Jón Sigurðsson fer ekki framhjá neinum - græni göngukallinn

Það er engin leið að forðast það að horfa á andlitið á Jóni Sigurðssyni formanni Framsóknarflokksins. Hann er í auglýsingum á öllum helstu vefmiðlum landsins þessa daga. Hann er orðinn jafn áberandi og Björn Ingi var í borgarstjórnarkosningunum.

Það er ljóst að Framsóknarflokkurinn mun hvergi slaka í auglýsingum í þessum kosningum frekar en fyrri daginn og mun leiða lætin í þessu. Framsóknarflokkurinn mun auglýsa sig upp í nothæft fylgi til áframhaldandi stjórnarsetu með öllum ráðum. Framsóknarflokkurinn auglýsir mun meira en Sjálfstæðisflokkurinn, enda græða sjallar mest á því að sýna helst ekki sína frambjóðendur. Sjáið bara hvernig fór fyrir þeim Árna Mathiesen og Ástu Möller á sjónvarpsstöðvunum í gær!

Framsóknarflokkurinn og Jón eru búnir að eigna sér græna göngukallinn á umferðarljósunum og þá liggur beinast við að slökkt verði á þeim í námunda við kjörstaði á kosningadag. Áróður á kjörstað er nefnilega bannaður samkvæmt lögum.

Athugasemdir

[leeds (IP-tala skráð) 2.5.2007 kl. 09:03]

held að  sjálstæðisflokkurinn sé með 95 manns á launaskrá

[leeds (IP-tala skráð) 2.5.2007 kl. 09:09]

held að  sjálstæðisflokkurinn sé með 95 manns á launaskrá

[Katrín Snæhólm Baldursdóttir, 2.5.2007 kl. 17:19]

Ha ha góður þessi með græna gönguljósakarlinn....Þeir eru slungnir framsóknarmennirnir..ha? Hvað ætli það verði   næst? Tóm steypa eða malbik..það væri vel við hæfi.