Íslenska krónan er ekki eini litli gjaldmiðillinn í heiminum

Ég hefði gaman af því að fá upplýsingar hvort Seðlabankinn hefði gert einhverja vitræna könnun á því hvort önnur lönd með smámynt eins og íslenska krónar er, séu í einhverjum sérstökum vandræðum með sýna gjaldmiðla.

Hér er listi yfir nokkur sjálfstæð ríki sem standa næst Íslandi í íbúafjölda og ensk heiti gjaldmiðla þeirra (heimild: www.wikipedia.com). Ég felldi niður þau lönd sem eru hluti af ESB eða ekki með fullt sjálfstæði.

Land                Íbúafjöldi        Gjaldmiðill

Macao               538.000      Macanese Patac

Cape Verde       530.000      Cape Verde Escudo

Solomon Isl.      507.000      Solomon Islands dollar

Suriname          507.000       Suriname dollar

Brunei              390.000        Brunei dollar

Bahamas          331.000        Bahamaian dollar

Ísland                   316.000           Ísl. króna

Maldive Isl.       306.000         Maldivian dollar

Barbados           294.000        Barbadian dollar

Belize                288.000        Belize dollar

 Hvernig standa þessir gjaldmiðlar í samanburði við íslensku krónuna?

Evruhugmynd ekki ný

Athugasemdir

[Óskar Þorkelsson, 14.7.2008 kl. 18:04]

..hluti af ESB eða ekki með fullt sjálfstæði .. þarna hló ég og skildi sneiðina Haukur   

[Haukur Nikulásson, 14.7.2008 kl. 20:21]

Óskar, þetta var ekki sneið og satt að segja veit ég ekki hvað þú sérð fyndið við þetta, enda getur fattarinn minn stundum staðið á sér!

Það sem ég átti við er að það hafði ekki tilgang að taka með Evrópusambandslönd eins og Luxemburg og Möltu inn í þetta dæmi. Þau eru með Evru. Einnig eru t.d. frönsk sjálfstjórnarsvæði á Kyrrahafi í þessum lista sem ekki hafa fullt sjálfstæði þó þau tilgreini annan gjaldmiðil en Evru en eru skv. uppl. Wikipediu að hluta á framfæri frönsku stjórnarinnar og því varla marktæk Óskar eða hvað?

Ég set þetta fram sem spurningu enda hef ég ekki hugmynd um hvernig þessum þjóðum gengur með lítinn gjaldmiðil sinn og er bara forvitinn um það.

[Haukur Nikulásson, 14.7.2008 kl. 20:24]

Því má bæta við hér að mér finndist hvað forvitnilegast að heyra um peningastjórn í eyríkjunum Bahama-eyjum, Barbados og Maldive-eyjum sem eru með mjög svipaðan íbúafjölda. Kannski getum við eitthvað lært af þeim og þeir af okkur?

[Óskar Þorkelsson, 14.7.2008 kl. 21:45]

öll þessi lönd eru háð US dollar vegna ferðamanna, annað er víst ekki um að ræða á þessum eyjum fyrir utan smá landbúnað.

[Ingvar Valgeirsson, 15.7.2008 kl. 21:38]

Eins og hjá okkur semsagt... háð Bandaríkjadal.

Því hefur verið haldið fram í ESB-umræðunni oftar en einu sinni að við séum fámennust þeirra þjóða sem á sinn eigin gjaldmiðil. Gott að sjá að það er rétt, en það er örugglega hvorki í fyrsta né síðasta skipti sem menn beita rangfæslum í umræðunni.

[Óskar Þorkelsson, 15.7.2008 kl. 22:09]

vá ingvar.. við erum semsagt í hópi með bananalýðveldum karíbahafsins og indlandshafs...  og það munaði ekki nema 20-30 þ manns.. og ég efast um að þessi ríki telji íbúana regluega eða nákvæmt.

[Haukur Nikulásson, 15.7.2008 kl. 22:46]

Því má bæta sjálfstæð smáríki á borð við San Marino (30 þús. íbúar er ekki í ESB, en notar samt Evru sem gjaldmiðil. Andorra (75 þús. íbúar) er með einhvers konar aukaaðild að ESB og notar Evru sem gjaldmiðil. Liechtenstein (35 þús. íbúar) eru í EFTA eins og Ísland en notar svissneskan franka (CHF) sem gjaldmiðil.

Mér er að verða óskiljanlegt hvers vegna því er haldið fram að við séum með smæstu mynteininguna í heiminum. Íbúar hins sjálfstæða Tuvalu í Kyrrahafi (12 þús. íbúar) eru með eigin Tuvaluan dollar sem líklega er bundinn við Ástralíudollar.

Mér sýnist að öll fjölmiðlaumræðu um gjaldmiðislmál íslendinga séu rekin á afar yfirborðskenndum forsendum og einföldunum sem notaðar eru til að plata Ísland inn í Evrópusambandið sem öllum ætti að vera ljóst að ESB vill endilega. Til þess er alls kyns bulli beitt eins og því hvort við getum notað Evru sem gjaldmiðil ef við kærum okkur um það. Ég hef lengi haldið því fram að við þurfum hreint ekkert að spyrja nokkurn kjaft að því hvaða eða hvers konar gjaldmiðil við viljum nota. Við einfaldlega ráðum því sjálf eins og flestu sem sjálfstæði ríki geta ráðið.

[Sigurjón, 16.7.2008 kl. 01:47]

Það vantar m.a. Vanuatu á þennan lista.  Þar búa 215.000 manns og nota sinn eigin gjaldmiðil, sem er ótengdur við aðra miðla (eftir því sem ég bezt veit).  Sjá hér.

[Haukur Nikulásson, 16.7.2008 kl. 08:07]

Sigurjón, listinn minn var ekkert tæmandi, ég tók bara nokkur ríki með svipaðan íbúafjölda og Ísland. Það er fjöldi ríkja með bæði færri og fleiri íbúa en við með sjálfstæða gjaldmiðla og þar með líka í svipaðri stöðu.

[Sigurjón, 16.7.2008 kl. 11:06]

Jamm.  Spurningin er hins vegar hvort ríkidæmi þessara ríkja sé í takt við okkur hér á landi.  Ég vil tengingu við evruna og ekkert múður með upptöku hennar eða inngöngu í ESB!