Presturinn og blaðamaðurinn

Þegar ég leit á forsíðu www.mbl.is þar sem bloggaratvennan birtist venjulega brá mér og svo skellti ég upp úr. Í þvi handahófsvali eðalbloggara sem völdust í reitinn að þessu sinni voru annars vegar prestur og hins vegar blaðamaður.

Það sem var fyndið var að þeir voru að tala niður til hvors annars og og það fór ekkert á milli mála í þeim örfáu línum sem birtast þarna úr bloggunum þeirra þarna á forsíðunni.

Þetta fékk mig til að hugsa að trúlega er bloggheimurinn að verða svona lítil sýndarveröld eins og Eve On-line eða Sim City.

Vegna tímahraks tókst mér ekki að festa þessa mynd úr forsíðunni til að sýna ykkur þetta. Ég lofa að standa mig betur næst.

Getraun dagsins: Hver var a)presturinn og b)blaðamaðurinn? 

Athugasemdir

[Benedikt Halldórsson, 25.9.2007 kl. 20:52]

Séra Baldur og ekki-Baugsblaðamaðurinn (man ekki nafnið).

[halkatla, 25.9.2007 kl. 21:07]

Páll Vilhjálmsson, held ég, ég man ennþá nafnið eftir að ég las grein prestsins. Málið er að það var blaðamaðurinn sem byrjaði, presturinn svaraði bara fyrir sig og mér finnst það gott hjá honum. Þetta er ofurdrama í bloggheimum

[Haukur Nikulásson, 25.9.2007 kl. 22:52]

Ekki vefst þessi getraun fyrir neinum og fannst mér hún þó í þyngri kantinum