Gátu keypt frá sér óléttuleiðindin!

Dennis Quaid er af minni kynslóð og ég get einhvern vegin ekki öfundað hann af því að sturta sér í smábarnapakkann þegar því á að vera lokið ef allt er eðlilegt. Flestar konur eru hættar að eiga börn talsvert fyrir fimmtugt, en því er öðruvísi farið þegar menn yngja upp konurnar í eitthvað tuttugu árum yngra með bullandi eggjahljóði.

Mikið var það sniðugt hjá þeim að forða frúnni frá morgunógleði, fitusöfnun, bjúg, hugsanlegri meðgöngueitrun, hækkuðum blóðþrýstingi, bakverkjum og öðrum leiðindum sem mögulega fylgja svona óléttu. Að ég tala ekki um aukið álag vegna tvíbura.

Konan keypti sig sem sagt frá þeirri reynslu sem er endalaus uppspretta samræðna meðal mæðra og konugreyið kveikir ekki á því að hún verður líklega utanveltu meðal annarra mæðra sem upplifa sjálfar meðgönguna. Þegar frá líður er ég ekki endilega viss um að það hafi verið góð kaup í aðkeypta meðgönguhýslinum.

Dennis Quaid og frú eignuðust tvíbura sem önnur kona gekk með

Athugasemdir

[Guðný Þóra Guðmundsdóttir (IP-tala skráð) 12.11.2007 kl. 22:18]

Tja, nema konan að einhverjum orsökum geti ekki gengið með börn!

[Ingvar Valgeirsson, 12.11.2007 kl. 22:40]

Sem er víst einmitt tilfellið.

[Lísa (IP-tala skráð) 12.11.2007 kl. 23:01]

Thví midur er thad ekki öllum konum gefinn sá heidur ad geta gengid med börn !!!! Thvi midur.  Thannig afhverju ekki ad samgledjast theim heldur en ad hoppa í ásakanir med neikvædni og öfund !!!

[Guðmundur (IP-tala skráð) 12.11.2007 kl. 23:43]

Þetta er nú einhver þau heimskustu komment sem ég hef séð með frétt.
Ég efast ekki um að Kimberley hafi nú viljað ganga með börnin sín sjálf, en þar sem hún getur það ekki þá var þetta það besta sem þau gátu gert.
Ég samgleðst þeim nú bara.

[Örvar (IP-tala skráð) 13.11.2007 kl. 00:12]

Ég skil vel þessa færslu...

...ég veit ekkert um það hvort Kimberley greyið geti eða geti ekki eignast börn en staðreyndin er án efa sú að fólk á borð við D og K geta, kjósi þau svo, "keypt" þessa þjónustu.

Spurning um að stofna fyrirtæki og ráða ungar stúlkur við að vera meðgöngumæður... rukka bara duglega fyrir þessa milligönguþjónustu.

 Rúnmundur Breiðfjörð segir mér allavega að hann hafi heyrt heimskulegri viðskiptahugmyndir.

[Haukur Nikulásson, 13.11.2007 kl. 00:33]

Það verður ekki séð að móðirin hafi átt við nein vandamál að stríða varðandi meðgöngu. Það kemur ekkert fram frá leikaranum að eiginkonan ætti við einhver vandamál að stríða sem "réttlæti" meðgönguhýsil.

Athugasemdin hér er nánast bara ábending um það með peningum er hægt að losna við ýmis "óþægindi" og ekki illa meint gagnvart parinu sem slíku. Dennis Quiad er í ágætum metum hjá mér sem leikari, raunar í hálfgerðu uppáhaldi!

Ég á ekki von á öðru en að parið megi vera hið hamingjuasamasta með erfingjana og því ástæðulaust fyrir nafn- og myndleysingjana að vera með einhver læti út af þessari kaldhæðni minni. 

[Sigrún (IP-tala skráð) 13.11.2007 kl. 02:11]

Ég skildi kommentið frá þér þannig að allt væri nú hægt ef maður á nóg af peningum, hvað er illa meint við það er ekki að skilja þessa sem finnst það heimskulegt :)Og ef hún getur ekki eignast börn sjálf þá er þetta bara hið besta mál,að vísu er kallinn orðinn fullgamall fyrir tvö ungabörn og öllu sem því fylgir.....nema fóstrur sjái um uppeldið fyrir hann.