Af hverju eru forstjórarnir ekki reknir?

Mér þykir svo sem ekki undarlegt að verða enn og aftur vitni að því að forstjórar stórfyrirtækja séu í skipulagðri glæpastarfsemi. Þessi mál eru að koma upp aftur og aftur.

Það sem er hins vegar undarlegt er að þessir stjórnendur virðast aldrei axla neina ábyrgð. Af hverju eru þeir ekki reknir af stjórnum fyrirtækjanna með skömm og stóru skófari á afturendanum?

Skaði upp á hundruð milljóna eru margföld launin þeirra. Hvað eru stjórnir þessara fyrirtækja yfirleitt að hugsa? Til hvers eru þær? Er óskammfeilnin að verða svo mikil að það skipti engan neinu máli hvað menn gera í háum stöðum á Íslandi? Kjósendur kóróna svo vitleysuna með því jafnvel að kjósa dæmda þjófa á þing!

Er þessari þjóð viðbjargandi úr spillingarmálunum?

Viðurkenna ólöglegt samráð

Athugasemdir

[Jón Agnar Ólason, 11.1.2008 kl. 16:41]

Gildir einu hvort um ræðir toppstjórnendur eða stjórnmálamenn - hér á landi þarf aldrei nokkur maður að taka afleiðingum gerða sinna. Reyndar fór Árni Eyjapeyi hinn fingralangi í tuktið um sinn en hann er kominn aftur á þing, svo ekki galt hann sín brot svo dýru verði; gullfiskaminnugur almenningur fyrirgefur öllum krimmunum jafnharðan. Sorglegra en tárum taki.

[Sigurjón, 11.1.2008 kl. 21:38]

Alveg sammála þér Haukur.  Þetta er skandall og einhver á að taka ábyrgðina!