Ísland ER gjaldþrota og stjórnin gæti fallið í dag

Það þarf ekki að fara í neinar grafgötur með þetta. Ísland á ekki þá a.m.k. 10.000 milljarða sem það skuldar í gegnum bankakerfið. Hér eftir er bara um það eitt að ræða að sætta sig við orðinn hlut í þeim efnum og byrja bara upp á nýtt.

Að auki er kominn tími á að skipta út stjórninni, hún var hvort eð er bara fær um að eyða lánsfénu og sukka með bönkunum.

Ég tel það alveg kýrskýrt í mínum huga að ef IMF hafnar því að ganga frá láninu í dag til Íslands þá er ríkisstjórnin fallin. Þá er ekkert í spilunum nema utanþingsstjórn eða í versta falli blönduð þjóðstjórn á meðan málunum er komið í gang að nýju. 

Mörg fyrirtæki eru tæknilega gjaldþrota

Athugasemdir

[Ævar Rafn Kjartansson, 10.11.2008 kl. 11:55]

Sammála þessu. Það er meira að segja brostinn á flótti hjá mörgum Sjálfstæðismönnum hér á blogginu þannig að það er sennilega ekki lengur neitt ægivald sem þeir hafa yfir flokksmönnum.

Utanþingsstjórn er krafan! Stjórnmálaflokkarnir eru allir sekir!

 Andra Snæ Magnason sem forsætisráðherra!

[Helgi Hrafn Gunnarsson (IP-tala skráð) 10.11.2008 kl. 12:24]

Ég held að þetta sé rangt hjá þér. Ég held líka að IMF hafni láninu, en ég held ekki að ríkisstjórnin fari neitt. Ennfremur held ég að Íslendingar munu mótmæla því harðlega að hún sitji áfram, en að hún geri það nú bara samt.