Gætum við fengið að heyra eitthvað íslenskt? (Upplýsingar óskast)

Við félagarnir ætlum að setja þetta lag á prógrammið okkar en vildum gjarnan fá upplýsingar um eitt eða tvo orð í textanum. Lagið heitir raunar Gamalt og gott (Gætum við fengið að heyra íslenskt - er upphaf viðlagsins sem allir þekkja).

Ég hef leitað að flytjandanum sem sagður er vera Danshljómsveit Hjalta Guðgeirs. Veit einhver hvaða hljómsveit þetta var? Leit í þjóðskrá eða garðinum (www.gardur.is) leiðir ekkert í ljós um neinn Hjalta Guðgeirsson.

Gaman væri að heyra í einhverjum sem lumar á vitneskju um þennan dularfulla flytjanda og getur upplýst okkur hvernig þetta skemmtilega lag kom til og hver er höfundur þess.

Athugasemdir

[Haukur Arnar Árnason, 15.3.2008 kl. 20:33]

Nú er ég ekki viss, en gæti verið að Hjalti Guðgeirsson hafi verið álíka raunverulegur og Eiríkur Fjalar ?

Á söngtextasíðu Snerpu er að finna texta við lagið og þar eru höfundar þess skráðir:

Ævar Rafnsson og Kári Waage

Á tonlist.is er að finna þessar upplýsingar : http://www.tonlist.is/Music/ViewBiography.aspx?AuthorID=3703

Textinn er annars hér: http://www.snerpa.is/?pageID=18&songID=274

[Haukur Nikulásson, 15.3.2008 kl. 21:01]

Takk kærlega fyrir þetta nafni. Textann var ég reyndar búinn að pikka upp úr upptöku lagsins. Þar kemur ekki skýrt fram síðasta orðið í lokaorðunum: "Milli fjallanna þar á ég heima ...." (giska á bless eða best eða eitthvað í þá áttina). Það þvælist fyrir okkur að vilja hafa lokaorðið rétt, þótt vitað sé að egninn tæki eftir því hvað  maður myndi skálda í eyðuna þarna - Ekki verður annað sagt en að það beri strax árangur að leita aðstoðar hérna.

[Einar Bragi Bragason., 16.3.2008 kl. 01:25]

söng kári þetta ekki sem var í tíbrá undir það síðasta......

[Haukur Nikulásson, 16.3.2008 kl. 09:37]

Mig grunar að það sé rétt hjá þér Einar. Nú þarf ég bara að ná í hann og fá það staðfest. Kári Waage er reyndar með bloggsíðu hérna, en hún virðist lítið notuð. Takk fyrir aðstoðina.