Jæja, Geir Haarde, er það bara GAMLI Glitnir sem verður í vanskilum?

Í dag er loksins komið að greiðsludeginum sem Glitnismenn voru að reyna að bjarga. Í stað þess að hjálpa þeim afgreiddi Seðlabankinn þá með gjaldþroti og niðurlægingu á fjórum dögum. Ég tel að sagan muni setja þetta upp sem mestu fjármálamistök Íslandssögunnar.

Það er nokkuð ljóst held ég að íslendingar hefðu frekar viljað þá stöðu í dag að Glitnir hefði fengið þessa peninga og að landið í heild sinni hefði fengið við það ráðrúm til að eiga við alþjóðlega sjúkdóminn sem felst í lánakreppunni.

Þess í stað urðum við fyrsti sjúklingurinn í heiminum sem dó og það má þakka óðagoti bankastjórnar Seðlabankans og "ábyrgra" aðila í ríkisstjórn. 

Örlagaríkt lán á gjalddaga

Athugasemdir

[Rakel Sigurgeirsdóttir, 15.10.2008 kl. 17:57]

Mín skynsemi segir að þetta sé nákvæmlega málið! Þess vegna get ég ekki sætt mig við það að Davíð Oddsson fái að sitja óáreittur í sínum stóli. Það dapurlegasta er að þetta reyndust ekki einu mistökin sem hann gerði eftir að hann hrinti öllu af stað. Það er þess vegna eðlilegt að maður velti því fyrir sér hvers vegna í ósköpunum Sjálfstæðisflokkurinn og langlestir fylgjendur hans eru svona meðvirkir. Þeir gagna jafnvel svo langt að lýsa yfir fullum stuðningi sínum og trausti á honum

[Ásgrímur Hartmannsson, 15.10.2008 kl. 21:11]

Maðurinn hefur rétt fyrir sér -

En stjórnmálaflokkar á Íslandi eru eiginlega költ frekar en einhver hagsmunasamtök þjóðarinnar (eins og þeir eiga að vera), fólk trúir á Sjáflstæðisflokkinn, Framsókn, VG og allt þetta.  Eins og Guði.

Það er vandamál.