Fleiri lög í spilarann

Í tilefni langrar helgar hef ég bætt inn slatta af lögum inn á spilarann. Þetta eru eigin demo upptökur teknar upp í heilu lagi beint af mixer í lifandi flutningi.

Ég syng og spila gítar og er með forritaðan undirleik af tölvu (MIDI skrár). Sum laganna eru þó bara gítar og söngur.

Við Gunnar Antonsson höfum verið að spila mikið undanfarið og erum komnir með um 200 laga prógram. Við syngjum og spilum á tvo gítara en það er líka hægt að taka tölvuna með og vera þannig með fullútsetta tónlist eins og er hér í spilaranum. þannig að ef ykkur vantar söng og spil í afmæli, brúðkaup eða þess háttar þá fáumst við fyrir rétt verð. (Smá plögg!)

Athugasemdir

[Ingvar Valgeirsson, 26.5.2007 kl. 14:00]

Það á að plögga sér á sínu eigin bloggi - ég er líka fáanlegur, einn og sér eða með bráðskemmtilegri hljómsveit, jafnvel sem kassagítardúett ef í það fer.

Þetta var ekki plögg, þetta var staðreynd.

[Sigurjón, 26.5.2007 kl. 14:20]

Ég hef þig í huga Haukur þegar ég held brúðkaupsveizlu.  Hvaða hljóðkort notar þú við MIDI-skrárnar?

[Haraldur Haraldsson, 26.5.2007 kl. 16:34]

Já margt er mönnum til lista lagt/ Kveðja Halli Gamli

[Haraldur Haraldsson, 26.5.2007 kl. 16:38]

Eg buið að hlusta þetta er frábært allt/Halli Gamli P/S hefi þetta i huga þetta tilboð!!!!!

[Haukur Nikulásson, 26.5.2007 kl. 19:21]

Ingvar, það á eftir að taka út þín mál á Dubliner eða Deco eða eitthvað. Þú getur átt von á að sjá mig birtast við óvænt tækifæri. 

Sjonni, ég er að nota Roland hljóðgervla, fyrst PCI kort sem hét Sound Canvas SC-1 (frá 1992) og síðar Sound Canvas SC-88. Mig langar að endurnýja en þyrfti þá að fara í fokdýran Roland VSynth XT sem kostar hönd og fót og ég tími ekki ennþá. Bíð eftir því að eiga meira af ónýttum fjármunum. Ég spila núna mest með Gunna lög útsett fyrir tvo gítara og tvær raddir.

Takk fyrir hrósið Halli, það kitlar alltaf egóið!