Er eitthvað ÓDÝRT við misheppnað framboð?

Ég á nú eftir að sjá að íslendingar fái þetta sæti á 320 milljónir! Ég á ekki orð yfir þá firru sem í þessum málflutningi felst.

Finnst mönnum í lagi að borga þessa upphæð fyrir hugsanlega misheppnað framboð? Gera menn sér enga grein fyrir því að 320 milljónir eru stórfé þegar þá vantar í annað. Það hefði kannski mátt eyða biðlistum í heilbrigðiskerfinu og bjarga nokkrum mannslífum fyrir þessa peninga sem hafa verið notaðir í veisluhöld og mútustarfsemi á vegum utanríkisráðuneytisins.

Fólkið sem ráðstafar þessum peningum svona hefur of lengi notið allsnægta og skilur ekki þörfina annars staðar. 

Fá dæmi um jafn lítinn tilkostnað við framboð til öryggisráðsins

Athugasemdir

[Haraldur Haraldsson, 7.9.2007 kl. 18:19]

Kvitt sammála þessu/þetta er illa farið með almennafé/Halli gamli

[Ásthildur Cesil Þórðardóttir, 8.9.2007 kl. 01:19]

Já skrýtin eru þeirra forgangsmál, óhætt að segja það.