Vonlaus ríkisstjórn líka

Mér finnst það klúður að spyrja ekki um tengslinn á milli neyðarlaganna okkar og hryðjuverkalaga breta sem sett voru daginn eftir. Af hverju spyrja blaðamenn ekki réttu spurninganna? 

Það ber allt að sama brunni hjá þessari ríkisstjórn. Eftir allan gorgeirinn setur hún skottið niður og flýr af hólmi. Það eru endalausar uppsprettur hjá þeim að rökstyðja aumingjaganginn og ennþá er ekkert fararsnið á stjórninni.

Það jaðrar við að stjórnmálamenn þurfi helst að fremja fjöldamorð í beinni sjónvarpsútsendingu til að maður hafi minnstu von um að þeir verði settir af.

Miðað við frammistöðu undanfarinna mánaða kemur þetta held ég engum á óvart.

 

Vonlaust dómsmál gegn Bretum

Athugasemdir

[Sigurjón, 6.1.2009 kl. 15:54]

Blessaður Haukur og gleðilegt ár!

Ég hélt að Bretar hefðu ekki sett þessi lög daginn eftir að Alþingi samþykkti neyðarlögin hér, heldur einfaldlega beitti þeim á Landsbankann.  Ég get ekki séð að íslenzka ríkið hafi verið beitt hryðjuverkalögum og líklega er það ástæðan fyrir því að ríkið höfðar ekki mál á hendur brezka ríkinu.  Hins vegar er ég sammála því að þessi (ó)stjórn má víkja og það sem fyrst.

Ég ætla að skora á þig að stofna stjórnmálaflokkinn sem þú varst að velta fyrir þér og bjóða fram.  Þú fengir alla vega mitt atkvæði, svo mikið er vízt...

Skál!

[Haukur Nikulásson, 6.1.2009 kl. 17:33]

Sömuleiðs gleðilegt ár Sjonni og takk fyrir umræðurnar á gamla árinu.

Ég er náttúrulega búinn að stofna flokkinn, hann er bara í dvala. Það er síðan spurning hverja maður fær með sér í dæmið þegar það er tímabært. Ef þú kíkir á elstu færslurnar þá eru drög að málefnaskrá og ýmislegt annað þar að finna.

Takk fyrir traustið.