Vinsamlegast takið spillingarmálin fyrir!

Það eru einlæg skilaboð mín til fyrrum félaga í Sjálfstæðisflokknum að taka fyrir spillingarmálin sem ráku mig í burtu frá honum:

• Hindrið kjör Árna Johnsen til Alþingis
• Dragið Ísland út úr umræðu um stuðning við Íraksstríðið
• Hindrið að Landsvirkjun og orkufyrirtækin verði einkavædd
• Sjáið til þess að hætt verði að misnota vald í dómskerfinu
• Fáið forystuna til að lofa bættu eftirliti með fjárveitingum
• Samþykkið færslu flugvallarins til að fá út 200 milljarða króna verðmæti til framfara
• Samþykkið að auka verulega bætur aldraðra og öryrkja upp að mannsæmandi framfærslu
• Hindrið að fiskveiðiauðlindin verði endanlega gefin útvegsmönnum
• Óskið eftir leiðréttingu á eftirlaunafrumvarpi þingmanna og ráðherra
• Óskið eftir því að styrkir til stjórnmálaflokka verði afnumdir, enda gegn lýðræðisþróun og nýliðun í stjórnmálum 

Bjartsýni sögð einkenna landsfund Sjálfstæðisflokksins

Athugasemdir

[Guðrún Magnea Helgadóttir, 13.4.2007 kl. 16:26]

Sæll Haukur! Ég vil bæta við listann þinn.

1. Að við stoppum einkavæðingu á vatnsréttindum í landinu.

2. Að við hindrum að fleiri ófundnar auðlindir verði einkavæddar.

[Auðun Gíslason, 13.4.2007 kl. 16:41]

Vinsamlega bendi þér á nýjasta skandalinn. Nú er borgarstjórnarmeirihlutinn farinn að taka þátt í kosningarbaráttunni með auglýsingum og grænum gæluverkefnum (þó góðra gjalda verð).

[Haukur Nikulásson, 13.4.2007 kl. 17:23]

Dharma: Flugvöllin á að færa innan borgarmarkanna. Vatnsmýrarsvæðið getur verið allt að 230 milljarða virði. Nýr flugvöllur kostar 20-22 milljarða með öllum frágangi. Fyrir 230 milljarða má gera ýmislegt. Því miður eru til bótaþegar sem misnota kerfið, það má taka á því líka samhliða því að raunverulegir bótaþegar fái viðunandi bætur. Við gætum báðir slysast til að verða bótaþegar Dharma.

Guðrún Magnea: Þú ert með góðar tillögur til viðbótar.

Auðun: Ég hef ekki orðið var við þetta en kynni mér það. 

[Birgir Guðjónsson, 13.4.2007 kl. 21:10]

Hjartanlega og algjörlega sammála þér Haukur með listann ( að frátöldum síðasta liðnum ). Það er einnig mjög mikilvægt að bæta við þessum tveimur liðum frá Guðrúnu Magnea. 

[Haukur Nikulásson, 14.4.2007 kl. 14:55]

Hanna Birna, átt þú þátt í því að þessi sjö atriði fóru í ræðu Ingibjargar?