What a wonderful world - Louis Armstrong

Það verður ekki sagt að Louis Armstrong hafi sungið eins og engill. Fyrirfram myndirðu ekki láta þennan mann gera neitt annað en það sem hann var frægur fyrir og það var jazztrompetleikur í hæsta klassa. Þetta lag eftir Bob Thiele kom út árið 1968 og fór í fyrsta sæti breska listans, hvort sem um var að kenna eða þakka hinni ótrúlega grófu, en á sinn hátt sjarmerandi, rödd gamla trompetleikarans sem kallaður var Satcmo eða Pops. Hann var elsti listamaðurinn sem fór á topp breska listans þá 66 ára.

Eftir vinnusama helgi fyrir suma og annasama fyrir aðra er þetta lag ágæt afslöppun síðkvölds á sunnudegi.  

Athugasemdir

[Ingvar Valgeirsson, 22.12.2008 kl. 22:05]

Frábært lag. Samt er ég hrifnari af We have all the time in the world, svona fyrir minn hatt.