Breyta þarf réttinum úr hringtorgum

Þegar maður ekur um hringtorg í Evrópu skynjar maður að það þarf að fara sérstaklega varlega um þau vegna þess að um þau gilda ekki sömu reglur og heima á Íslandi.

Reglan hjá okkur er sú að bifreið í innri hring á réttinn, en ekki í ytri hringnum eins og erlendis. Þetta stríðir á móti allsherjarreglunni varúð til hægri. Í hringtorginu gildir nefnilega varúð til vinstri og þetta er leiðinleg og alvarleg þversögn í okkar umferðarreglum.

Mér þætti gaman að heyra álit t.d. Sigurðar Helgasonar eða annarra málsmetandi manna hjá Umferðarstofu varðandi þetta mál.

Hvað veldur þessu ósamræmi? Varð þetta óvart eftir þegar hægri umferð var tekinn upp hér 1968?

Athugasemdir

[Óskar Þorkelsson, 1.4.2008 kl. 22:10]

reglan í hringtorgum hér og erlendis er eins.. allavega á norðurlöndum.

[Haukur Nikulásson, 1.4.2008 kl. 22:18]

Gæti verið á norðurlöndum Óskar og ekki ólíklegt að við hefðum étið upp einhvern sænskan ósóma. Á Spáni er þetta ekki svona og, að ég held, víðast í Evrópu.

[Óskar Þorkelsson, 1.4.2008 kl. 22:19]

spánverjar kunna ekki umferðarreglur :D  ég hef ekið í germaníu og þar sýndist mér okkar regla vera við lýði líka.

[Haukur Nikulásson, 1.4.2008 kl. 22:21]

Hvað finnst þér sjálfum Óskar?

[Ingvar Valgeirsson, 2.4.2008 kl. 10:18]

Held þetta hafi ekki verið tekið upp ´68 - voru einhver hringtorg þá? Hvað ertu annars á þessum þvælingi? Geturðu ekki bara verið heima hjá þér? :)

[Ingvar Valgeirsson, 2.4.2008 kl. 17:40]

Það minnir nú óeitanlega á European Vacation með Chevy Chase...

[Haukur Nikulásson, 2.4.2008 kl. 22:30]

Jú Ingvar, það voru hringtorg á gatnamótum Miklubrautar og Snorrabrautar og líka á mótum Hringbrautar og Suðurgötu að ég muni (Þú varst líklega ennþá með taubleyjuna þína á þessum tíma!).

Við erum að þvælast á Tenerife (hluti af Spáni) og lentum í vandræðum með þetta fyrsta daginn (óhappalaust sem betur fer) og ég upplifði þetta líka á Spáni í nóvember s.l. Mér finnst reyndar betra að rétturinn sé úr ytri hringnum af því að það viðheldur fullu samræmi við hægri regluna.