10 milljarðar dala - Ekki 10 milljónir dala - Hvernig væri að lesa og þýða rétt?

Ég trúði því ekki að verið væri að gera frétt úr svona smámunum svo ég athugaði sjálfur vef Reuters sem segir orðrétt: "The United States will pledge about $10 billion over around two years, U.S. Secretary of State Condoleezza Rice said as she flew to the Paris meeting."

Blaðamenn mbl.is eru ótrúlega seigir í gegnum tíðina að klúðra svona þýðingum út í tóma vitleysu. Er möguleiki á að fá starf þarna? 

 

(10.55 er búið að leiðrétta fréttina eftir ábendingu mína) 

Heita 10 milljörðum dala til afgönsku þjóðarinnar

Athugasemdir

[Berglind, 12.6.2008 kl. 07:29]

Já það er alveg ótrúleg þýðingin stundum hjá þessum miðli og hefur það oft komið til umtals í vinahópnum mínum, þar sem við kíkjum jafnan á ensku og dönsku þýðinguna hjá mbl.is og furðum okkur stundum á því hvernig þessi miðill getur leyft sér þvílík klúður... s.b. þetta dæmi hérna... enda væri þetta ekki fréttnæmt ef Bandaríkin ætluðu aðeins að gefa andvirði einnar stórar villu þar í landi til að hjálpa landinu sem var sprengt upp að hluta til að þeirra hálfu...

[Haukur Nikulásson, 12.6.2008 kl. 10:28]

Klukkan er núna 10.27 og ég stenst ekki mátið að senda pistilinn á ritstjórnina svo þeir geti leiðrétt þetta.

[Haukur Nikulásson, 12.6.2008 kl. 11:47]

10.55 fæ ég svarpóst um að þessi villa hafi verið leiðrétt. Reynsla mín af ritstjórn er alltaf sú að bregðast fljótt við ábendingum sem maður sendir.