Össur brást trúnaði ríkisstjórnar - þar með er hún endanlega ónýt

Össur veit fullkomlega að það á að ríkja trúnaður á ríkisstjórnarfundum. Þetta hefur maður vitað í nokkur ár.

Ég lít svo á að Össur hafi brotið þarna grundvallarreglu sem ekki verði bakkað út úr. Nú getur hann ekki leyft sér að bregða fyrir sig trúnaðarskyldu við ríkisstjórn þegar hann er spurður. Hann verður aldrei trúverðugur hér eftir með að velja frá hverju má kjafta og hverju ekki.

Hér skiptir engu máli hvort maður er ánægður eða ekki með þessa uppljóstrun Össurar, trúnaðurinn fæst ekki aftur innan þessarar ríkisstjórnar.

Sitji stjórnin ennþá eftir þetta má af því ráða hversu prinsipp-laust þetta fólk er. Þá er þeim orðið allt leyfilegt. 

Bókunin frá Össuri komin

Athugasemdir

[Páll Geir Bjarnason, 8.12.2008 kl. 02:48]

Trúnaður virkar ekki þannig væni. Hann þarf ekki að virða trúnað við sjálfan sig. Þetta er hans bókun og hann má því greina frá henni. Það væri annað mál ef hann væri að gaspra um bókanir og málflutning annarra af ríkisstjórnarfundum. Trúnaður er settur til að vernda 3ja aðila, og er ekki hugsaður á þann veg að gera "leynifélag" og "leyndófundi" hjá ríkisstjórn.

[Haukur Nikulásson, 8.12.2008 kl. 10:46]

Í þessu tilviki skulum við vera ósammála Páll. Ég tel að við eigum eftir að heyra meira af þessu tiltekna upphlaupi Össurar. Ég gæti ekki unnið með þessum manni þó að ég sé sammála afstöðu hans til Davíðs. Svona vinna menn ekki þó málstaðurinn sé góður.