Má ég blogga undir heitinu GUÐ ALMÁTTUGUR?

Yfirleitt hef ég samþykkt þá sem óska eftir bloggvináttu en gerði undantekningu nýlega. Það var sjálfur Barack Obama sem óskaði eftir bloggvináttu. Einhvern tíma hefði ég verið upp með mér af svona heiðri en ég hef bara ekki trú á að frambjóðandinn sé sjálfur hér á ferðinni og hafnaði því beiðninni.

Ég skoðaði bloggsíðuna og sé að fjöldi fólks eru núna bloggvinir Baracks Obama, þar á meðal Jón Magnússon þingmaður sem nú nýtur þess heiðurs að forsetaframbjóðandinn setur þar inn athugasemd. Reyndar setti ég inn spaugathugasemd á bloggið hans Jóns sem hann hefur greinilega ekki smekk fyrir og felldi niður. Í staðinn er Barack Obama með glaðhlakkalega athugasemd um sigur sinn í forkosningum í Iowa og það meira að segja á ótrúlega góðri íslensku!

Nú þykist ég vita að Mogginn fjarlægir þá sem ljúga upp nöfnum eins og gerðist með þann sem hermdi eftir Sóleyju Tómasdóttur um daginn. Nú langar mig að spyrja hvort ekki sé núna kjörið að maður bloggi undir heitinu Guð Almáttugur ef hver sem er getur notað hvaða heiti sem er. Hver eru línurnar dregnar í þessu efni?

Get ég fengið að hafa Guð Almáttugur í friði þar til almættið sjálft gerir kröfu um að það yrði fjarlægt. Nú væri skemmtilegt að heyra álit Árna Matt eða einhvers umsjónarmanna www.blog.is. 

Athugasemdir

[Sigurður Þór Guðjónsson, 4.1.2008 kl. 17:38]

Segjum tveir. Obama vildi líka verða bloggvinur minn en ég veit ekkert hver þetta er. 

[Ingvar Valgeirsson, 4.1.2008 kl. 23:07]

Hef oft ýtt á "hafna", aðallega þegar einhverjir nafnleysingjar hreyta órökstuddum svívirðingum í nafngreinda einstaklinga. Einn bloggaranna varð svo sár að hann réðist á mig með skítkasti og skömmum á ónefndum írskum bar við Hafnarstrætið eitt kvöldið. Ég vissi náttúrulega ekkert hver þetta var fyrst í stað - ákaflega súrrealískt atriði. Þegar ég áttaði mig á hver var þar á ferð um það bil dó ég úr hlátri. Súrt.

[Haraldur Haraldsson, 5.1.2008 kl. 01:22]

þeir gleyma að hann heitir Barack Húsaein Obama/Kveðja Halli gamli