Það er svona móðursýki sem býr til trúarbrögð

Mér sýnist vera færð fyrir því góð rök að Halldór eigi ekkert í þessum vísum. Og finnst það reyndar leiðinlegt fyrir skólabróður minn Halldór Guðmundsson, sem er með fróðari mönnum sem maður kynnist, að gera þau mistök að bera þetta fram svona. Halldóri er vorkunn því hann hefur gert sig að sérfræðingi í málum skáldsins. Hins vegar er það blaðamaður mbl.is sem tekur allan vafan af Halldóri og breytir þessu í stórfrétt um fyrstu verk skáldsins.

Manni verður nánast orðfall þegar maður sér þá kjánalegu og barnslegu lotningu sem sumir sýna Nóbelskáldinu að maður gæti ímyndað sér að nú eigi hreinlega að búa til ný trúarbrögð svo sterk eru viðbrögðin. Þrymur Sveinsson fellur djúpt í þá gryfju í athugasemd sinni.

Manni rennur í grun að trúarbrögð heimsins verði flest til með svona móðursýkislegri upphafningu einstaklinga sem kannski gerðu eitthvað svolítið merkilegt en er síðan blásið upp út í tóma vitleysu af hópi einfeldninga.

Ég fullyrði það að fæstar vísur sem settar voru í minningabækur fyrr á árum voru frumortar. Það vita næstum allir sem eru komnir til einhvers vits og ára. 

Elsti varðveitti kveðskapur Halldórs Laxness í póesíbók á Vegamótastíg

Athugasemdir

[Sigurður Þór Guðjónsson, 22.9.2008 kl. 09:53]

Halldór Guðmundssom var með þann fyrirvara að kannski væru þetta alþýðuvísur, EF þær væru það ekki væru þær eftir Halldór.  

[Haukur Nikulásson, 22.9.2008 kl. 11:15]

Ég er eiginlega viss um það, Sigurður, að Halldóri hafi ekki verið sérlega skemmt yfir frágangi blaðamannsins. Og enn síður þegar upplýsingarnar eru síðan jafn auðfundnar og raun ber vitni.