Nú erum við Birna í sama liði!

Einu sinni var ég ungt íhald, sem var áskapað að hata kommúnisma og alla kommúnísta. Kalda stríðið var notað til að ala þetta upp í okkur.

Þá var Birna Þórðardóttir holdgervingur hinna illu afla, myndir af henni sem mótmælanda spriklandi í höndum lögreglumanna vakti hjá okkur í stuttbuxnaíhaldinu meinfýsinn hlátur.

Svo liðu árin. Birna er hætt að vera kommúnisti og ég er hættur að vera íhald (var það raunar aldrei þegar á reyndi).

Nú gleðst ég yfir því að Birna sé ekki hætt að berjast gegn hernaðarbrölti og NATO tel að við séum eftir allt saman í sama liði. Ísland úr NATO og hernaðarbröltið burt!

Hernaðarandstæðingar mótmæla heræfingum

Athugasemdir

[Jóhannes Ragnarsson, 14.8.2007 kl. 19:05]

Ég er ekki svo viss um að Birna sé hætt að vera kommúnisti. En hvað um það, þá er gott að vera samherji hennar.

[Jón (IP-tala skráð) 14.8.2007 kl. 20:51]

Og við gerum hvað ef það verður gerð (bara svona í versta falli) árás á Ísland? Hryðjuverk einhver t.d.?  Leitum að málamiðlun? Held nú síður

[Haukur Nikulásson, 14.8.2007 kl. 20:54]

Jón, við bíðum bara rólegir þar til þeir fara eða gefast upp. Ætlar þú kannski að vera fyrstur til að deyja fyrir Ísland?

[Sigurjón, 15.8.2007 kl. 00:36]

Líklegasta orsök þess að gerð verði árás á landið væri einmitt vera hers hér eða stuðningur ríkis við hernaðarbrölt.

[Sigurjón, 15.8.2007 kl. 00:38]

Galdurinn við góð stjórnmál er að finna veginn milli kapítalisma og jafnaðarstefnunnar.