti erlendra ríkja. Neyðarlögin voru hreinn og klár þjófnaður.

Til þess að endurvinna traust er verið að búa til plástur fyrir útlendingana og það mun aldrei komast á nein vitleg niðurstaða í það mál. Ástæðan er sú að með neyðarlögunum brást íslenska ríkið öllum góðum siðvenjum varðandi þetta gjaldþrot bankanna. Eðlilegt hefði verið að bankarnir hefðu farið í gjaldþrot og skipaðir hefðu verið hefðbundnir skiptastjórar með hæfu starfsfólki sem hefði vel getað rekið bankana áfram. Óheiðarleikinn var ekki nauðsynlegur hvað svo sem ráðandi flokkar halda fram. Hér kom berlega í ljós hversu ónýtir flestir þingmennirnir voru á neyðarstundu.

Vegna neyðarlaganna verður úrlausnarefnið endalaus þvæla, það er nefnilega hægt að klúðra málum svo gersamlega að nánast ógerlegt er að leysa úr málunum af sanngirni í framhaldinu.

Erlendir kröfuhafar eignist hlut í bönkunum

Athugasemdir

[Andri Geir Arinbjarnarson, 27.3.2009 kl. 14:03]

gott innlegg.  það væri fróðlegt að vita hversu miklu hærri vaxtakostnaður Íslands verður í framtíðinni vegna neyðarlaganna. 

[Kristján P. Gudmundsson, 27.3.2009 kl. 18:22]

Gott hjá þér, Haukur.Stjórnmálamennirnir brugðust okkur á ögurstund. Svo er dapurlegt til þess að vita, að VG eru litlu skárri. Ég held, að ég sitji heima í komandi kosningum.

Með góðri kveðju, KPG.

[Haraldur Haraldsson, 28.3.2009 kl. 00:17]

Haukur komdu með aðra laustn betri!!!/Halli gamli