Tilgangslaust að deila á svona sérvitringa

Mörgum finnst Björk vera snillingur á tónlistarsviðinu. Ég er ekki einn þeirra. Hef aldrei haft smekk fyrir gólinu hennar og finnst bara ekkert frumlegt við það. Ég skal hins vegar alveg unna fólki þess að þykja þetta mesta snilligáfa tónlistarsögunnar af þeirri einföldu staðreynd að það sé til lítils að deila um smekksatriði.

Ummæli hennar í þessari grein eru að mínu mati bara í stíl við hennar persónu sem sérvitrings. Hún hefur þessa skoðun á málunum og maður má bara vera þakklátur á meðan hún býður sig ekki fram í pólitík á Íslandi. Þá fyrst færi um mann! 

Björk gremst stóriðjuframkvæmdir á Íslandi

Athugasemdir

[Örvar Þór Kristjánsson, 27.4.2007 kl. 10:56]

100% sammála.

[Gunnar Th. Gunnarsson, 27.4.2007 kl. 10:59]

Mér finnst það samt alvarlegt að einn frægasti Íslendingur á heimsvísu sem við höfum átt, er að blaðra tóma steypu í erlenda fjölmiðla. Stærsta stífla heims!! Stærsta álver heims. Fimm álver á næstu fimm árum. Ísland eins og Frankfurt. Þetta er landkynning í lagi.

[Ingvar Valgeirsson, 27.4.2007 kl. 11:51]

Mér finnst alltaf jafn asnalegt/fyndið þegar fjölmiðlar éta upp pólítískar skoðanir frægs fólks, eins og leikara og popptónlistarmanna, slá því upp í stórum greinum í blöðum og fast að því hunsa algerlega álit sérfræðinga í máefninu. Hverjum er ekki skítfokkingssama um hvað Björk finnst um stíflur og álver? Ber að taka fram að þetta er sagt með fullri virðingu fyrir henni sem listamanni.

Hvað kemur næst? Sé fyrir mér fyrirsagnirnar "Leoncie hlynnt jarðgöngum við Bolungarvík", "Geir Ólafsson setur út á aðbúnað aldraðra", "Baraflokkurinn allur hlynntur lækkun virðisaukaskatts á mynddiskum" og ""Bjarni töframaður gleðst vegna fyrirhugaðs álvers við Trékyllisvík".

Mér fannst Gene Simmons, bössungur ofmetnustu rokksveitar veraldar, Kiss, orða þetta nokkuð fínt þegar hann var spurður um pólítík og poppara - "Ekki spyr ég Al Gore hvernig á að spila á bassa".

[halkatla, 27.4.2007 kl. 13:11]

vá ég er í krampa yfir síðustu athugasemd